Կորյուն Ռոստոմյան

Կորյուն Ռոստոմյան
Ծնվել է	ապրիլի 16, 1918; Ղարաքիլիսա, Ալեքսանդրապոլի գավառ, Երևանի նահանգ
Մահացել է	փետրվարի 24, 2002 (83 տարեկան); Երևան, Հայաստան
Քաղաքացիություն	ԽՍՀՄ
Ազգություն	հայ
Մասնագիտություն	գիտնական
Հաստատություն(ներ)	Երևանի անասնաբուծական-անասնաբուժական ինստիտուտ
Ալմա մատեր	ՀԱՊՀ (1946)
Կոչում	պրոֆեսոր
Գիտական աստիճան	տեխնիկական գիտությունների դոկտոր (1967)
Կուսակցություն	ԽՄԿԿ

Վիքիպեդիայում կան հոդվածներ Ռոստոմյան ազգանունով այլ մարդկանց մասին։

Կորյուն Եզեկի Ռոստոմյան (ապրիլի 16, 1918(1918-04-16)^[1], Ղարաքիլիսա, Ալեքսանդրապոլի գավառ, Երևանի նահանգ^[1] - փետրվարի 24, 2002(2002-02-24)^[2], Երևան, Հայաստան^[3]), գյուղատնտեսության էլեկտրիֆիկացման բնագավառի հայ խորհրդային գիտնական։ Տեխնիկական գիտությունների դոկտոր (1967), պրոֆեսոր (1967)։

Կենսագրություն

Ավարտել է Երևանի պոլիտեխնիկական ինստիտուտը (1946)։ 1956-1960 թվականներին եղել է ՀԽՍՀ անասնապահության, ապա ՀԽՍՀ գյուղատնտեսության մեքենայացման և էլեկտրիֆիկացման ԳՀԻ-ների բաժնի, 1960-1966 թվականներին՝ Երևանի անասնաբուծական-անասնաբուժական ինստիտուտի գյուղատնտեսական արտադրության մեքենայացման և էլեկտրիֆիկացման, 1966-1979 թվականներին՝ էլեկտրատեխնիկայի ամբիոնների վարիչ։ 1979 թվականից Հայկական գյուղատնտեսական ինստիտուտի գյուղատնտեսության էլեկտրիֆիկացման ամբիոնի վարիչն է։ Գիտական աշխատանքները վերաբերում են էլեկտրաէներգիայի արտադրման, բաշխման և գյուղատնտեսության մեջ կիրառելու հարցերին։ Ստեղծել է նոր ավտոմատ փոխադրամիջոցներ անասնապահական ֆերմաների համար, որոնք լայնորեն կիրառվում են ԽՍՀՄ տարբեր գոտիներում։ Ռոստոմյանը մշակել է մաթեմատիկական մոդելավորման կիրառման մեթոդիկա՝ գյուղատնտեսական բարդ համակարգերի (գյուղատնտեսական համալիրներ, կաթի արդյունաբերության մի շարք ձեռնարկություններ) ֆունկցիոնալ դինամիկայի հետազոտման համար։ Ռոստամյանը եղել է ԽՍՀՄ Մինիստրների խորհրդի գիտության և տեխնիկայի պետական կոմիտեի էներգիայի ու էլեկտրիֆիկացման, Լենինի անվան ԳԳԱ և դրա Անդրկովկասի բաժանմունքի, ԽՍՀՄ գյուղատնտեսության մինիստրության գլխավոր վարչության և այլ գիտությունների խորհուրդների անդամ։ ԽՄԿԿ անդամ 1941 թվականից։

Երկեր

Երկերի փոխադրական աշխատանքների հոսքային գծերը անասնապահական ֆերմաներում, Երևան, 1962։

Ծանոթագրություններ

↑ ^1,00 ^1,01 ^1,02 ^1,03 ^1,04 ^1,05 ^1,06 ^1,07 ^1,08 ^1,09 Հայկական սովետական հանրագիտարան, հատոր 9 (հայ.) — հատոր 9. — էջ 704.
↑ ^2,0 ^2,1 ^2,2 http://am.hayazg.info/index.php?curid=13360
↑ Ով ով է. Հայեր. Կենսագրական հանրագիտարան, հատոր երկրորդ, Երևան, 2007.

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 9, էջ 704)։

[_aa484b2cd1d5a781-1] 1,00 ^1,01 ^1,02 ^1,03 ^1,04 ^1,05 ^1,06 ^1,07 ^1,08 ^1,09 Հայկական սովետական հանրագիտարան, հատոր 9 (հայ.) — հատոր 9. — էջ 704.

[_864e11e5a9aa0f6f-2] 2,0 ^2,1 ^2,2 http://am.hayazg.info/index.php?curid=13360

[3] Ով ով է. Հայեր. Կենսագրական հանրագիտարան, հատոր երկրորդ, Երևան, 2007.

[1]

[2]

[3]

Կորյուն Ռոստոմյան
Ծնվել է	ապրիլի 16, 1918(1918-04-16)^[1] Ղարաքիլիսա, Ալեքսանդրապոլի գավառ, Երևանի նահանգ^[1]
Մահացել է	փետրվարի 24, 2002(2002-02-24)^[2] (83 տարեկան) Երևան, Հայաստան
Քաղաքացիություն	ԽՍՀՄ
Ազգություն	հայ
Մասնագիտություն	գիտնական
Հաստատություն(ներ)	Երևանի անասնաբուծական-անասնաբուժական ինստիտուտ^[1]
Ալմա մատեր	ՀԱՊՀ (1946)^[1]
Կոչում	պրոֆեսոր^[1]
Գիտական աստիճան	տեխնիկական գիտությունների դոկտոր^[1] (1967)
Կուսակցություն	ԽՄԿԿ^[1]