Վիքիպեդիա

Կլաուդիա Ամուրա

Կլաուդիա Նոյեմի Ամուրա (իսպ.՝ Claudia Noemí Amura, օգոստոսի 26, 1970(1970-08-26), Բուենոս Այրես, Արգենտինա), արգենտինացի շախմատիստուհի, կանանց գրոսմայստեր, մասնագիտությամբ ժուռնալիստ։

Կլաուդիա Ամուրա
Պետություն(ներ) Արգենտինա
Ծննդյան ամսաթիվօգոստոսի 26, 1970(1970-08-26) (53 տարեկան)
ԾննդավայրԲուենոս Այրես, Արգենտինա
Կոչումկանանց գրոսմայստեր[1] և կանանց միջազգային վարպետ
Ներկայիս վարկանիշ2180
ՖԻԴԵ համար100536
365chessClaudia_Amura
Chesstempo համար7462
ICCF համար7462
Մասնակցել էԿանանց շախմատային օլիմպիադա 1988[2], Կանանց շախմատային օլիմպիադա 1990[2], Կանանց շախմատային օլիմպիադա 1992[2], Կանանց շախմատային օլիմպիադա 1994[2], Կանանց շախմատային օլիմպիադա 1988[2], Կանանց շախմատային օլիմպիադա 2008[2], Կանանց շախմատային օլիմպիադա 2010[2], Կանանց շախմատային օլիմպիադա 2012[2], Կանանց շախմատային օլիմպիադա 2014[2] և Կանանց շախմատային օլիմպիադա 2018
Մարզական ակումբÉvry Grand Roque
 Claudia Amura Վիքիպահեստում

Կենսագրություն խմբագրել

Կլաուդիա Ամուրան ծնվել է 1970 թվականին, Լա Բոկա քաղաքում։ 6 տարեկանից զբաղվել է շախմատով, իր առաջին մրցաշարին մասնակցել է 8 տարեկանում։ 13 տարեկանում դարձել է ազգային մրցաշարի հաղթող, որին մասնակցել է 32 շախմադիստ, որոնցից միայն երկուսն են եղել կանայք։ 1980-ականների երկրորդ կեսից նրան մարզել է միջազգային գրոսմայստեր Օսկար Պանոն։

Կլաուդիա Ամուրան բազմիցս եղել է Արգենտինայի չեմպիոն, հաղթող է ճանաչվել 1997 Վենեսուելայում տեղի ունեցած Պանամերիկյան առաջնությունում, վեց անգամ՝ 1990, 1992, 1994, 1996, 1998, 1999 թվականներին դարձել է Հարավային Ամերիկայի չեմպիոն, 1990 թվականին հաղթել է Կուբայում տեղի ունեցած Կապաբլանկայի հուշամրցաշարի կանանց խմբում, երեք անգամ՝ 1990, 1991, 1993 թվականներին մասնակցել է աշխարհի առաջնության ընտրական մրցումներին, լավագույն արդյունքը ցուցաբերել է 1990 թվականին Ազովում՝ 5-րդ տեղ[3]։

Երեք անգամ մասնակցել է նոկաուտ համակարգի աշխարհի առաջնություններին․ 2000 թվականին 1-ին փուլում պարտվել է Սյույ Յուհուային, 2006 թվականին 1-ին փուլում՝ Իրինա Կռուշին, 2008 թվականին 2-րդ փուլում՝ Ռուան Լյուֆեյին, երկու անգամ՝ 2005 և 2007 թվականններին դարձել է Ամերիկայի առաջնությունների բրոնզե մեդալակիր[4]][5][6], 2007 թվականին հաղթող է ճանաչվել Պորտերո դե լոս Ֆյունեսի զոնալ մրցաշարում, մասնակցել է 1988, 1990, 1992, 1994, 1998, 2008, 2010, 2012 թվականների օլիմպադաներին, 1990 թվականի օլիմպիադայում առաջին խաղատախտակի վրա նվաճել է անհատական արծաթե մեդալ[7]։

2008 թվականի աշխարհի առաջնությունում ստորագրել է նամակ, որում պահանջել է Ռուս-վրացական պատերազմի պատճառով առաջնությունը տեղափոխել Ռուսաստանից։ Այնուամենայնիվ նա մասնակցել է առաջնությունը[8]։

Անձնական կյանք խմբագրել

1997 թվականին ամուսնացել է մեքսիկացի գրոսմայստեր Հիլբերտո Էռնանդես Գերերոյի հետ, ունի չորս երեխա՝ Ժիլբերտուն (1998), Լուիսը (2000), Սանտյագոն (2001) և Ռոսիոն (2003)։

Ծանոթագրություններ խմբագրել

  1. ↑ FIDE Ratings and Statistics
  2. ↑ 2,0 2,1 2,2 2,3 2,4 2,5 2,6 2,7 2,8 OlimpBase
  3. ↑ «1990 Azov Interzonal Tournament». Արխիվացված օրիգինալից 2002 թ․ ապրիլի 14-ին. Վերցված է 2014 թ․ հունիսի 2-ին.
  4. ↑ «2000 FIDE Knockout Matches». Արխիվացված օրիգինալից 2014 թ․ փետրվարի 12-ին. Վերցված է 2014 թ․ հունիսի 2-ին.
  5. ↑ «World Chess Championship (Women) 2008 FIDE Knockout Matches». Արխիվացված օրիգինալից 2019 թ․ ապրիլի 25-ին. Վերցված է 2014 թ․ հունիսի 2-ին.
  6. ↑ «2006 FIDE Knockout Matches». Արխիվացված օրիգինալից 2014 թ․ օգոստոսի 20-ին. Վերցված է 2014 թ․ հունիսի 2-ին.
  7. ↑ «OlimpBase». Արխիվացված օրիգինալից 2013 թ․ դեկտեմբերի 12-ին. Վերցված է 2014 թ․ հունիսի 2-ին.
  8. ↑ «Илюмжинов просит Саакашвили о помощи» Արխիվացված 2016-03-12 Wayback Machine на сайте 64.ru за 22.08.2008

Արտաքին հղումներ խմբագրել

 Վիքիպահեստն ունի նյութեր, որոնք վերաբերում են «Կլաուդիա Ամուրա» հոդվածին։
Ստացված է «https://hy.wikipedia.org/w/index.php?title=Կլաուդիա_Ամուրա&oldid=9752552» էջից