Կարլոս Բուզեր

	Կարլոս Բուզեր
	;
Դիրքը	Ծանր հարձակվող
Համար	№ 1, 5
Ի ծնե տրված անունը	Carlos Austin Boozer, Jr.; Կարլոս Օսթին Բուզեր կրտսեր
Ծննդյան ամսաթիվ	նոյեմբերի 20, 1981 (42 տարեկան)
Ծննդավայր	Աշաֆենբուրգ, Արևմտյան Գերմանիա
Ազգություն	Ամերիկացի
Հասակ	2,06 մ
Քաշ	121 կգ
Դպրոց	Ջունո-Դուգլաս ավագ դպրոց (Ջունո, Ալյասկա)
համալսարան	Դյուկ (1999–2002)
Դրաֆթի տարի	2002 / ռաունդ՝ 2 / ընտր.՝ 35-րդ
Դրաֆթ ակումբ	Կլիվլենդ Կավալիերս
Կարիերայի պատմություն
	Կլիվլենդ Կավալիերս (2002–2004); Յութա Ջազ (2004–2010); Չիկագո Բուլս (2010-2014); Լոս Անջելես Լեյքերս (2014–2015); Գուանդուն Սաութերն Թայգերս (2016–2017)
Մրցանակներ
	; 2x NBA աստղ (2007, 2008); All-NBA երրորդ թիմ (2008); NBA All-Rookie երկրորդ թիմ (2003); NCAA չեմպիոն (2001); ACC մրցույթի MVP (2002);
Մեդալներ
	Օլիմպիական խաղեր; Ոսկի - Պեկին 2008; Բրոնզ - Աթենք 2004; ՖԻԲԱ Մ-21 առաջնություն; Ոսկի - Սայտամա 2001

Կարլոս Օսթին Բուզեր կրտսեր (անգլ.՝ Carlos Austin Boozer, Jr., նոյեմբերի 20, 1981(1981-11-20), Աշաֆենբուրգ, Ստորին Ֆրանկոնիա), ամերիկացի նախկին բասկետբոլիստ, ծանր հարձակվող։ Մասնագիտական կարիերայի մեծ մասն անցկացրել է Բասկետբոլի ազգային ասոցիացիայում (NBA)։

Ծնվել է Արևմտյան Գերմանիայի Աշաֆենբուրգ քաղաքի ռազմական բազաներից մեկում, սակայն մանկությունն ու պատանեկությունն անցկացրել է ԱՄՆ Ալյասկա նահանգի Ջունո քաղաքում^[1]։ Դպրոցական կարիերան անցկացրել է Ջունո Դուգլաս ավագ դպրոցում։ Դպրոցն ավարտելուց հետո ստացել է հրավերներ այնպիսի ուսումնական հաստատություններից, ինչպիսիք են Նյու Յորքի Սենթ Ջոն համալսարանը, Լոս Անջելեսի կալիֆոռնյան համալսարանը և այլն^[2], սակայն նախապատվությունը որոշում է տալ Դյուկի համալսարանին, որի բասկետբոլային թիմի մարզիչն այդ ժամանակ Մայք Կռժիժևսկին էր։ Համալսարանային թիմի կազմում Բուզերը հաղթում է 2001 թվականի NCAA I դիվիզիայի առաջնությունը։ Ընտրվել է 2002 թվականի NBA դրաֆթի երկրորդ ռաունդի 35-րդ ընտրությամբ՝ «Կլիվլենդ Կավալիերսի» կողմից։

Մասնագիտական կարիերայի ընթացքում երկու անգամ ճանաչվել է NBA աստղ (All-Star), ընդգրկվել «All-NBA» խորհրդանշական հավաքականում։

Հանդես է եկել նաև Միացյալ Նահանգների բասկետբոլի ազգային հավաքականում, որի կազմում դարձել է բրոնզե մեդալակիր 2004 թվականի Աթենքի, և ոսկե մեդալակիր 2008 թվականի Պեկինի օլիմպիական խաղերում։

Մրցանակներ և այլ նվաճումներ

2× NBA աստղ՝ 2007, 2008
All-NBA թիմ
- Երրորդ թիմ՝ 2008
NBA All-Rookie երկրորդ՝ 2003
Բրոնզե մեդալ՝ Ամառային օլիմպիական խաղեր 2004
Ոսկե մեդալ՝ Ամառային օլիմպիական խաղեր 2008

Ծանոթագրություններ

↑ Բաքլի, Թիմ (2007 թ․ ապրիլի 13). «Երկու ձեռքերն էլ հավասար օգտագործելու հնարավորությունը շատ է օգնել Բուրզերի». «Դեսերետ մորնինգ նյուզ». Արխիվացված է օրիգինալից 2008 թ․ մայիսի 18-ին. Վերցված է 2007 թ․ հուլիսի 28-ին.
↑ կենսագրական NBA տեսահոլովակ պատրաստված TNT-ի կողմից(չաշխատող հղում)

Արտաքին հղումներ

Վիքիպահեստն ունի նյութեր, որոնք վերաբերում են «Կարլոս Բուզեր» հոդվածին։

[hands-1] Բաքլի, Թիմ (2007 թ․ ապրիլի 13). «Երկու ձեռքերն էլ հավասար օգտագործելու հնարավորությունը շատ է օգնել Բուրզերի». «Դեսերետ մորնինգ նյուզ». Արխիվացված է օրիգինալից 2008 թ․ մայիսի 18-ին. Վերցված է 2007 թ․ հուլիսի 28-ին.

[video-2] կենսագրական NBA տեսահոլովակ պատրաստված TNT-ի կողմից(չաշխատող հղում)

[1]

[2]