Հեղինե Տրոյացի (նկար, Ռոսսետտի)
«Հեղինե Տրոյացի» (անգլ.՝ Helen of Troy), անգլիացի նկարիչ և բանաստեղծ, «Պրեռաֆայելիտների եղբայրության» հիմնադիրներից հանդիսացող Դանթե Գաբրիել Ռոսսետտիի նկարներից։ Այս ստեղծագործությունը հեղինակը վրձնել է 1863 թվականին։ Յուղաներկով կտավի չափերն են 32,8 × 26,7 սմ։ «Հեղինե Տրոյացի» ստեղծագործությունն այսօր պահպանվում և ցուցադրվում է Համբուրգի պատկերասրահում (Գերմանիա)։
 | |
|---|---|
 | |
| տեսակ | գեղանկար |
| նկարիչ | Դանթե Գաբրիել Ռոսսետտի |
| տարի | 1863 |
| բարձրություն | 0,31 մետր |
| լայնություն | 0,27 մետր |
| ուղղություն | Պրեռաֆայելիտներ |
| ժանր | դիցաբանական գեղանկարչություն |
| նյութ | յուղաներկ և փայտե տախտակ |
| գտնվում է | Համբուրգի պատկերասրահ |
| հավաքածու | Համբուրգի պատկերասրահ |
պատկերված են
| |
Ծանոթագրություններ | |
Պատմություն խմբագրել
Հեղինե Չքնաղին պատկերող այս կտավը միավորում է Ռոսսետտիի այդ ժամանակին բնորոշ արվեստի կարևորագույն մոտիվները։ «Հեղինե Տրոյացի» ստեղծագործությունն իրենից ներկայացնում է ճակատագրական կնոջ հերթական մեկնաբանությունը։ Հեղինեն համարվել է աշխարհի ամենագեղեցիկ կանանցից մեկը և Արևմտյան գրական-գեղարվեստական ստեղծագործությունների գլխավոր հերոսուհիներից մեկը[1]։ Դանթե Գաբրիել Ռոսսետտին Հեղինե Չքնաղին վրձնել է մեդալիոնը մատներով սեղմած։ Մեդալիոնի վրա Հեղինեի սիրեցյալ Պարիսի խորհրդանիշն է պատկերված։ Կտավում կինը պատկերված է այրվող Տրոյայի ֆոնին[1]։
«Հեղինե Տրոյացի» ստեղծագործության համար որպես բնորդուհի կեցվածք է ընդունել Էննի Միլլերը։ Նկարի հակառակ երեսին պահպանվել է մի գրություն, որը վերցված է Էսքիլեսի «Ագամեմնոն» ստեղծագործությունից։ Գրությունը հունարեն է, որի թարգմանությունը հնչում է այսպես. «Նավերի կործանիչ, տղամարդկանց կործանիչ, քաղաքների կործանիչ» (հուն․՝ «ελεναυσ, ελανδροσ, λεεπτολισ»)[2]: Ամեն երրորդ հունարեն բառերը սկսվում են «էլե» վանկից՝ կրկնելով «Էլենա» անունը։
«Հեղինե Տրոյացի» կտավը մեծ հաջողություն է ունեցել Լիվերպուլի ակադեմիայի ցուցահանդեսին[3]։ Հավաքորդ Ջորջ Ռեյը հայտարարեց, որ նկարը դարձել է «ցուցահանդեսի մարգարիտը», իսկ Ուիլյամ Մայքլ Ռոսսետտին գրել է, որ «Հեղինե Տրոյացին» եղբոր՝ Դանթե Ռոսսետտիի «արվեստի վառ օրինակներից է»[4]։
Չորս տարի անց Ֆրեդերիկ Սենդիսը ստեղծեց իր «Հեղինեին»։ Արդյունքում երկու նկարիչների միջև սկիզբ առավ լարվածությունը, քանի որ ըստ Ռոսսետտիի Սենդիսը զբաղվում է իր ստեղծագործությունների գրագողությամբ (դա ոչ միայն«Հեղինե Տրոյացուն» էր վերաբերում, այլև «Մարիամ Մագդաղենացի» նկարին)[5][6]։
Այսօր «Հեղինե Տրոյացի» ստեղծագործությունը պահպանվում և ցուցադրվում է Համբուրգի պատկերասրահում։
Ծանոթագրություններ խմբագրել
- ↑ 1,0 1,1 «'Helen of Troy', Dante Gabriel Rossetti» (անգլերեն). Walker Art Gallery. Վերցված է 2016 թ․ սեպտեմբերի 23-ին.
- ↑ «Helen of Troy». Rossetti Archive (անգլերեն). Վերցված է 2016 թ․ սեպտեմբերի 23-ին.
- ↑ «Helen of Troy». Rossetti Archive (անգլերեն). Վերցված է 2016 թ․ սեպտեմբերի 23-ին.
- ↑ William Michael Rossetti (1889). Dante Gabriel Rossetti as Designer and Writer. Cassell & Company, Limited. էջ 41.
- ↑ «Shadowlight: The Pre-Raphaelite Goddess». Վերցված է 2007 թ․ հոկտեմբերի 2-ին.
- ↑ «Helen of Troy». Preraphaelite Sisterhood. Արխիվացված է օրիգինալից 2017 թ․ փետրվարի 11-ին. Վերցված է 2017 թ․ հունվարի 30-ին.
|
Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Հեղինե Տրոյացի (նկար, Ռոսսետտի) կատեգորիայում։ |