Կենզո
Կենզո (ֆր.՝ Kenzo), հագուստի, կոշիկների և լյուքս դասի այլ իրերի ֆրանսիական ապրանքանիշ։
Կենզո | |
|---|---|
 | |
 | |
| Տեսակ | ապրանքային նշան, նորաձևության տուն, Շքեղ ապրանքներ, նորաձևության ապրանքանիշ, անշարժ գույքով ընկերություն և կազմակերպություն |
| Անվանված է ի պատիվ | Կենզո Տակադա |
| Հիմնադրված է | 1970 |
| Հիմնադիր | Կենզո Տակադա |
| Վայր | Փարիզ, Ֆրանսիա |
| Երկիր | .svg){kind=small} Ֆրանսիա |
| Տնօրեն | Sidney Toledano?[1], Nigo?[2], Sylvain Blanc?[1] և Felipe Oliveira Baptista?[3][4] |
| Արդյունաբերություն | Wholesale?[5], մանրածախ առևտուր, կարի արդյունաբերություն և նորաձևություն |
| Մայր ընկերություն | LVMH |
| Կայք | kenzo.com(անգլ.) |
 Kenzo Վիքիպահեստում | |
Նորաձևության տունը հիմնադրվել է 1970 թվականին՝ ճապոնացի դիզայներ Կենզո Տակադայի կողմից։ Կենզո Տակադան ծնվել է Ճապոնիայում, ապա 1964 թվականին տեղափոխվել է Փարիզ` իր կարիերան նորաձևության աշխարհում սկսելու համար։ Աստիճանաբար նա հայտնի է դարձել` հմտորեն համատեղելով ասիական և ճապոնական առանձնահատկությունները եվրոպական բարձր նորաձևության բարձր կանոնների հետ։ Առաջին բացված բուտիկը կոչվել է «Jungle Jap», որը տեղակայվել է Փարիզում։
Օգտագործվել են զարդարանքներ, որոնք պատրաստվել են` ջունգլիների գեղագիտությունից ոգեշնչված։ Սկզբում Կենզոն մասնագիտացել է կանանց ձեռագործ հագուստի ստեղծման ոլորտում։ 1983 թվականին Կենզոն սկսել է թողարկել տղամարդու, ապա` մանկական հագուստ։ 1987 թվականին սկսել է թողարկել ներքին հարդարանքի արտադրանքներ[6]։ Ներկայումս Կենզոն միջազգային պրեմիում ապրանքանիշ է, պատկանում է LVMH-ին, որը գնել է այն 1993 թվականին[7]։
Ռազմավարություն
խմբագրել2011 թվականից ի վեր Ումբերտո Լեոնը և Քերոլ Լիմը ապրանքանիշի ստեղծագործական տնօրեններն ու գլխավոր դիզայներն են[8][9]։ Նրանք իրենց հիմնական նպատակն են համարում նորաձևության «վայրի» աշխարհը ցնցելը[10]։ Կենզոյի պատկերանշանային վագրային շապիկը և ապրանքանիշի այլ իրեր կրել են շատ հայտնիներ, որոնց թվում են Բիյոնսեն, Սելենա Գոմեսը, Ջոան Սմոլսը, Զոույի Դեշանելը, Swizz Beatz-ը, Լորդը և Ռիհաննան։
Ինչպես Կենզո Տակադան 1970-ականներին` Ումբերտոն և Քերոլը դեմ են ստանդարտ ակնկալիքներին և նորաձևության միտումներին։ Նրանք հավաստիացնում են, որ փորձում են ստեղծել իրեր` 21-րդ դարի համատեքստում[10]։ Յուրաքանչյուր հավաքածու ստեղծելիս նրանք համագործակցել են ավանգարդիստ նկարիչների, երաժիշտների, դերասանների և դիզայներների հետ[11]։ Օրինակ, 2014 թվականի աշնանային հավաքածուի ժամանակ ապրանքանիշը համագործակցել է ռեժիսոր Դեյվիդ Լինչի հետ, որը մասնակցություն ունեցել է ցուցադրության երաժշտական ուղեկցությանը և ստեղծել է հավաքածուի ոգուն համապատասխան քանդակ[11]։ Ֆրանսիացի նկարիչ-պատկերազարդող Ռեբեկա Դոթրերը համագործակցել է ընկերության հետ` օծանելիքի դիզայնի ոլորտում[12]։
Համագործակցություն
խմբագրել2016 թվականին Կենզոն հայտարարել է H&M ապրանքանիշի հետ համատեղ հավաքածուի թողարկման մասին։ Այս հավաքածուն վաճառքի է հանվել 2016 թվականի նոյեմբերի 3-ին[13]։ 2018 թվականի մարտի 20-ին Կենզոն Բրիթնի Սփիրսին ընտրել է որպես «La Collection Memento No. 2 » նոր հավաքածուի դեմք[14]։ #KenzoLovesBritney-ի համագործակցության մեջ ներկայացված էր կանացի և տղամարդկանց բազմաթիվ ջինսե հագուստ[15]։ 2013 թվականին Կենզոն ավստրիացի դիզայներների հետ գործարկել է Kenner բիզնեսի հագուստի շարքը, սակայն ցածր պահանջարկի պատճառով արտադրությունը դադարեցվել է։
Բարեգործություն
խմբագրելՈւմբերտո Լեոնը և Քերոլ Լիմը մեծացել են Կալիֆոռնիայում և քաջատեղյակ են, թե ինչպես են մարդկային կենսագործունեության թափոնները վնասում ծովային էկոհամակարգը, ուստի նրանք որոշել են միանալ Համաշխարհային օվկիանոսի աղտոտվածության դեմ Blue Marine Foundation-ի[16]` որսագողության և վնասակար թափոնների դեմ պայքարին։ «Մենք կցանկանայինք համագործակցել հեռանկարային կազմակերպության հետ, որը մտահոգվում է օվկիանոսի հետ ներդաշնակորեն գոյակցելու հնարավորության մասին։ Ուսումնասիրել ենք շատ տարբեր բարեգործական կազմակերպություններ, և Blue Marine Foundation-ը մեզ համար կատարյալ տարբերակ էր։ Մենք իրապես աջակցում ենք կայուն, վերահսկվող ձկնաբուծարանների և ծովային արգելանոցների ձևավորմանն ուղղված նրանց առաքելությանը։ Մենք շատ հպարտ ենք Կենզոյի և Կապույտ ծովային հիմնադրամի միջև գոյություն ունեցող այս երկարամյա գործընկերությամբ և հուսով ենք, որ խթանելու ենք մարդկանց շրջանում աշխարհի օվկիանոսներին սպառնացող վտանգների մասին ավելի մեծ պատկերացմանը»[17]։
Ի նշանավորում իրենց համակագործակցության` Կենզոն 2014 թվականի գարուն-ամառ հավաքածուի մեջ թողարկել է պարկուճների հավաքածու՝ «Չկա ձուկ՝ չկա ոչինչ» կարգախոսով (անգլ.՝ No fish no nothing). հավաքածուի վաճառքից ստացված ողջ հասույթը նվիրաբերվել է Համաշխարհային օվկիանոսի հիմնադրամին[18]։ 2014 թվականի մարտի 21-ից մարտի 27-ը Կենզոն Փարիզի իր խանութներից մեկում ակցիա է անցկացրել. հատուկ էկրանը թույլ է տվել գնորդներին դիտել և հագուստ գնել, իսկ յուրաքանչյուր գնումից հետո թվային ակվարիումում էկրանին ավելացվել է մեկ ձուկ։ Ձուկն ավելացվել է նաև ինտերնետում խանութի լուսանկարը #NoFishNoNothing հեշթեգով տեղադրելիս[19]։
Ապրանքանիշի գլխավոր դիզայներներ
խմբագրելԾանոթագրություններ
խմբագրել- ↑ 1,0 1,1 https://www.societe.com/societe/kenzo-402180194.html
- ↑ https://www.lvmh.com/news-documents/news/nigo-named-artistic-director-of-maison-kenzo/#:~:text=Sidney%20Toledano%2C%20Chairman%20and%20CEO,Director%20of%20the%20Maison%20Kenzo.
- ↑ https://www.lvmh.fr/actualites-documents/actualites/felipe-oliveira-baptista-nomme-directeur-artistique-de-la-maison-kenzo/#:~:text=LVMH%20annonce%20la%20nomination%20de,la%20Maison%2C%20fond%C3%A9e%20en%201970.
- ↑ https://www.vogue.com/article/felipe-oliveira-baptista-leaving-kenzo
- ↑ SIRENE (ֆր.)
- ↑ «Legal mentions». kenzo.com.
- ↑ 7,0 7,1 7,2 7,3 7,4 7,5 «Kenzo». The Cut.
- ↑ «Kenzo in Dubai | Mall of the Emirates». Արխիվացված է օրիգինալից 2016 թ․ հունիսի 30-ին. Վերցված է 2020 թ․ հուլիսի 23-ին.
- ↑ «About - OPENING CEREMONY». openingceremony.us. Արխիվացված է օրիգինալից 2015 թ․ դեկտեմբերի 22-ին. Վերցված է 2020 թ․ հուլիսի 23-ին.
- ↑ 10,0 10,1 «Kenzo». LVMH.
- ↑ 11,0 11,1 «Kenzo - Farfetch». www.style.com. Վերցված է 2018 թ․ փետրվարի 7-ին.
- ↑ Grangeray, Emilie Les univers multiples de Rebecca Dautremer(ֆր.) // Le Monde : Газета. — 2009.
- ↑ «Kenzo X H&M». Ikon London Magazine. 2016 թ․ հունիսի 12. Վերցված է 2018 թ․ փետրվարի 23-ին.
- ↑ Bobb, Brooke. «Britney Spears On Her Kenzo Campaign And How She Defines Mum Fashion». Վերցված է 2018 թ․ մարտի 21-ին.
- ↑ «Kenzo is getting a 'Piece of' Britney Spears, the face of its La Collection Memento No. 2». USA TODAY (անգլերեն). Վերցված է 2018 թ․ մարտի 21-ին.
- ↑ «Blue Marine Foundation - United To Protect The Oceans». bluemarinefoundation.com.
- ↑ http://www.bluemarinefoundation.com/wp-content/uploads/2014/02/Vogue_KENZO_uk.pdf
- ↑ «News & Documents». LVMH.
- ↑ «Transparency». kenzo.com.
 | Վիքիպահեստն ունի նյութեր, որոնք վերաբերում են «Կենզո» հոդվածին։ |