Կյուսնախտ ամ Ռիգի (2004 թվականի հունվարի 1-ից՝ պաշտոնապես՝ Կյուսնախտ, գերմ.՝ Küssnacht am Rigi, ալեմանյան բարբառ՝ Chüsnacht am Rigi), քաղաք և համայնք Շվեյցարիայի Շվից կանտոնում։ Դասվել է տարածաշրջանային բիզնես կենտրոնների շարքին[2]։

Բնակավայր
Կյուսնախտ ամ Ռիգի
շվեյց. գերմ.՝ Küssnacht
գերմ.՝ Küssnacht am Rigi
Դրոշ Զինանշան

ԵրկիրՇվեյցարիա Շվեյցարիա
Մակերես36,2 կմ², 29,37 կմ²
ԲԾՄ445 մետր
Պաշտոնական լեզուգերմաներեն
Բնակչություն13 084 մարդ (դեկտեմբերի 31, 2018)[1]
Ժամային գոտիUTC+1 և UTC+2
Հեռախոսային կոդ041
Փոստային դասիչ6403
Ավտոմոբիլային կոդSZ
Պաշտոնական կայքkuessnacht.ch(գերմ.)
Կյուսնախտ ամ Ռիգի (Շվեյցարիա)##
Կյուսնախտ ամ Ռիգի (Շվեյցարիա)

Զբաղեցնում է 29.37 քառակուսի կիլոմետր տարածք, որի 55.8%-ն օգտագործվում է գյուղատնտեսական նպատակներով, 26.4%-ը անտառապատ է։ Համայնքի տարածքից 16 հեկտար զբաղեցնում են լճերն ու գետերը[3][4]։ Քաղաքը տեղ է գտել Ռիգի սարի ստորոտին, Լյուցեռն և Ցուգ լճերի միջև։

2017 թվականի դեկտեմբերի տվյալներով բնակչության թվաքանակը եղել է 12,845, որի 21.1%-ը օտարերկրացիներ էին։ Ընդ որում՝ ամբողջ բնակչության 5.2%-ը կազմում էին Գերմանիայում ծնվածները[5]։

Պատմություն

խմբագրել

Պատմական փաստաթղթերում Կյուսնախտն առաջին անգամ հիշատակվել է 840 թվականին՝ որպես in Chussenacho: 1424 թվականին ստացել է Շվիցի կանտոնի շրջանի կարգավիճակ։

Ավանդազրույցի համաձայն՝ Վիլհելմ Տելլը Կյուսնախտի մոտ գտնվող Գեսելբուրգ սարի մերձակայքում՝ Hohle Gasse-ում է նետահարել ավստրիական ոստիկանապետ Գեսլերին։

Այս բնակավայրում է 1935 թվականի օգոստոսի 29-ին ավտովթարի զոհ դարձել Բելգիայի թագուհի Աստրիդը, և վթարի վայրում, ի հիշատակ նրա, մատուռ է կառուցվել։

Կյուսնախտում ամեն տարի դեկտեմբերի 5-ին՝ Սուրբ Նիկողայոսի հիշատակի օրը, սկիզբ է առնում լայնորեն հայտնի Klausjagen (Saint Nicholas chase) փառատոնը, որը շարունակվում է նաև գիշերը։ Ընդսմին՝ շքերթի մասնակիցների թիվն անցնում է հազարից, հանդիսականներինը՝ քսան հազարից։

Հիշատակման արժանի փաստերից է նաև այն, որ Կյուսնախտում է ծնվել շվեյցարացի նշանավոր նկարիչ Հանս Էմենեգերը[6]։

Պատմամշակութային հուշարձաններ

խմբագրել

Կյուսնախտի մի շարք պատմամշակութային հուշարձաններ ընդգրկված են Շվեյցարիայի համազգային նշանակության պատմամշակութային ժառանգության ցանկում, այդ թվում՝ Գեսելբուրգի ամրոցը և Hohle Gasse-ն՝ Վիլհելմ Տելլի մատուռով հանդերձ։ Բնակավայրի հին քաղաքամասն ու նրա կազմի մեջ ներառված Մեռլիշախեն գյուղակն էլ ընդգրկված են Շվեյցարական ժառանգության գույքացանկում[7]։

Պատկերասրահ

խմբագրել

Ժողովրդագրություն

խմբագրել

Քաղաքի բնակչության թվաքանակը պատմական ժամանակի ընթացքում կրել է հետևյալ փոփոխությունները[8]

Ծանոթագրություններ

խմբագրել
  1. Ständige Wohnbevölkerung nach Staatsangehörigkeitskategorie Geschlecht und Gemeinde; Provisorische Jahresergebnisse; 2018FSO, 2019.
  2. «Die Raumgliederungen der Schweiz 2016» (գերմաներեն, ֆրանսերեն, իտալերեն, and անգլերեն). Neuchâtel, Switzerland: Swiss Federal Statistical Office. 2016 թ․ փետրվարի 17. Վերցված է 2016 թ․ դեկտեմբերի 14-ին.
  3. «Arealstatistik Land Use - Gemeinden nach 10 Klassen». www.landuse-stat.admin.ch. Swiss Federal Statistical Office. 2016 թ․ նոյեմբերի 24. Վերցված է 2016 թ․ դեկտեմբերի 27-ին.
  4. Regionalporträts 2017: Swiss Federal Statistical Office (գերմ.) accessed 18 May 2017
  5. Federal Statistical Office - Ständige und nichtständige Wohnbevölkerung nach institutionellen Gliederungen, Geburtsort und Staatsangehörigkeit (Land) accessed 31 October 2016
  6. Historischer Lexicon der Schweiz
  7. Swiss inventory of cultural property of national and regional significance Արխիվացված 2016-09-02 Wayback Machine, (գերմ.) accessed 17 August 2016
  8. Swiss Federal Statistical Office STAT-TAB Bevölkerungsentwicklung nach institutionellen Gliederungen, 1850-2000 (գերմ.) accessed 27 April 2016

Արտաքին հղումներ

խմբագրել
Վիքիճամփորդն ունի Küssnachtին առնչվող զբոսաշրջային տեղեկատվություն։
 Վիքիպահեստն ունի նյութեր, որոնք վերաբերում են «Կյուսնախտ ամ Ռիգի» հոդվածին։