Հրաչյա Գալստյան
- Վիքիպեդիայում կան հոդվածներ Գալստյան ազգանունով այլ մարդկանց մասին։
Հրաչյա Ցոլակի Գալստյան (մարտի 10, 1948, Երևան, Հայկական ԽՍՀ, ԽՍՀՄ - հուլիսի 23, 2016, Երևան, Հայաստան), հայ քանդակագործ, նկարիչ, խեցեգործ։
Հրաչյա Գալստյան | |
---|---|
Ծնվել է | մարտի 10, 1948 |
Ծննդավայր | Երևան, Հայկական ԽՍՀ, ԽՍՀՄ |
Մահացել է | հուլիսի 23, 2016 (68 տարեկան) |
Վախճանի վայրը | Երևան, Հայաստան |
Քաղաքացիություն | ԽՍՀՄ և Հայաստան |
Կրթություն | Փանոս Թերլեմեզյանի անվան գեղարվեստական ուսումնարան (1968) և Երևանի պետական գեղարվեստա-թատերական ինստիտուտ (1998) |
Ստեղծագործություն(ներ) | Տիգրան Պետրոսյանի հուշարձան |
Մասնագիտություն | խեցեգործ և քանդակագործ |
Երեխաներ | Շողակաթ Մլքե Գալստյան և Ցոլակ Մլքե-Գալստյան |
Կենսագրություն խմբագրել
Հրաչյա Գալստյանը ծնվել է 1948 թվականի մարտի 10-ին, Երևանում։ 1968 թվականին ավարտել է Երևանի գեղարվեստի ուսումնարանը, 1973 թվականին՝ Երևանի գեղարվեստա-թատերական ինստիտուտը։ Դասավանդել է Աշտարակ քաղաքում, այունհետև՝ Երևանի գեղարվեստի ուսումնարանում, 1998 թվականից՝ Երևանի գեղարվեստի պետական ակադեմիայում։ Մասնակցել է Արցախյան ազատամարտին[1]։
Ցուցահանդեսներ խմբագրել
1979 թվականին Ռիգայում ունեցել է անհատական ցուցահանդես[2]։ 2017 թվականին Հայաստանի նկարիչների միությունում բացվել է ցուցահանդես Հրաչյա Գալստյանի հիշատակին նվիրված ցուցահադնես, որի շրջանակներում կայացել է Հրաչյա Գալստյանի «Հայրենականչ» գրքի շնորհանդեսը[3]։
Ստեղծագործություններ խմբագրել
- «Կանայք», թեմատիկ շարք, թրծակավ, 1991 թվականից
- «Պատմիչներ», թեմատիկ շարք, թրծակավ, 1998 թվականից
- «Երաժիշտներ», թեմատիկ շարք, թրծակավ, 1998 թվականից
- «Աղամաններ», ազգային-դիցաբանական մոտիվներով շարք (հրակավ, Երևանի աղի կոմբինատ)
- «Մատաղ», աղե քանդակ, 2002
- «Երգ աղի մասին», աղե քանդակ, 2004
- Հին Էրիվան ռեստորանը ներքին և արտաքին ձևավորումներ
- «Կժով կինը» դեկորատիվ քանդակ (2003, Հին Էրիվան ռեստորանի դիմաց)
Համահեղինակ է Ապարան քաղաքի Տիգրան Պետրոսյանի անվան հրապարակում տեղադրված Տիգրան Պետրոսյանի հուշարձանի։
Ծանոթագրություններ խմբագրել
- ↑ Baghdasaryan, Aram. «AV Production - Հրաչյա Գալստյան». avproduction.am. Արխիվացված է օրիգինալից 2020 թ․ հուլիսի 4-ին. Վերցված է 2017 թ․ մարտի 10-ին.
- ↑ Ով ով է. Հայեր. Կենսագրական հանրագիտարան, հատոր առաջին, Երևան, 2005.
- ↑ «Հայաստանի նկարիչների միությունում բացվեց ցուցահանդես` նվիրված Հրաչյա Գալստյանի հիշատակին». iravunk.com. Արխիվացված է օրիգինալից 2017 թ․ օգոստոսի 3-ին. Վերցված է 2018 թ․ դեկտեմբերի 17-ին.