Փոփոխական հոսանք

Փոփոխական հոսանք, Էլեկտրական հոսանքն է, որը ժամանակի ընթացքում փոփոխվում է մեծությամբ և ուղղությամբ կամ, հատուկ դեպքերում, կարող է փոփոխվել մեծությամբ՝ հաստատուն պահելով ուղղությունը։

Փոփոխական հոսանքի ընդհանուր հասկացություններ

Քանի որ փոփոխական հոսանքը ընդհանուր առմամբ փոփոխվում է էլեկտրական շղթայում ոչ միայն մեծությամբ, այլ նաև ուղղությամբ, համարվում է, որ այդ հոսանքի ուղղություններից մեկը հարաբերական բացասական է, իսկ մյուսը՝ հարաբերական դրական։ Փոփոխական հոսանքի մեծությունը տվյալ ժամանակում կոչվում է փոփոխական հոսանքի ակնթարթային արժեք։ Ամենամեծ ակնթարթային արժեքը կոչվում է հոսանքի ամպլիտուդ $I_{m}$ ։

Պարբերական փոփոխական հոսանք

Պարբերական փոփոխական հոսանքն այնպիսի էլեկտրական հոսանք է, որը հավասար պարբերությունների ընթացքում կրկնում է փոփոխությունների մեկ ամբողջական ցիկլ՝ վերադառնալով իր սկզբնական արժեքին։ $T$ ժամանակը, որի ընթացքում փոփոխական պարբերական հոսանքը կատարում է փոփոխման լրիվ ցիկլ՝ վերադառնալով իր սկզբնական արժեքին կամ մեծությանը, կոչվում է փոփոխական հոսանքի պարբերություն։

Պարբերության հակառակ մեծությունը կոչվում է փոփոխական հոսանքի հաճախականություն։

$f={\frac {1}{T}}$,

որտեղ

$f$ — Փոփոխական հոսանքի հաճախականություն,

$T$ — Փոփոխական հոսանքի պարբերություն ։

Միավորների ՄՀ–ում հաճախականությունը չափվում է 1/Վրկ չափման միավորով։

Փոփոխական սինուսոիդային հոսանք

ըՓոփոխական սինուսոիդային հոսանք կոչվում է այն հոսանքը, որը ժամանակի ընթացքում փոփոխվում է սինուսոիդային ներդաշնակ օրենքով։ Այդպիսի հոսանքը պարզագույն տիպի հոսանք է, որը չենք կարող ավելի պարզեցնել։

Այս հոսանքը բնորոշվում է հետևյալ բանաձևով՝

$i=I_{m}\sin \omega t$

որտեղ

$I_{m}$ — սինուսոիդային հոսանքի ամպլիտուդ,

$\omega t$ — սինուսոիդային հոսանքի փուլ,

$\omega$ — անկյունային հաճախություն,

$t$ – ժամանակ։

Իսկ $\omega =2\pi f={\frac {2\pi }{T}}$

որտեղ՝

$f$ — սինուսոիդային հոսանքի հաճախականություն,

$T$ — սինուսոիդային հոսանքի պարբերություն։

$i=I_{m}\sin \omega t$ բանաձևը ցույց է տալիս այն դեպքը, երբ սինուսոիդային հոսանքի փոփոխությունը սկսվում է $t=0$ պահից, սակայն այն կարող է սկսվել ոչ զրո պահից։ Այդ դեպքում փոփոխական հոսանքի ակնթարթային արժեքը կընդունի հետևյալ տեսքը՝

$i=I_{m}\sin(\omega t+\psi )$, որտեղ

$(\omega t+\psi )$ — տատանման փուլ;

$\psi$ — անկյուն, որը կոչվում է սկզբնական փուլ։

Եթե $i=I_{m}\sin(\omega t+\psi )$ բանաձևում ընդունենք $t=0$, ապա կունենանք՝

$\omega t=0$, $\omega t+\psi =\psi$ и $i_{t=0}=I_{m}\sin \psi$.

Սինուսոիդային հոսանքի երկու փոփոխականներ փուլով համընկնում են, եթե նրանք ունենում են հավասար փուլեր, և հետևաբար միաժամանակ են հասնում իրենց զրոյական կամ միևնույն նշանի իրենց առավելագույն արժեքներին։

Սինուսոիդային հոսանքի երկու փոփոխականներ իրենց փուլերով շեղված են միմյանց հանդեպ, եթե նրանք ունենում են տարբեր փուլեր։