Կորեայի արվեստի ազգային համալսարան
Կորեայի արվեստի ազգային համալսարան (կորեերեն՝ 한국예술종합학교, անգլ.՝ Korea National University of Arts (K-ARTS/KNUA)), ազգային համալսարան Սեուլում, Հարավային Կորեա։ Ստեղծվել է 1993 թվականին Կորեայի մշակույթի, սպորտի և զբոսաշրջության նախարարության կողմից։ Համալսարանի կազմում ընդգրկված են 6 դպրոցներ՝ երաժշտական, դրամատիկ, հեռուստատեսային և մուլտիմեդիայի, պարի, վիզուալ արվեստի և կորեական ավանդական արվեստի դպրոցներ, որոնք ունեն 26 ֆակուլտետներ։
Կորեայի արվեստի ազգային համալսարան | |
|---|---|
 | |
| Տեսակ | համալսարան |
| Հիմնադրված է | 1993[1] |
| Անդամակցություն | KESLI Consortium?[2] |
| Երկիր |  Հարավային Կորեա |
| Տեղագրություն | Սեուլ |
| Կայք | knua.ac.kr |
  Կորեայի արվեստի ազգային համալսարան, Հարավային Կորեա | |
Պատմություն խմբագրել
Կորեայի արվեստի ազգային համալսարանը ստեղծվել է 1993 թվականին։ 1990 թվականին Կորեայի մշակույթի և զբոսաշրջության նախարարությունը հայտարարել է «Մշակութային զարգացման 10-ամյա ծրագրի» մասին, որի մաս է կազմել նաև արվեստի ազգային հաստատության հիմնադրումը։ Մինչև 1980-ականների սկիզբ Կորեայում չկար մասնագիտացված համալսարան, որի ամբողջ ուսումնական ծրագիրը նվիրված լիներ արվեստին։ Ուստի շատ արվեստագետներ, որոնք ցանկանում էին շարունակել արվեստի փնտրտուքները մասնագիտական վերապատրաստումների միջոցով, մեկնում էին արտասահման։ 1993 թվականին ազգային արվեստի համալսարանի հիմնադրման հայտարարությունը Կորեայում արվեստի բնագավառում առաջընթացի բացահայտում ու դրսևորում էր։ Համալսարանը երիտասարդ տաղանդավոր արվեստագետներ է պատրաստում գեղարվեստական բոլոր ժանրերի մասնագիտությունների համար՝ ներառյալ երաժշտություն, պար, թատրոն, կինո, հեռուստատեսություն, անիմացիա, կերպարվեստ, դիզայն, ճարտարապետություն և կորեական ավանդական արվեստ։
Համալսարանը բաղկացած է վեց անկախ, բայց փոխկապակցված դպրոցներից` Երաժշտության դպրոց, Դրամատիկական դպրոց, Կինոյի, հեռուստատեսության և մուլտիմեդիայի դպրոց, Պարի դպրոց, Վիզուալ արվեստի դպրոց և Կորեական ավանդական արվեստի դպրոց։ Համալսարանն առաջարկում է բակալավրի և մագիստրատուրայի ծրագիր, ինչպես նաև նախակրթական ուսուցողական ծրագիր խոստումնալից երիտասարդ ուսանողների համար։ 2003 թվականին համալսարանն ունեցել է 2600 ուսանող, ավելի քան 730 պրոֆեսորներ և դասախոսներ։
Ծրագրեր խմբագրել
- Բակալավրի ծրագիրը
- Մագիստրոսական ծրագիր
- Գեղարվեստական կատարողական դասընթացներ (նախապատրաստական դպրոց)
- Տաղանդավոր արվեստագետների կրթական համակարգ
Դպրոցներ և ֆակուլտետներ խմբագրել
- Դրամայի դպրոց
- Դերասանական ֆակուլտետ, ռեժիսուրայի ֆակուլտետ, դրամատուրգիայի ֆակուլտետ, բեմի դիզայնի ֆակուլտետ, թատերական հետազոտությունների ֆակուլտետ
- Պարի դպրոց
- Պարային կատարումների ֆակուլտետ, խորեոգրաֆիայի ֆակուլտետ, պարարվեստի ֆակուլտետ, արվեստի կառավարման ֆակուլտետ
- Երաժշտության դպրոց
- Վոկալ երաժշտության ֆակուլտետ, օպերայի ֆակուլտետ, լիդի և օրատորիայի ֆակուլտետ, գործիքային երաժշտության ֆակուլտետ, երաժշտական տեխնոլոգիայի ֆակուլտետ, դիրիժորության ֆակուլտետ, երաժշտագիտության ֆակուլտետ
- Կինոյի, հեռուստատեսության և մուլտիմեդիայի դպրոց
- Կինոարտադրության ֆակուլտետ, կինոյի ուսումնասիրությունների ֆակուլտետ, մուլտիմեդիայի ֆակուլտետ, անիմացիայի ֆակուլտետ, հեռարձակման ֆակուլտետ
- Վիզուալ արվեստի դպրոց
- Գեղարվեստի ֆակուլտետ, դիզայնի ֆակուլտետ, ճարտարապետության ֆակուլտետ, արվեստի տեսության ֆակուլտետ
- Կորեական ավանդական արվեստի դպրոց
- Ավանդական երաժշտության տեսության ֆակուլտետ, ավանդական երաժշտության ֆակուլտետ, ավանդական պարերի ֆակուլտետ, ավանդական ժողովրդական թատրոնի ֆակուլտետ
- Միջդպրոցական բաժին
- Արվեստի կառավարում, պատմվածքների ու մյուզիքլների ստեղծում
Ծանոթագրություններ խմբագրել
- ↑ ROR Data — v1.19 — 2023. — doi:10.5281/ZENODO.7644942
- ↑ https://www.kesli.or.kr/web/libStatus.do
Արտաքին հղումներ խմբագրել
- Korea National University of Arts English Website
- «Stars from Korea National University of Arts». Hancinema. Վերցված է 2014 թ․ հունվարի 6-ին.
- Official school website, in English Արխիվացված 2018-01-18 Wayback Machine
- Official school website, in Korean