Հայկ Դանղյան
Հայկ Գրիգորի Դանղյան (1904, Վաղարշապատ, Երևանի նահանգ, Ռուսական կայսրություն - 1989), հայ մանկավարժ։ ՀԽՍՀ վաստակավոր մանկավարժ (1965): Երկրորդ համաշխարհային պատերազմի մասնակից։
Հայկ Դանղյան | |
---|---|
Ծնվել է | 1904 |
Ծննդավայր | Վաղարշապատ, Երևանի նահանգ, Ռուսական կայսրություն |
Մահացել է | 1989 |
Քաղաքացիություն | Ռուսական կայսրություն և ԽՍՀՄ |
Կրթություն | Երևանի պետական համալսարան |
Մասնագիտություն | մանկավարժ |
Պարգևներ և մրցանակներ |
Կենսագրություն խմբագրել
Հայկ Դանղյանը ծնվել է 1904 թվականին, Էջմիածին քաղաքում։ Ավարտել է տեղի երկրորդ աստիճանի դպրոցը, ընդունվել Երևանի պետական համալսարանի պատմագրական ֆակուլտետը, ավարտելուց հետո՝ 1930 թվականին, աշխատանքի է անցել Ներքին Խաթունարխի յոթնամյա, ապա՝ Էջմիածին քաղաքի օրինակելի տասնամյա դպրոցներում[1]։
1942 թվականի մարտին Դանղյանը զորակոչվել է կարմիր բանակ, նույն թվականի հունիս-հուլիս ամիսներին մասնակցել է ֆաշիստական զորքերի դեմ Դոնբասում մղված մարտերին, հատկապես ուժեղ մարտեր են մղվել Կամսկ-Շախտինսկ քաղաքի շրջանում, Կրասնոդոն և Կրասնի Սուլին քաղաքներում։ Ռոստովի մարզում մղված մարտերից մեկում գերի է ընկնել։ Գերմանիայի Ռուրի շրջանի ածխահանքերում աշխատելիս, մի խումբ գերիների հետ նրան հաջողվել է փախչել համակենտրոնացման ճամբարից և միանալ խորհրդային զորքերին՝ 171-րդ հրաձգային դիվիզիային[1]։
1945 թվականին զորացրվել է և զբաղվել մանկավարժական աշխատանքով։ Դասավանդել է Էջմիածնի մանկավարժական ուսումնարանում և Խաչատուր Աբովյանի անվան միջնակարգ դպրոցում։
Դանղյանի աշխատանքներից մի քանիսը հրատարակվել են առանձին գրքույկներով, տպագրվել հանրապետական մանկավարժական մամուլում։ Նրա մանկավարժական ուսանելի փորձին նվիրված հատուկ գրքույկ է հրատարակել ՀԽՍՀ լուսավորության նախարարությունը։ Արժանացել է մեդալների, իսկ 1965 թվականին՝ ՀԽՍՀ վաստակավոր ուսուցչի պատվավոր կոչման[1]։
1976 թվականին անցնելով կենսաթոշակի, շարունակել է մասնակցել մանկավարժական-հասարակական կյանքին, հանդես է եկել հանրապետության թերթերում և հանդեսներում[1]։
Մահ խմբագրել
Մահացել է 1989 թվականին։ Թաղված է Էջմիածնում[2]։
Հիշատակ խմբագրել
Էջմիածնի Խ. Աբովյանի անվան №4 հիմնական դպրոցում բացվել է Հայկ Դանղյանին նվիրված դասասենյակ[3]։
Պարգևներ խմբագրել
- ՀԽՍՀ վաստակավոր մանկավարժ
Երկեր խմբագրել
- Մկրտիչ Կորյուն։ Մատենագիտություն։ ՀԽՍՀ բարձրագույն և միջնակարգ մասնագիտական կրթության մինիստրություն, Գիտամեթոդական կաբինետ, Երևան, Ա. հ., 1981 (համահեղինակ)։
- Մկրտիչ Կորյուն (Մեթոդական օժանդակ ձեռնարկ մանկավարժական ուսումնարաններում սովորողների համար)։ Բարձրագույն և միջին մասնագիտական կրթության մինիստրություն, ՀԽՍՀ, Երևան, Ա. հ., 1983:
- Կարոտի մրմունջներ։ Երևան, Անտարես, 2004 (համահեղինակ)[4]։
Ծանոթագրություններ խմբագրել
- ↑ 1,0 1,1 1,2 1,3 Հայաստանի ուսուցիչները Մեծ հայրենականում։ 3 գիրք։ Հարությունյան, Աշոտ Հովսեփի, Մելքումյան, Հայկազ Ստեփանի, Սուքիասյան, Աղվան Ղազարի։ Երևան, «Լույս», 1987:
- ↑ «The memorial of Danghyan Hayk (Հայկ Դանղյան Գրիգորի) buried at Etchmiadzin's Etchmiadzin Mets cemetery». hush.am (անգլերեն). Վերցված է 2020 թ․ հոկտեմբերի 6-ին.
- ↑ «Հայկ Դանղյան». Վաղարշապատի N4 հիմնական դպրոց. Վերցված է 2020 թ․ հոկտեմբերի 6-ին.
- ↑ Դանղյան, Հայկ (2004). Կարոտի մրմունջներ. Անտարես. ISBN 978-99941-32-48-5.