ՀԱԱՀ Գյուղատնտեսության մեքենայացման և ավտոմոբիլային տրանսպորտի ֆակուլտետ
Այս հոդվածն աղբյուրների կարիք ունի։ Դուք կարող եք բարելավել հոդվածը՝ գտնելով բերված տեղեկությունների հաստատումը վստահելի աղբյուրներում և ավելացնելով դրանց հղումները հոդվածին։ Անհիմն հղումները ենթակա են հեռացման։ |
Հայկական գյուղատնտեսական ինստիտուտի գյուղատնտեսության մեքենայացման ֆակուլտետը կազմավորվել է 1942 թվականին, որի առաջին դեկանն է եղել ՀՀ ԳԱԱ ակադեմիկոս Արտաշես Մաթևոսյանը։ Գյուղատնտեսական ակադեմիայի հիմնադրումից հետո գյուղմեքենայացման և հիդրոմելիորացիայի ֆակուլտետների միավորման արդյունքում ձևավորվեց ճարտարագիտական ֆակուլտետը, որը 2005 թ. կազմալուծվեց՝ բաժանվելով գյուղատնտեսության մեքենայացման և տրանսպորտային փոխադրումների ու հիդրոմելիորացիայի, հողաշինարության և հողային կադաստրի ֆակուլտետների։ 2009 թ. այն վերանվանվեց գյուղատնտեսության մեքենայացման և ավտոմոբիլային տրանսպորտի ֆակուլտետ։ 2006 թվականից ֆակուլտետը ղեկավարել է տեխնիկական գիտությունների դոկտոր, պրոֆեսոր Նորիկ Ավետիսի Բազիկյանը։
Գյուղատնտեսության մեքենայացման և ավտոմոբիլային տրանսպորտի ֆակուլտետը պատրաստում է ճարտարագետներ հետևյալ մասնագիտությունների գծով.
- Գյուղատնտեսության մեքենայացում
- Գյուղատնտեսական մեքենաներ և սարքավորումներ
- Փոխադրումների կազմակերպումն ու կառավարումն ագրոպարենային համակարգում
- Փոխադրումների և ճանապարհային երթևեկության կազմակերպում և կառավարում
- Գյուղատնտեսության էլեկտրիֆիկացում և ավտոմատացում
Արտաքին հղումներ
խմբագրել