Հրաչյա Գրիգորյան

Հրաչյա Գրիգորյան
Ծնվել է	հոկտեմբերի 22, 1907; Կարս, Կարսի մարզ, Կովկասյան երկրամաս, Ռուսական կայսրություն
Մահացել է	ապրիլի 19, 1969 (61 տարեկան); Երևան, Հայկական ԽՍՀ, ԽՍՀՄ
Մասնագիտություն	գրականագետ և խմբագիր
Հաստատություն(ներ)	Գոլոս Արմենիի, Պրավդա, ՀԳՄ, Պատմաբանասիրական հանդես և ՀՀ ԳԱԱ գրականության ինստիտուտ
Անդամակցություն	ԽՍՀՄ Գրողների միություն
Գիտական աստիճան	բանասիրական գիտությունների թեկնածու
Տիրապետում է լեզուներին	հայերեն
Կուսակցություն	ԽՄԿԿ

Վիքիպեդիայում կան հոդվածներ Գրիգորյան ազգանունով այլ մարդկանց մասին։

Հրաչյա Գևորգի Գրիգորյան (հոկտեմբերի 22, 1907(1907-10-22)^[1], Կարս, Կարսի մարզ, Կովկասյան երկրամաս, Ռուսական կայսրություն^[1] - ապրիլի 19, 1969(1969-04-19)^[1], Երևան, Հայկական ԽՍՀ, ԽՍՀՄ^[1]), հայ խորհրդային գրականագետ։ Բանասիրական գիտությունների թեկնածու։ ԽՍՀՄ գրողների միության անդամ 1934 թվականից։

Կենսագրություն խմբագրել

1924-1925 թվականներին սովորել է պրոլետկուլտի գրական բաժնում։ 1949 թվականին ավարտել է ԽՄԿԿ Կենտկոմին կից կուսակցական բարձրագույն դպրոցը։ 1931-1934 թվականներին եղել է Վրաստանի պրոլետարական գրողների ասոցիացիայի հայկական մասնաճյուղի պատասխանատու քարտուղարը։ 1934-1938 թվականներին եղել է Երևանի «Կոմունիստ» (ռուսերեն) թերթի արվեստի և գրականության բաժնի վարիչը, 1938-1939 թվականներին՝ Հայաստանի գրողների միության առաջին քարտուղարը, 1939-1944 թվականներին՝ «Կոմունիստ» (ռուսերեն) թերթի խմբագիրը։ 1942-1944 թվականներին միաժամանակ աշխատել է ՀԿԿ Կենտկոմում որպես մամուլի բաժնի վարիչ։ 1944-1946 թվականներին եղել է «Պրավդա» թերթի Հայկական ԽՍՀ սեփական թղթակիցը, 1946 թվականին՝ Հայաստանի գրողների միության առաջին քարտուղարը, 1946-1948 թվականներին՝ ՀԽՍՀ կինեմատոգրաֆիայի նախարարը, 1948-1957 թվականներին՝ ՀԽՍՀ Նախարարների խորհրդին կից հայ եկեղեցու գործերի կոմիտեի նախագահը, 1957-1959 թվականներին՝ «Պատմաբանասիրական հանդեսի» խմբագրի տեղակալը, 1959-1963 թվականներին՝ «Սովետական Հայաստան» ամսագրի խմբագիրը, 1964-1969 թվականներին՝ ավագ գիտաշխատող ՀԽՍՀ ԳԱ Մ. Աբեղյանի անվան գրականության ինստիտուտում։ 1950 թվականին «Սոցիալիստական ռեալիզմի պոեզիայի հիմնադիրը (Վլադիմիր Մայակովսկի)» թեմայով ատենախոսություն է պաշտպանել և ստացել բանասիրական գիտությունների թեկնածուի աստիճան։ ԽՄԿԿ անդամ 1939 թվականից։

Ռուսերեն լույս են տեսել նրա «Վլադիմիր Մայակովսկի» (Երևան, 1950), «Մայակովսկին և հայ գրականությունը» (Երևան, 1956) գրքերը։

Մահացել է 1969 թվականի ապրիլի 19-ին, Երևանում^[2]։

Երկեր խմբագրել

Սոցիալիստական ռեալիզմի պոեզիայի հիմնադիրը (Վլադիմիր Մայակովսկի), Ե., Հայպետհրատ, 1950, 340 էջ։
Վ. Մայակովսկի, Ե., Հայպետհրատ, 1953, 64 էջ։
Գրական ակնարկներ, Ե., Հայպետհրատ, 1955, 296 էջ։
Վլադիմիր Մայակովսկի (կյանքն ու ստեղծագործությունը), Ե., «Հայաստան», 1970, 576 էջ, տպ. 3.000:

Թարգմանություններ խմբագրել

Մայակովսկի Վլադիմիր։ Բանաստեղծություններ, պոեմներ։ Գիրք 1. Բանաստեղծություններ.- Երևան։ Հայաստան, 1972.- 214 էջ։
Մայակովսկի Վլադիմիր։ Բանաստեղծություններ, պոեմներ։ Գիրք 1. Բանաստեղծություններ.- Երևան։ Հայաստան, 1972.- 245 էջ։
Մայակովսկի Վլադիմիր։ Ընտիր երկեր։ Հատոր 1.- Երևան։ Հայպետհրատ, 1950.- 553 էջ։
Մայակովսկի Վլադիմիր։ Ընտիր երկեր։ Հատոր 2.- Երևան։ Հայպետհրատ, 1950.- 508 էջ։
Մայակովսկի Վլադիմիր։ Հատընտիր․- Երևան։ Հայպետհրատ, 1955.- 596 էջ։
Մայակովսկի Վլադիմիր։ Հատընտիր.- Երևան։ Սովետական գրող, 1982.- 696 էջ։

Ծանոթագրություններ խմբագրել

↑ ^1,00 ^1,01 ^1,02 ^1,03 ^1,04 ^1,05 ^1,06 ^1,07 ^1,08 ^1,09 ^1,10 ^1,11 ^1,12 ^1,13 ^1,14 Հայկական սովետական հանրագիտարան (հայ.) / Վ. Համբարձումյան, Կ. Խուդավերդյան — Հայկական հանրագիտարան հրատարակչություն, 1974.
↑ Հայկ Խաչատրյան, Գրական տեղեկատու, Ե., «Սովետական գրող», էջ 127-128։

Վիքիդարանն ունի նյութեր, որոնք վերաբերում են «Հրաչյա Գրիգորյան» հոդվածին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 3, էջ 226)։

[_5e5775e65518eefb-1] 1,00 ^1,01 ^1,02 ^1,03 ^1,04 ^1,05 ^1,06 ^1,07 ^1,08 ^1,09 ^1,10 ^1,11 ^1,12 ^1,13 ^1,14 Հայկական սովետական հանրագիտարան (հայ.) / Վ. Համբարձումյան, Կ. Խուդավերդյան — Հայկական հանրագիտարան հրատարակչություն, 1974.

[2] Հայկ Խաչատրյան, Գրական տեղեկատու, Ե., «Սովետական գրող», էջ 127-128։

[1]

[2]

Հրաչյա Գրիգորյան
Ծնվել է	հոկտեմբերի 22, 1907(1907-10-22)^[1] Կարս, Կարսի մարզ, Կովկասյան երկրամաս, Ռուսական կայսրություն^[1]
Մահացել է	ապրիլի 19, 1969(1969-04-19)^[1] (61 տարեկան) Երևան, Հայկական ԽՍՀ, ԽՍՀՄ^[1]
Մասնագիտություն	գրականագետ և խմբագիր
Հաստատություն(ներ)	Գոլոս Արմենիի^[1], Պրավդա^[1], ՀԳՄ^[1], Պատմաբանասիրական հանդես և ՀՀ ԳԱԱ գրականության ինստիտուտ
Անդամակցություն	ԽՍՀՄ Գրողների միություն
Գիտական աստիճան	բանասիրական գիտությունների թեկնածու
Տիրապետում է լեզուներին	հայերեն
Կուսակցություն	ԽՄԿԿ^[1]