Կարլովաց
Կարլովաց (խորվ.՝ Karlovac, գերմ.՝ Karlstadt, հունգ.՝ Károlyváros), քաղաք Խորվաթիայի կենտրոնական մասում, Կարլովացի ժուպանության վարչական կենտրոնն է:
| Բնակավայր | |||
|---|---|---|---|
| Կարլովաց | |||
| խորվ.՝ Karlovac | |||
| |||
 | |||
| Կոորդինատներ: 45°29′35″ հս․ լ. 15°33′21″ ավ. ե. / 45.49306° հս․. լ. 15.55583° ավ. ե. | |||
| Երկիր |  Խորվաթիա | ||
| Հիմնադրված է | հուլիսի 13, 1579 թ. | ||
| Առաջին հիշատակում | 1579 | ||
| Մակերես | 402 կմ² | ||
| ԲԾՄ | 112 մետր | ||
| Բնակչություն | 53 134 մարդ (2015) | ||
| Ժամային գոտի | կենտրոնաեվրոպական ամառային ժամ և Կենտրոնական եվրոպական ժամանակ | ||
| Հեռախոսային կոդ | 047 | ||
| Փոստային ինդեքսներ | 47000 | ||
| Ավտոմոբիլային կոդ | KA | ||
| Պաշտոնական կայք | karlovac.hr | ||
| |||
Գտնվում է մայրաքաղաք Զագրեբից 56 կմ հարավ-արևմուտք, Կորանա գետի Կուպու թափվելու տեղի հարևանությամբ: Քաղաքով հոսում են ևս երկու գետեր` Դոբրան ու Մրեժնիցան:
Բնակչությունը 49.082 մարդ է (2001):
Ընդհանուր տեղեկություններԽմբագրել
Քաղաքով են անցնում Զագրեբ-Ռիեկա ավտոմայրուղին ու երկաթգիծը: Կարլովացը ավտոբուսային կանոնավոր երթուղով կապված է Խորվաթիայի խոշորագույն քաղաքների հետ:
Կարլովացի արդյունաբերական գլխավոր ձեռնարկությունը գարեջրի` Խորվաթիայում խոշորագույն գործարանն է, որն արտադրում է «Կարլովաչկո» (Karlovačko) նշանավոր գարեջուրը:
ՊատմությունԽմբագրել
Կարլովացը հիմնադրվել է 16-րդ դարի վերջին որպես Կորանա և Կուպա գետերի միջև ընկած ամրոց: Ամրոցի հիմքերը պահպանվել են մինչ օրս: Ամրոցի շինարարությունը սկսվել է 1579 թվականին ավստրիացի էրցհերցոգ Կարլ II-ի հրամանով, ում անունով էլ ամրոցն անավանակոչվել է:
Նրա հիմնական նպատակն էր Կուպայի հովիտը պահպանել թուրքական հարձակումներից, ինչը հաջողվել է. թուրքերը յոթ անգամ պաշարել են այն (վերջին անգամ 1672 թվականին)` այդպես էլ չկարողանալով գրավել ամրոցը:
Թուրքական հարձակման վտանգը չեզոքացնելուց հետո քաղաքն ընդարձակվել է մինչև ամրոց և շնորհիվ իր աշխարհագրական հաջող դիրքի` սկսել է արագ զարգանալ:
Առաջին համաշխարհային պատերազմից հետո ամբողջ Խորվաթիայի հետ Կարլովացը մտել է Հարավսլավիայի թագավորության, իսկ ավելի ուշ` Հարավսլավիայի կազմի մեջ:
Հարավսլավիայի փլուզումից հետո 1991 թվականին քաղաքը դարձել է անկախ Խորվաթիայի մաս: Դրանից հետո սկսված պատերազմի արդյունքում Կարլովացը լուրջ վնասներ է կրել. շատ շինություններ քանդվել ու վնասվել են:
Տեսարժան վայրերԽմբագրել
- Սուրբ Երրորդության եկեղեցի: Կառուցված է բարոկկո ոճով հին քաղաքում:
- Զորինի պալատ
- Քաղաքային թանգարան
Նշանավոր բնակիչներԽմբագրել
- Գուստավ Կրկլեց (1899-1977) - խորվաթ բանաստեղծ, թարգմանիչ
- Գայո Պետրովիչ (1927-1993) - հարավսլավացի փիլիսոփա-մարքսիստ
- Վանյա Շուտլիչ (1925-1989) - հարավսլավացի փիլիսոփա, ֆենոմենոլոգ
- Վեչեսլավ Խոլեվաց (1917-1970) - Հարավսլավիայում պարտիզանական շարժման ներկայացուցիչ, Հարավսլավիայի ազգային հերոս, Զագրեբի քաղաքապետ (1952-1963)
- Աննա Վիդովիչ (ծնվ.` 1980) - խորվաթ կիթառահար
Քույր քաղաքներԽմբագրել
Արտաքին հղումներԽմբագրել
|
Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Կարլովաց կատեգորիայում։ |