Վիքիպեդիա

Հայկ Բաբայան

Հայկ Բաբայան (դեկտեմբերի 25, 1979, Գառնի, Կոտայքի մարզ), ՀՀ ՆԳՆ Ոստիկանության զորքերի հրամանատար, ՀՀ ՆԳՆ ոստիկանության պետի տեղակալ, ՀՀ ՆԳՆ ոստիկանության խորհրդակցական մարմնի (կոլեգիա) անդամ, կոչումով գեներալ-մայոր[1]։

Հայկ Հարությունի Բաբայան
Դիմանկար
Ծնվել էդեկտեմբերի 25, 1979
ԾննդավայրԳառնի, Կոտայքի մարզ
ՔաղաքացիությունՀայաստան
Ազգությունհայ
ԿրթությունՀՀ Ոստիկանության կրթահամալիր
Մասնագիտությունզինվորական, ոստիկան
Պարգևներ և
մրցանակներ		ՀՀ պետական պարգև «Մարտական ծառայություն» մեդալ, ՀՀ ԶՈւ «Անբասիր ծառայության համար» 1-ին և 2-րդ աստիճանի մեդալներ, «ՀՀ ԶՈւ 20-ամյակ» գերատեսչական մեդալ, ՀՀ ԶՈւ «Ռազմական համագործակցության համար» մեդալ, ՀՀ ոստիկանության «Օրենքի պատվար» մեդալ, «Ոստիկանության 100-ամյակ» հոբելյանական մեդալ, «Ոստիկանության զորքերում գերազանց ծառայության համար» 2-րդ աստիճանի կրծքանշան, «Ոստիկանության զորքերում գերազանց ծառայության համար» 1-ին աստիճանի կրծքանշան, ԱՀ «Մարտական խաչ» 2-րդ աստիճանի շքանշան

Գործունեություն

խմբագրել

Հայկ Բաբայանը ծնվել է 1979 թվականի դեկտեմբերի 25-ին Կոտայքի մարզի Գառնի գյուղում՝ մանկավարժների ընտանիքում։ 1986-1996 թվականներին սովորել է Գառնի գյուղի թիվ 2 միջնակարգ դպրոցում։ 1996-2000 թվականներին ուսումը շարունակել է Հայաստանի ֆիզիկական կուլտուրայի և սպորտի պետական ինստիտուտում՝ ստանալով մարզիչ-մանկավարժի մասնագիտություն։

2000 թվականին զորակոչվել է Հայաստանի զինված ուժեր պարտադիր զինվորական ծառայության՝ Մարշալ Բաղրամյանի անվան զորամասում։ Նույն թվականին սովորել և ավարտել է սպաների որակավորման կենտրոնի եռամսյա դասընթացները՝ ստանալով լեյտենանտի զինվորական կոչում։ 2000-2010 թվականներին ծառայելով Մարշալ Բաղրամյանի անվան զորամասում՝ զբաղեցրել է տարբեր պաշտոններ։

2010-2012 թվականներին ծառայել է Հայաստանի զինված ուժերի 3-րդ բանակային կորպուսում։ 2013-2015 թվականներին սովորել և ավարտել է ՀՀ Ոստիկանության կրթահամալիրի մագիստրատուրան՝ ստանալով իրավագիտություն մասնագիտությունը[2]։

2012-2020 թվականներին զբաղեցրել է Հայաստանի ոստիկանության զորքերի հրամանատարի անձնակազմի հետ տարվող աշխատանքների գծով տեղակալի պաշտոնը։ Իր գործունեության ընթացքում պարբերաբար ղեկավարել և իրականացրել է ուսուցողական, ճանաչողական, լուսավորչական, բարեգործական միջոցառումներ։ Կարևորելով զինծառայողների հոգևոր դաստիարակությունը` Հայկ Բաբայանը ՀՀ ոստիկանության հոգևոր առաջնորդի օգնական Տեր Վրթանես քահանա Բաղումյանի հետ ՀՀ ոստիկանության զորքերի ստորաբաժանումներում հաճախակի կազմակերպել է հանդիպումներ, զրույցներ, քննարկումներ` նպաստելով զինծառայողների բարոյահոգեբանական դաստիարակության ամրապնդմանը, հոգևոր և բարոյական արժեքների ձևավորմանն ու զարգացմանը։ Կազմակերպել է նաև ուսումնամեթոդական հավաքներ` խթանելով զինծառայողների գիտելիքների, հմտությունների և կարողությունների զարգացումը, մարտական հերթապահության ընթացքում նրանց պատրաստվածությունը[3]։

2020 թվականի նոյեմբերի 16-ին Հայաստանի նախագահի հրամանագրով նշանակվել է Հայաստանի ոստիկանության զորքերի հրամանատար, ոստիկանության պետի տեղակալ[4]։

Հայկ Բաբայանի նախաձեռնությամբ 2021 թվականի նոյեմբերի 12-ին ոստիկանության զորքերի հրամանատարության վարչական շենքի հարակից տարածքում բացվել է Արցախյան 44–օրյա պատերազմում զոհված Ոստիկանության զորքերի զինծառայողներին նվիրված «Հավերժության պուրակ»[5]։

2017 թվականին հրատարակվել է «Ոստիկանության զորքեր 25 ամյակ», 2022 թվականին` «Ոստիկանության զորքեր 30 ամյակ» գրքույկները, որտեղ ներառված են ՆԳՆ ներքին զորքերի 1992-2004 թվականների և ՀՀ ոստիկանության զորքերի 2004-2022 թվականների գործունեությունը։ Իր նախաձեռնությամբ է ստեղծվել նաև «Ոստիկանության զորքեր 30 ամյակ» հոբելյանական մեդալը։

Ընտանիք

խմբագրել

Հայկ Բաբայանն ամուսնացած է, ունի որդի և դուստր[2]։

Կոչումներ

խմբագրել

Պարգևներ

խմբագրել
  • ՀՀ պետական պարգև «Մարտական ծառայություն» մեդալ[6][7]
  • ՀՀ ԶՈՒ «Անբասիր ծառայության համար» 1-ին աստիճանի մեդալ
  • ՀՀ ԶՈՒ «Անբասիր ծառայության համար» 2-րդ աստիճանի մեդալ
  • «ՀՀ ԶՈՒ 20-ամյակ» գերատեսչական մեդալ
  • ՀՀ ԶՈՒ «Ռազմական համագործակցության համար» մեդալ
  • ՀՀ ոստիկանության «Օրենքի պատվար» մեդալ
  • «Ոստիկանության 100-ամյակ» հոբելյանական մեդալ
  • «Ոստիկանության զորքերում գերազանց ծառայության համար» 2-րդ աստիճանի կրծքանշան
  • «Ոստիկանության զորքերում գերազանց ծառայության համար» 1-ին աստիճանի կրծքանշան
  • Արցախի Հանրապետության «Մարտական խաչ» 2-րդ աստիճանի շքանշան (2021)
  • «Մարտական զորակցություն» մեդալ (ապրիլ, 2021)
  • «Վազգեն Սարգսյան» մեդալ (ապրիլ, 2021)
  • «Սահմանապահ զորքեր 30-ամյակ» մեդալ (մայիս, 2022)
  • «ՀՀ զինված ուժերի 30 տարի» հոբելյանական մեդալ (մայիս, 2022)
  • «Ոստիկանության զորքեր 30-ամյակ» հոբելյանական մեդալ (հունիս, 2022)
  • «Պետական պահպանության ծառայության 30 տարի» հոբելյանական մեդալ (հունիս, 2022)
  • «Մարշալ Բաղրամյան» մեդալ (հունիս, 2022)
  • «Իրավակարգի ամրապնդման համար» մեդալ (նոյեմբեր, 2023)
  • «Համագործակցության համար» մեդալ, ՀՀ պետական պահպանության ծառայություն (ապրիլ, 2024)

Հրատարակած աշխատություններ

խմբագրել
  • Անչափահաս իրավախախտի հոգեբանություն / Տ․Ա․Ազատյան, Հ․Հ․Բաբայան․- Երևան։ Հեղինակային հրատարակություն, 148 էջ։

Պատկերասրահ

խմբագրել

Ծանոթագրություններ

խմբագրել
  1. ↑ «Հանրապետության նախագահի հրամանագրերը - Փաստաթղթեր - Հայաստանի Հանրապետության Նախագահ». www.president.am. Վերցված է 2024 թ․ մայիսի 24-ին.
  2. ↑ 2,0 2,1 One, Studio. «Ղեկավարություն - ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՈՍՏԻԿԱՆՈՒԹՅՈՒՆ». www.police.am (ռուսերեն). Վերցված է 2024 թ․ մարտի 20-ին.
  3. ↑ Ուսումնամեթոդական հավաք՝ ոստիկանության զորքերում
  4. ↑ «Հանրապետության նախագահի հրամանագրերը - Փաստաթղթեր - Հայաստանի Նախագահ». www.president.am. Վերցված է 2020 թ․ նոյեմբերի 17-ին.
  5. ↑ One, Studio. «Միջոցառումներ՝ նվիրված հանուն հայրենիքի զոհված ոստիկանների հիշատակին - ՆՈՐՈՒԹՅՈՒՆՆԵՐ - ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՈՍՏԻԿԱՆՈՒԹՅՈՒՆ». www.police.am (ռուսերեն). Վերցված է 2024 թ․ մարտի 20-ին.
  6. ↑ ՀՀ նախագահի հրամանագիրը մեդալներով պարգևատրելու մասին
  7. ↑ Հոբելյանական հանդիսություններ

Արտաքին հղումներ

խմբագրել
Ստացված է «https://hy.wikipedia.org/w/index.php?title=Հայկ_Բաբայան&oldid=10009792» էջից