Հրաչյա Պապինյան
Հրաչյա Անուշավանի Պապինյան (հունվարի 27, 1961, Հագվի, Թումանյանի շրջան, Հայկական ԽՍՀ, ԽՍՀՄ), հայ լրագրող, ռեժիսոր, «Թատերական Լոռի» փառատոնի տնօրեն։
| Հրաչյա Անուշավանի Պապինյան | |
|---|---|
| Ծնվել է | հունվարի 27, 1961 (62 տարեկան) |
| Ծննդավայր | Հագվի, Թումանյանի շրջան, Հայկական ԽՍՀ, ԽՍՀՄ |
| Քաղաքացիություն |  Հայաստան |
| Մասնագիտություն | լրագրող, ռեժիսոր |
| Պարգևներ և մրցանակներ |  |
Կենսագրություն խմբագրել
Ծնվել է 1961 թ. հունվարի 27-ին, Լոռու մարզի Թումանյանի տարածաշրջանի Հագվի գյուղում։ 1983 թվականից Թումանյանի շրջանային մշակույթի տանն աշխատել է մեթոդիստ, 1988 թվականից տնօրեն։ 1993 թվականին ընտրվել է Թումանյանի շրջանային խորհրդի գործկոմի մշակույթի բաժնի վարիչ և աշխատել մինչև գործկոմների լուծարումը։ 1997-2003 թթ. աշխատել է որպես Ալավերդու մշակույթի կենտրոնի տնօրեն և 1992 թվականից մինչև օրս կարճատև դադարով հանդիսանում է Ալավերդու քաղաքային թատրոնի գեղարվեստական ղեկավարը։ 1999 թվականին գործընկերոջ հետ հիմնադրել է Ալավերդու «Անկյուն գումարած 3» հեռուստաընկերությունը, եղել գլխավոր խմբագիր և նույն թվականինց զբաղվել է հեռուստալրագրությամբ։ 2000 թվականից համագործակցել է «Ինտերնյուս Հայաստան» կազմակերպության ծրագրերի հետ և ռեպորտաժներ պատրաստել «Ստորակետ», «Դիտակետ», «Խաչմերուկ» ծրագրերի համար, որոնք հեռարձակվել են Հայաստանում, Վրաստանում, Ադրբեջանում և ԱՊՀ երկրներում։ Որոշ տեսանյութեր հեռարձակվել են նաև CNN հեռուստաընկերության եթերում։ 2000-2021 թթ. եղել է Հայաստանի ազգային, այնուհետև Հայաստանի հանրային հեռուստաընկերության լրատվական ծրագրի Լոռու մարզի սեփական թղթակից։ 2003-2013 թթ.վարել է Հայաստանի հանրային հեռուստաընկերության «Կարծիք» հաղորդաշարը, եղել լրագրող, սցենարիստ և ռեժիսոր։ 1989 թ.-ից անընդմեջ հանդիսանում է «Թատերական Լոռի» փառատոնի տնօրեն։ 2009 թ. հեղինակել է «Պղնձե քաղաքի պատմությունը» գիրքը-ալբոմը, որը երկար տարիներ Ալավերդում իր կողմից կատարված ժողովրդագրական հետազոտությունների արդյունք է և պատմում է Ալավերդում պղնձարտադրության 240 տարվա մասին։
Բեմադրություններ խմբագրել
Թումանյանի շրջանային ժողովրդական թատրոն
- Շվարց, Գաբբե «Մոխրոտը»
- Վասիլի Շուկշինի «Փեսաս մի բեռ ցախ գողացավ»
- Շաքարյան «Օջախի տերը»
Ալավերդու քաղաքային թատրոն
- Բոմարշե «Ֆիգարոյի ամուսնությունը»
- Ֆիլիպո «Ուրվականները»
- Կասոնա «Ծառերը կանգնած են մահանում»
- Այվազյան «Դիպլիպիտո»
- Անանյան «Ամոթ է, խելքի եկեք»
- Լուի Վերնեյ «Հեղինեի առևանգումը»
- Սարտր «Դռնփակ»
- Ռազումովսկայա «Անհող այգի
- Դավթյան «Ռեքվիեմ»
- Մաքսիմով «Շտապ հարկավոր է հինգ հազար եվրո»
- Ֆիգեյրետո «Դոն Ժուան» և այլն
Հեղինակ է բազմաթիվ տեսաֆիլմերի, որոնք պատմում են մեր մշակույթի մեծերի, աշխարհի տարբեր անկյուններում գտնվող հայկական գաղթօջախների և այլնի մասին։
Պարգևներ խմբագրել
- Մովսես Խորենացու մեդալ (2011)[1]
- ՀՀ ազգային ժողովի պատվոգրով (2018)
- ՀՀ մշակույթի նախարարության ոսկե մեդալ (2014)
- ՀԹԳՄ ոսկե մեդալև գերատեսչական այլ պարգևներ
- 1987 թվականին Շուկշինի «Փեսաս մի բեռ ցախ գողացավ» ներկայացման համար արժանացել է Համամիութենական փառատոնի դափնեկրի կոչման
- 2012 թվականին Ռազումովսկայայի «Անհող այգի» ներկայացաման բեմադրության համար Հանրապետական փառատոնի դափնեկրի կոչման և առաջին մրցանակին։ Արժանացել է նաև այլ փառատոների դափնեկրի կոչման։
Լրագրողական մրցանակներ խմբագրել
- «Հեռանե»-2003
- «Ոսկե կարաս»-2006
- «Ինտերնյուս Հայաստանի» կազմակերպած լրագրողական տարբեր մրցույթների հաղթող 1999-2005 թթ.
- 2004 և 2005 թվականներին երկու տարի անըդմեջ ստացել է ԵԱՀԿ Երևանյան գրասենյակի կազմակերպած բնապահպանական լրագրողական մրցույթների գլխավոր մրցանակները
- 2012 թվականին տեղական ինքնակառավարման համակարգի ներդրման 15-ամյակի կապակցությամբ հայտարարված տեսաֆիլմերի մրցույթի գրան-պրի
- 2019 թվականին ստացել է Երևանի Մամուլի ակումբի ամենամյա մրցանակ՝ Մարզային իրադարաձությունների օպերատիվ լուսաբանման համար
Արտաքին հղումներ խմբագրել
- «Պղնձե քաղաքի պատմությունը», Անտարես, Երևան -2010 թ
- Մեկնարկել է «Թատերական Լոռի» փառատոնը
- «Ա1+»-Ի ԼՐԱԳՐՈՂ ՌՈՒԶԱՆ ԱՄԻՐՋԱՆՅԱՆԸ` ԵՐԿՐՈՐԴ ՄՐՑԱՆԱԿԱԿԻՐ
- Ամփոփվել է Միջհամայնքային մշակութային I-ին ցուցահանդես /մարզային«ArtExpo»/-ի և մրցույթ-փառատոնի արդյունքները