Կարեն Հայրապետյան
Կարեն Վարդգեսի Հայրապետյան (հուլիսի 24, 1979, Գորիս, Հայկական ԽՍՀ, ԽՍՀՄ - հոկտեմբերի 13, 2020, Հադրութի շրջան, Արցախ), ռազմական գործիչ, փոխգնդապետ։
| Կարեն Հայրապետյան | |
|---|---|
 | |
| Ծնվել է | հուլիսի 24, 1979 |
| Ծննդավայր | Գորիս, Հայկական ԽՍՀ, ԽՍՀՄ |
| Մահացել է | հոկտեմբերի 13, 2020 (41 տարեկան) |
| Մահվան վայր | Հադրութի շրջան, Արցախ |
| Քաղաքացիություն | հայ |
| Մասնագիտություն | ռազմական գործիչ |
| Պարգևներ և մրցանակներ |   և  |
Կենսագրություն խմբագրել
Կարեն Հայրապետյանը ծնվել է 1979 թվականի[1] հուլիսի 24-ին Գորիս քաղաքում։ Սովորել է Գորիսի թիվ 3 միջնակարգ դպրոցում, որից հետո ուսումը շարունակել է ՀՀ ՊՆ Մոնթե Մելքոնյանի անվան ռազմամարզական վարժարանում, ավելի ուշ ուսումը շարունակել է Վազգեն Սարգսյանի անվան ռազմական ինստիտուտում, ապա՝ հրամանատարական դասընթացներում։ Զբաղեցրել է տարբեր պաշտոններ Հայաստանի զինված ուժերում և Արցախի Հանրապետության Պաշտպանության բանակում[2]։
2016 թվականին մասնակցել է Քառօրյա պատերազմին, եղել է Արցախի Հանրապետության Պաշտպանության բանակի զորամասերից մեկի հրամանատարի տեղակալն ու շտաբի պետը։
2020 թվականին զբաղեցրել է Սիսիանի N զորամասի մարտական գծով հրամանատարի տեղակալի պաշտոնը։
Մահացել է 2020 թվականի հոկտեմբերի 13-ին, Հադրութի մոտակայքում՝ Հայ-ադրբեջանական պատերազմի մարտական գործողությունների ժամանակ։
Հուղարկավորվել է Գորիսի պանթեոնում[2]։
Եղել է ամուսնացած, ունի երեք զավակ։
Պարգևներ խմբագրել
- «Մարտական ծառայության մեդալ»
- «Հայրենիքին մատուցած ծառայությունների համար» մեդալ
- «Վազգեն Սարգսյան» մեդալ
- «Դրաստամատ Կանայան» մեդալ
- «Գարեգին Նժդեհ» մեդալ
Ծանոթագրություններ խմբագրել
- ↑ «Արցախի ՊՆ-ը հրապարակեց ևս 43 զոհված զինծառայողների անուններ». «Ազատ Եվրոպա/Ազատություն» ռադիոկայան. Վերցված է 2021 թ․ փետրվարի 2-ին.
- ↑ 2,0 2,1 «Գորիսը վերջին հրաժեշտը տվեց իր նահատակ-հերոս զավակին՝ Կարեն Հայրապետյանին. նրա խիզախությանն առնչվել». syuniacyerkir.am. Վերցված է 2021 թ․ փետրվարի 2-ին.