Հունգարիայի աշխատավորների կուսակցություն
| Այս հոդվածը կամ բաժինը մաքրում է պահանջում Վիքիպեդիայի որակի չափանիշներին համապատասխանելու համար։' Խնդրում ենք, բարելավեք այս հոդվածը կամ բաժինը ըստ հոդվածների գրման կանոնակարգի: Կամ էլ կարող եք ուղղակի արտահայտել ձեր կարծիքը քննարկման էջում: |
| Այս հոդվածի չեզոքությունը կասկածի ենթակա է։ Խնդրում ենք նայել քննարկման էջի բացատրությունը։ Խնդրում ենք չհեռացնել այս պիտակը մինչև խնդիրը չլուծվի։ |
Հունգարիայի աշխատավորների կուսակցություն (հունգ.՝ Magyar Dolgozók Pártja, MDP), 1948-1956 թվականներին իշխող կոմունիստական կուսակցություն Հունգարիայում: Ստեղծվել է Հունգարիայի Կոմունիստական կուսակցության (MKP) և Հունգարիայի սոցիալ-դեմոկրատական կուսակցությունների միավորման արդյունքում[1]:
| Հունգարիայի աշխատավորների կուսակցություն | |
|---|---|
 | |
| Տեսակ | կոմունիստական կուսակցություն |
| Երկիր | .svg){kind=small} Հունգարիա |
| Առաջնորդ | Մատյաշ Ռակոշի, Ernő Gerő? և Յանոշ Կադար |
| Հիմնադրված | հունիսի 14, 1948 |
| Լուծարված | հոկտեմբերի 31, 1956 |
| Գաղափարախոսություն | կոմունիզմ և մարքսիզմ-լենինիցմ |
| Շտաբ | Բուդապեշտ, Հունգարական Ժողովրդական Հանրապետություն |
| Միջազգային պատկանելություն | Կոմինֆորմ |
| Նախորդ | Հունգարիայի կոմունիստական կուսակցություն |
| Հաջորդ | Հունգարական սոցիալիստական բանվորական կուսակցություն |
| Hungarian Working People's Party Վիքիպահեստում | |
ՊատմությունԽմբագրել
Հունգարիայի աշխատավորների կուսակցության գլխավորությամբ երկրի բանվոր դասակարգը ձեռնամուխ է եղել սոցիալիզմի կառուցմանը, սակայն, կուսակցության ղեկավարությունը թույլ է տվել լուրջ սխալներ, որը թուլացրել է պրոլետարիատի դիկտատուրան Հունգարիայում և բարենպաստ պայմաններ ստեղծել ռևիզիոնիստական խմբավորումների քայքայիչ գործունեության համար: 1956 թվականի նոյեմբերին Հունգարիայի աշխատավորների կուսակցությունը վերակազմվել և անվանվել է ՀՍԲԿ: Պահպանելով և ամրապնդելով բանվոր դասակարգի իշխանությունը՝ ՀՍԲԿ հանդես է եկել սոցիալիստական շինարարության հետագա ծավալման նախաձեռնությամբ: ՀՍԲԿ VII համագումարը (1959 թվականի նոյեմբեր–դեկտեմբեր) հաստատել է երկրի ժող–տնտեսության զարգացման 2-րդ հնգամյա (1961–1965) պլանի նախապատրաստման դիրեկտիվները, որոշ փոփոխություններ մտցրել կուսակցության կանոնադրության մեջ: Կուսակցության VIII համագումարը (1962 թվականի նոյեմբեր) արձանագրել է, որ երկրում ավարտվել է սոցիալիստական հասարակարգի հիմքերի ստեղծումը, քաղաքում և գյուղում ձևավորվել են միասնական սոցիալիստական արտադրահարաբերություններ: IX համագումարը (1966 թվականի նոյեմբեր–դեկտեմբեր) հաստատեց սոցիալիզմի լիակատար կառուցման ուղղությամբ կուսակցության վարած քաղաքական գիծը: ՀՍԲԿ X համագումարը (1970 թվականի նոյեմբերի 23–28) հավաստել է կուսակցության գլխավոր գծի անխախտությունը, խնդիր դրել «ավելի բարձր մակարդակով շարունակել սոցիալիստական հասարակարգի լիակատար կառուցման կուրսը», մի շարք փոփոխություններ մտցրել կուսակցության կանոնադրության մեջ: ՀՍԲԿ XI համագումարը (1975 թվականի մարտի 17–22) ընդունել է ծրագրային հայտարարություն, որտեղ ձևակերպված են եղել զարգացած սոցիալիստական հասարակարգի առաջիկա 15–20 տարիների խնդիրները: Համագումարը հաստատել է կուսակցության գլխավոր գծի ճշտությունը և նշել բանվոր դասակարգի ու նրա կուսակցության ղեկավար դերի հետագա բարձրացման, պրոլետարիատի դիկտատուրայի ամրապնդման, սոցիալիստական դեմոկրատիայի ընդլայնման անհրաժեշտությունը, որոշել ժողտնտեսության զարգացման 5-րդ հնգամյա (1976–1980) պլանի խնդիրները: ՀՍԲԿ պատվիրակությունները մասնակցել են Կոմունիստական և բանվորական կուսակցությունների ներկայացուցիչների միջազգային խորհրդակցություններին (1957, 1960, 1969, Մոսկվա), ընդունել նրանցում ընդունված փաստաթղթերը: ՀՍԲԿ կառուցված է դեմոկրատական ցենտրալիզմի սկզբունքով: Կուսակցության բարձրագույն մարմինը համագումարն է, որն ընտրում է ԿԿ և ԿՎՀ: ԿԿ-ն իր հերթին ընտրում է քաղբյուրո և քարտուղարություն:
ՀՍԲԿ կենտրոնական օրգանն է եղել «Նեպսաբադշագ» («Nepszabadsag») թերթը, տեսական և հասարակական քաղաքական օրգանը՝ «Տարշադալմի սեմլե» («Tarsadalmi Szemle») ամսագիրը:
ՆերկայացուցիչներԽմբագրել
- Արպադ Սակաշիչ (1948, հուլիսի 12 - 1950, ապրիլ)
Կենտրոնական կոմիտեի գլխավոր քարտուղար
- Մատյաշ Ռակոշի (1948, հունիսի 12 - 28 июня 1953, հունիսի 28)
Կենտրոնական կոմիտեի առաջին քարտուղար
- Մատյաշ Ռակոշի (1953, հունիսի 28 - 1956, հուլիսի 21)
- Էրնյո Գերե (1956 թվականի հունիսի 21- հոկտեմբերի 25)
- Յանոշ Կադար (1956 թվականի հոկտեմբերի 25 - 30)
ԾանոթագրություններԽմբագրել
- ↑ Neubauer, John, and Borbála Zsuzsanna Török. The Exile and Return of Writers from East-Central Europe: A Compendium. New York: Walter de Gruyter, 2009. p. 140
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 6, էջ 667)։ 
|