Հելենա Կագան
Հելենա Կագան (եբրայերեն՝ הלנה כגן, սեպտեմբերի 25, 1889[1], Տաշքենդ, Թուրքեստան, Ռուսական կայսրություն[1] - միգուցե սեպտեմբերի 24, 1978[1], Երուսաղեմ, Իսրայել[1]), բժիշկ, մանկաբուժության ռահվիրա Իսրայելում, ակտիվ գործունեություն է ծավալել Երուսաղեմում։ Պատասխանատու է եղել Իսրայելում առողջապահության խթանման համար։ Աշխատել է Հադասսա կազմակերպության հովանու ներքո, բուժել տեղի երեխաներին անկախ իրենց ծնողների կրոնական պատկանելությունից։
 | |
|---|---|
 | |
| Ծնվել է | սեպտեմբերի 25, 1889[1] |
| Ծննդավայր | Տաշքենդ, Թուրքեստան, Ռուսական կայսրություն[1] |
| Մահացել է | միգուցե սեպտեմբերի 24, 1978[1] (88 տարեկան) |
| Մահվան վայր | Երուսաղեմ, Իսրայել[1] |
| Քաղաքացիություն |  Ռուսական կայսրություն և  Իսրայել |
| Մասնագիտություն | բժիշկ և ակտիվիստ |
| Անդամակցություն | Հրեական ազգային խորհուրդ |
| Կուսակցություն | Ընդհանուր սիոնիստների կուսակցություն |
| Պարգևներ |  |
Կենսագրություն
խմբագրելՀելենա Կագանը ծնվել է Տաշքենդում, Ուզբեկստան[2] հրեա ամուսիններ Մոշե և Միրիամ Կագանների ընտանիքում։ Նրանք ունեին նաև մեկ որդի՝ Նոախը[3]։ Հելենայի հայրն ինժեներ էր, և երբ նա հրաժարվեց քրիստոնեություն ընդունել, կորցրեց աշխատանքը։ Ծնողները կարողացան վճարել Հելենայի և նրա եղբոր կրթության վճարը, և նրանք դպրոցն ավարտեցին 1905 թվականին[4]։
Կագանը դաշնամուրի դասեր է առել Բեռնի կոնսերվատորիայում[3], բժշկություն ուսանել է Բեռնի համալսարանում[4][5], որն ավարտել է 1910 թվականին և Բեռնում մասնագիտացել մանկաբուժության բնագավառում։
1936 թվականին Կագանն ամուսնացել է Բուդապեշտի լարային քառյակի անդամ, ջութակահար Էմիլ Հաուսերի հետ և հիմնադրել է Երուսաղեմում Պաղեստինի երաժշտական ակադեմիան։ Կագանը երեխաներ չի ունեցել։ Մահացել է 1978 թվականի օգոստոսի 22-ին[3]։
Բժշկական գործունեություն
խմբագրել
1914 թվականի գարնանը Կագանը տեղափոխվել է Երուսաղեմ։ Բժշկական գործունեություն իրականացնելու համար չի կարողացել լիցենզիա ստանալ և որոշել է տնային կլինիկա բացել և դասավանդել երիտասարդ արաբ և հրեա կանանց, վերապատրաստելով նրանց որպես բուժքույր և մանկաբարձ[4]։
1916 թվականին, երբ վերջին երկու տղամարդ բժիշկները քաղաքից հեռացան[6] Օսմանյան իշխանությունների կողմից, Կագանը վճռական դեր խաղաց խոլերայի համաճարակի օրերին և նրան շնորհվեց պատվավոր լիցենզիա, որից հետո նա սկսեց աշխատել մանկական հիվանդանոցում՝ դառնալով երկրում առաջին մանկաբույժը[7] և միակ կին մանկաբույժը Օսմանյան Կայսրությունում[2]։ Մինչև 1925 թվականը եղել է հիվանդանոցի մանկական բաժանմունքի վարիչ[4], այնուհետև Երուսաղեմի հին քաղաքում աշխատել Նորածին արաբ երեխաների տանը և մինչև 1948 թվականը ղեկավարել այդ կենտրոնը[5]։ Հելենա Կագանը Histadrut Nashim Ivriot (Հրեա կանանց կազմակերպություն) հիմնադիրներից մեկն է, որը դարձավ Կանանց միջազգային սիոնիստական կազմակերպության տեղական բաժանմունք։
1927 թվականին Կագանը հիմնադրել է Իսրայելի մանկաբուժության ասոցիացիան[5]։ Նույն տարում նա անօթևան երեխաների համար ապաստան է բացել, իսկ աշխատող մայրերի համար՝ առողջապահական կենտրոն Երուսաղեմի հին քաղաքում[4]։ 1936 թվականին Բիկուր Խոլիմ հիվանդանոցում հիմնադրել է մանկաբուժության բաժինը և մինչև 1975 թվականը ղեկավարել այն։ 1947 թվականին ընտրվել է Երուսաղեմի հրեական համալսարանի հոգաբարձուների խորհրդի անդամ, 1965 թվականին դառնալով կին փոխնագահը[3]։
Մրցանակներ և ճանաչում
խմբագրել1975 թվականին Կագանն արժանացել է Իսրայելի մրցանակին[2] հասարակության և պետության համար համայնքային ծառայության ներդրման համար[8]։ 1962 և 1968 թվականներին Բիկուր Խոլիմ հիվանդանոցի մանկաբուժության բաժինը և Երուսաղեմի Կատամոն հրեական թաղամասի համայնքային կենտրոնը անվանվել են Հելենա Կագանի անունով[9]։ Կյանքի վերջին տարիներին Կագանը եղել է Իսրայելի առողջապահության նախարարության խորհրդատու, մանկական խորհրդատվական աշխատանք իրականացրել տանից։
Տես նաև
խմբագրելԾանոթագրություններ
խմբագրել- ↑ 1,00 1,01 1,02 1,03 1,04 1,05 1,06 1,07 1,08 1,09 1,10 Library of Congress Authorities — Library of Congress.
- ↑ 2,0 2,1 2,2 «Who was Helena Kagan?». Արխիվացված է օրիգինալից 2017 թ․ փետրվարի 11-ին. Վերցված է 2018 թ․ դեկտեմբերի 25-ին.
- ↑ 3,0 3,1 3,2 3,3 Helena Kagan. Jewish Women's Archive
- ↑ 4,0 4,1 4,2 4,3 4,4 Women in Medicine: An Encyclopedia
- ↑ 5,0 5,1 5,2 Helena Kagan Dies at 88
- ↑ It Takes a Dream: The Story of Hadassah. Gefen Publishing House Ltd.
- ↑ Journal of Medical Biography
- ↑ Windsor, Laura Lynn (2002). Women in medicine: an encyclopedia. ABC-CLIO. էջ 117. ISBN 978-1-57607-392-6.
- ↑ http://jpress.org.il/Default/Scripting/ArticleWin_TAU.asp?From=Archive&Skin=TAUHe&BaseHref=MAR/1962/06/13&EntityId=Ar00822&ViewMode=HTML(չաշխատող հղում)
 | Վիքիպահեստն ունի նյութեր, որոնք վերաբերում են «Հելենա Կագան» հոդվածին։ |