Հեռախոսային ինդուկտոր

Հեռախոսային ինդուկտոր, ձեռքի հաղորդակով մագնիսաէլեկտրական մեքենա. կիրառվում է գյուղական կապի հեռախոսային ապարատներում՝ կանչի և ավարտի ազդանշաններ ուղարկելու համար։ Գրգռում է 18-21 հց հաճախականության, 60-70 վ լարման և 3,8 վտ հզորության փոփոխական հոսանք (2,5 կօհմ դիմադրության բռնվածքի դեպքում)։ Լինում են 2 տեսակի.

• երկու անշարժ ուղղանկյունաձև մագնիսներով, պտտվող խարիսխով (փաթույթով), ռեդուկտորով ու հոսանքահան զսպանակներով ինդուկտոր (նկ. 1),
• անշարժ խարիսխով (փաթույթով) ու պտտվող օղակաձև բազմաբևեռ մագնիսներով ինդիկատոր (նկ. 2)։

Նկ. 1. պտտվող խարիսխով ինդուկտոր. 1. հաստատուն մագնիսներ, 2. բևեռի կցան, 3. հոսանքահան զսպանակ (կոնտակտով)

Նկ. 2. անշարժ փաթույթով ինդուկտոր. ա-ընդհանուր տեսքը, բ-կտրվածքը. 1. պտտվող բազմաբևեռ հաստատուն մագնիս (ռոտոր), 2. փափուկ պողպատե ստատոր, 3. պտտվող սկավառակ, 4. բռնակ, 5. ստատորի փաթույթ

Հոսանքի անհրաժեշտ հաճախությունը ձեռք է բերվում բռնակի պտտման 3-3,5 պտ/վրկ հաճախականության դեպքում։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 6, էջ 357)։