Հրայր Հովակիմյան

Անվան այլ կիրառումների համար տե՛ս՝ Հրայր Հովակիմյան (այլ կիրառումներ)

Վիքիպեդիայում կան հոդվածներ Հովակիմյան ազգանունով այլ մարդկանց մասին։

Հակոբ Սահակի Հովակիմյան (ավելի հայտնի է որպես Հրայր Հովակիմյան, մայիսի 13, 1953(1953-05-13), Հալեպ, Սիրիա), հայ անվանի բժիշկ, սրտային վիրաբույժ, Հայաստանի ազգային հերոս^[1]։

Կրթություն

1977 թ. ավարտել է Հալեպի համալսարանի բժշկական ֆակուլտետը։
1977-1984 թթ. վերապատրաստվել է Նյու Յորքի Բեկմանի համալսարանում։
1984-1988 թթ. վերապատրաստվել է Օրեգոնի Սենտ Վինսենտ հոսպիտալում (սիրտ-թոքային վիրաբուժության գծով)։
1988-1989 թթ. վերապատրաստվել է Ֆիլադելֆիայի մանկական հիվանդանոցում։

1990 թ. մասնակցել է «Բիոտրոնիկ EDP-30» անոթազարկային գեներատորի ստեղծմանը։
1992-1993 թթ. աշխատել է Երևանի Ա․ Միքայելյանի անվան վիրաբուժության ինստիտուտում։
1993 թ. «Նորք-Մարաշ» բժշկական կենտրոնում հիմնադրել է մանկական սրտավիրաբուժության բաժին։
1996 թ. բացվել է նաև մեծահասակների սրտային վիրաբուժության բաժինը։
«Նորք-Մարաշ» բժշկական կենտրոնի գլխավոր սրտային վիրաբույժն է։
Սրտային վիրաբուժության գծով վերապատրաստել է մեծ թվով հայաստանցի բժիշկների։

Երևանի պատվավոր քաղաքացի (1997)։
ՀՀ ԳԱԱ պատվավոր դոկտոր (1999)։
Արտասահմանյան մի շարք բժշկական ընկերությունների և ասոցիացիաների անդամ։
Օրեգոնի բժշկական համալսարանի շնչառական վիրաբուժության 1-ին մրցանակակիր։
Սուրբ Մեսրոպ Մաշտոցի շքանշան (2008)^[2]։
«Հայրենիքին մատուցած ծառայությունների համար» 2-րդ աստիճանի մեդալ (2014)^[3]։
Հայաստանի ազգային հերոս կոչում` պարգևատրվելով հայրենիքի շքանշանով (2020) - բազմաթիվ մարդկային կյանքեր փրկելու և երկարամյա անձնուրաց աշխատանքի համար։