Կոնստանտին Վերմիշև
Կոնստանտին Քրիստափորի Վերմիշև (նոյեմբերի 19, 1901[1], Թիֆլիս, Ռուսական կայսրություն - դեկտեմբերի 30, 1973[1], Երևան, Հայկական ԽՍՀ, ԽՍՀՄ), հայազգի տնտեսագետ։ Տնտեսագիտության թեկնածու (1953 թ.):
| Կոնստանտին Վերմիշև | |
|---|---|
| Ծնվել է | նոյեմբերի 19, 1901[1] |
| Ծննդավայր | Թիֆլիս, Ռուսական կայսրություն |
| Մահացել է | դեկտեմբերի 30, 1973[1] (72 տարեկան) |
| Մահվան վայր | Երևան, Հայկական ԽՍՀ, ԽՍՀՄ |
| Կրթություն | Վրաստանի տեխնիկական համալսարան |
| Գիտական աստիճան | տնտեսագիտական գիտությունների թեկնածու |
| Մասնագիտություն | տնտեսագետ |
| Աշխատավայր | ՀՀ ԳԱԱ Միքայել Քոթանյանի անվան տնտեսագիտության ինստիտուտ |
| Ծնողներ | հայր՝ Քրիստափոր Վերմիշյան |
| Երեխաներ | Սեդա Վերմիշևա |
Գրիգոր և Յուրի Վերմիշևների եղբայրը, Սեդա Վերմիշևայի հայրը։
Կենսագրություն խմբագրել
Կոնստանտին Վերմիշևը ծնվել է 1901 թվականին Թիֆլիսում` Քրիստափոր և Վարվառա (Արղության-Դոլգոռուկայա) Վերմիշևների ընտանիքում[2]։ 1926 թվականին ավարտել է Թիֆլիսի պոլիտեխնիկական ինստիտուտը։ 1927-1936 թվականներին աշխատել է ՀԽՍՀ ֆինժողկոմում և Ժողովրդական տնտեսության խորհրդում, 1936-1941 թվականներին Մոսկվայում եղել է Հայաստանի ներկայացուցիչ։ Հայենական պատերազմից (1941-1945) զորացրվելուց հետո աշխատել է ՀԽՍՀ ԳԱ տնտեսագիտության ինստիտուտում, 1965-1973 թվականներին` ԽՍՀՄ Պետպլանի տնտեսության և պլանավորման գիտահետազոտական բաժնի վարիչ[3]։
Եղել է Հայաստանի թենիսի ֆեդերացիայի նախագահը, ԽՍՀՄ թենիսի ֆեդերացիայի անդամ[3]։
Աշխատանքները վերաբերում են հանրապետության արդյունաբերության, էներգետիկայի, հանքային հումքի համալիր օգտագործման, բնապահպանության հարցերին։ Հանդես է եկել Սևանի ջրերը էներգետիկ նպատակներով օգտագործելու դեմ[3]։
Ընտանիք խմբագրել
Ամուսնացել է Ելենա Վերմիշևայի (Մելիք-Կարակոզովա, 1905-1985 թվականներ) հետ։ Ունեցել են երկու երեխա։ Դուստրը` Սեդա Վերմիշևան, պոետ, տնտեսագետ և հասարակական գործիչ է։
Երկեր խմբագրել
- Разданский горнохимический комбинат, Е., 1962.
- Приумножение силы (Электрификация Армении в XX веке), Е., 1974[4].
Ծանոթագրություններ խմբագրել
- ↑ 1,0 1,1 1,2 1,3 1,4 http://am.hayazg.info/index.php?curid=14918
- ↑ «Константин Вермишев - Historical records and family trees - MyHeritage». www.myheritage.com. Վերցված է 2017 թ․ հուլիսի 5-ին.
- ↑ 3,0 3,1 3,2 Ով ով է. Հայեր. Կենսագրական հանրագիտարան, հատոր երկրորդ, Երևան, 2007.
- ↑ Vermishev, Konstantin (1974). Preumnozhennye sily. A¸astan.