Հրաչիկ Ղանդիլյան
- Վիքիպեդիայում կան հոդվածներ Ղանդիլյան ազգանունով այլ մարդկանց մասին։
Հրաչիկ Մեհրաբի Ղանդիլյան (1921, Կամոյի շրջան - 1978), հայ մանկավարժ։ Հայրենական մեծ պատերազմի մասնակից։ Լենինի շքանշանակիր։
| Հրաչիկ Ղանդիլյան | |
|---|---|
| Ծնվել է | 1921 |
| Ծննդավայր | Կամոյի շրջան |
| Մահացել է | 1978 |
| Քաղաքացիություն |  ԽՍՀՄ |
| Կրթություն | Հայկական պետական մանկավարժական համալսարան |
| Մասնագիտություն | մանկավարժ |
| Պարգևներ և մրցանակներ |  |
Կենսագրություն խմբագրել
Հրաչիկ Ղանդիլյանը ծնվել է 1921 թվականին, Կամոյի շրջանի Արծվաքար գյուղում։ 1939 թվականին ավարտել է Կամոյի մանկավարժական ուսումնարանը։ Մի քանի ամիս Վարդենիսի շրջանի Ծովակ գյուղի դպրոցում աշխատելուց հետո զորակոչվել է բանակ[1]։
Հրաչիկը ծառայել է 108-րդ հեծյալ գնդում։ Հայրենական մեծ պատերազմի առաջին օրերից նրանց զորամասը մարտնչել է թշնամու դեմ։ 1941 թվականի հուլիսին Հրաչիկը կրծքից ծանր վիրավորվել է։ Տեղափոխվել է հոսպիտալ և բուժվելուց հետո, որպես պատերազմի երկրորդ կարգի հաշմանդամ, զորացրվել է բանակից[1]։
Ղանդիլյանը պատերազմի տարիներին հայրենանվեր մեծ աշխատանք է կատարել թիկունքում։ Կոլտնտեսությունում աշխատել է որպես օղակավար։ 1948 թվականին լավագույն աշխատանքի համար արժանացել է բարձրագույն պարգևի՝ Լենինի շքանշանի։ Առողջական վիճակի վատթարացման պատճառով Հրաչիկը հնարավորություն չի ունեցել զբաղվելու ֆիզիկական աշխատանքով։ Ավարտել է Երևանի հեռակա մանկավարժական ինստիտուտը, աշխատանքի է անցել Ծովակի դպրոցում, 1954-1955 ուսումնական տարվանից դասավանդել է ֆիզիկա, մաթեմատիկա և կենսաբանություն։ Այնուհետև աշխատել է Սևանի շրջանի Զովաբերի միջնակարգ դպրոցում։ Ստեղծել է դպրոցամերձ հիանալի հողամաս և մի քանի տարի ղեկավարել ուսումնափորձնական աշխատանքները։ Նրա փորձին նվիրված հատուկ գրքույկ է հրատարակվել։ Ղանդիլյանը եղել է հասարակական ակտիվ աշխատող։ Պարգևատրվել է մի շարք մեդալներով, պատվոգրերով[1]։
Մահ խմբագրել
Ղանդիլյանը մահացել է 1978 թվականին, ծանր հիվանդությունից հետո։