Հյուսիսարևմտյան նահանգ
Հյուսիսարևմտյան նահանգ (անգլ.՝ North West, աֆրիկաանս՝ Noordwes, կոսա՝ Nyakatho-Ntshonalanga, տսվանա՝ Bokone Bophirima), Հարավաֆրիկյան Հանրապետության մեծությամբ վեցերորդ նահանգն է։ Հյուսիսում սահմանակցում է Բոտսվանային, արևմուտքում Հյուսիսային Կապին, հարավում Ֆրի Սթեյթին, հարավարևմուտքում Գաուտենգի, արևմուտքում Լիմպոպոյի։ Ստեղծվել է 1994 թվականին՝ վարչական ռեֆորմից հետո։ Նահանգի վարչական կենտրոնն է համարվում Մաֆիկենգը։ Ամենախոշոր քաղաքն է Ռուսթենբուրգը։
| |||
 Հին անգլիկան եկեղեցի Ռուստենբուրգում | |||
| Երկիր |  Հարավաֆրիկյան Հանրապետություն | ||
| Կարգավիճակ | ՀԱՀ նահանգ | ||
| Մտնում է | ՀԱՀ | ||
| Ներառում է | 4 գավառ | ||
| Վարչկենտրոն | Մաֆիկենգ | ||
| ԲԾՄ | 1453 մետր | ||
| Օրենսդրական մարմին | North West Provincial Legislature? | ||
| Բնակչություն | ▼3 804 548 մարդ (փետրվարի 2, 2022)[1] | ||
| Տարածք | 104 882 կմ² | ||
 | |||
| Հիմնադրված է | ապրիլի 27, 1994 թ. | ||
| Սահմանակցում է | Լիմպոպո, Գաուտենգ, Ֆրի Սթեյթ, Կգալագադի, Southern District?, South-East District?, Կգատլենգ և Հյուսիսային Կապ | ||
| Ժամային գոտի | UTC+2 | ||
| Փոխարինեց | Կապի նահանգ, Տրանսվաալ և Բոպուտատսվանա | ||
| ISO 3166-2 կոդ | ZA-NW | ||
| nwpg.gov.za և nwpg.gov.za(անգլ.) | |||
Աշխարհագրություն և կլիմա
խմբագրելՏարածքի մեծ մասը իրենից ներկայացնում է հարթավայր՝ պատմած խոտային բուսածածկով և առանձին ծառերով։ Մագալիսբերգ լեռնաշղթան ձգված է հյուսիսարևմուտքում՝ 130 կիլոմետր երկարությամբ, Պրետորիայից մինչև Ռուստենբուրգ։ Վալ գետը ձևավորում է նահանգի հարավային սահմանագիծը։
Բնակչություն
խմբագրելԲնակչության մեծ մասը խոսում է տսվանա լեզվով(65,4 %), իսկ մնացած մասը աֆրիկաանս, սոթո, կոսա, անգլերեն լեզուներով։ Բնակչության մեծ մասը դավանում է քրիստոնեություն։ Կրթվածության մակարդակը կազմում է 57 տոկոս։ Նահանգը ունի ՀԱՀ-ի ամենաքիչ բարձրագույն կրթություն ստացած բնակչությունը։
| <1 /կմ² 1–3 /կմ² 3–10 /կմ² 10–30 /կմ² 30–100 /կմ² | 100–300 /կմ² 300–1000 /կմ² 1000–3000 /կմ² >3000 /կմ² |
| աֆրիկաանս անգլերեն հվ. նդեբելե կոսա զուլուսերեն | հս. սոթո սոթո տսվանա տսոնգա չկա գերակշռող լեզու |
Վարչատարածքային բաժանում
խմբագրելՆահանգը բաժանված է չորս գավառի.
- Բոջանալա Պլատինում
- Նգակա Մոդիրի Մոլեմա
- Դոկտոր Քենեթ Կաունդա
- Դոկտոր Ռութ Սեգոմոցի Մոմպատի
Տնտեսություն
խմբագրելՏնտեսության հիմքն է հանդիսանում հանքարդյունաբերությունը։ Այն կազմում է նահանգի ՀՆԱ-ի կեսից ավելին և աշխատանքով է ապահովում բնակչության մեկ չորրորդ մասին։ Հիմնական օգտակատ հանածոներն են ոսկին, ուրանը, պլատինը և ալմասը։ Նահանգի հյուսիսում և արևմուտքում զարգացած են ոչխարաբուծությունը և խոշոր եղջերավոր անասնաբուծությունը։ Արևելքը և հարավը գյուղատնտեսական շրջաններ են, որտեղ աճեցնում են եգիպտացորեն, արևածաղիկ, ծխախոտ, բամբակ և ցիտրուսներ։
Կառավարություն
խմբագրել2018 թվականի հունիսի 22-ին Հյուսիսարևմտյան նահանգի կառավարիչ է դարձել Ջոբ Մոկգորոն[2]։
Ծանոթագրություններ
խմբագրելԱրտաքին հղումներ
խմբագրել- Հյուսիսարևմտյան նահան Արխիվացված 2010-10-18 Wayback Machine «ՀԱՀ֊ի» մասին կայքում (ռուսերեն)
| Վիքիճամփորդն ունի Հյուսիսարևմտյան նահանգին առնչվող զբոսաշրջային տեղեկատվություն։ |
 | Վիքիպահեստն ունի նյութեր, որոնք վերաբերում են «Հյուսիսարևմտյան նահանգ» հոդվածին։ |