Կարեն Աղամյան

Կարեն Գուրգենի Աղամյան (հունվարի 1, 1946(1946-01-01), Երևան, Հայկական ԽՍՀ, ԽՍՀՄ), հայ նկարիչ։ 1998-2018 թվականներին եղել է Հայաստանի նկարիչների միության նախագահը։ Հայաստանի Հանրապետության արվեստի վաստակավոր գործիչ։

Կարեն Աղամյան
Կարեն Աղամյանը մամուլի ասուլիսի ժամանակ, Երևան, 2010 թ.
Ծնվել է	հունվարի 1, 1946(1946-01-01) (78 տարեկան)
Ծննդավայր	Երևան, Հայկական ԽՍՀ, ԽՍՀՄ
Քաղաքացիություն	ԽՍՀՄ և  Հայաստան
Կրթություն	Երևանի պետական գեղարվեստա-թատերական ինստիտուտ (1969) և Հայաստանի գեղարվեստի պետական ակադեմիա
Մասնագիտություն	նկարիչ
Պարգևներ	Հայաստանի արվեստի վաստակավոր գործիչ և
Անդամակցություն	Հայաստանի նկարիչների միություն
Karen Aghamyan Վիքիպահեստում

Կենսագրություն

Ծնվել է 1946 թ., Երևանում։ 1969 թ. ավարտել է Երևանի գեղարվեստա-թատերական ինստիտուտը և նույն թվականից սկսել դասավանդել այդ բուհում։ 1974 թվականից՝ ԽՍՀՄ նկարիչների միության անդամ։ 1981-1983 թթ.՝ Հայաստանի արվեստի հիմնադրամի գլխավոր նկարիչ։ 1983 թ. պարգևատրվել է ԽՍՀՄ արվեստների ակադեմիայի և ԽՍՀՄ նկարիչների միության դիպլոմներով։ 1974 թվականից՝ ԽՍՀՄ դիզայներների միության անդամ։ 1988-1993 թթ.՝ Երևանի գեղարվեստա-թատերական ինստիտուտի դիզայնի ֆակուլտետի դեկան։ 1991 թվականից՝ Երևանի գեղարվեստի պետական ակադեմիայի պրոֆեսոր։ 1998-2018 թվականներին եղել է Հայաստանի նկարիչների միության նախագահը։

Պարգևներ և կոչումներ

• Հայաստանի Հանրապետության արվեստի վաստակավոր գործիչ (2008)։
• 2011 թ. մարտի 31-ին Հայաստանի վարչապետի որոշմամբ Երևանի գեղարվեստի պետական ակադեմիայի հիմնադրման 65-ամյա հոբելյանի առթիվ, մշակույթի և կրթության բնագավառներում ներդրած ավանդի ու երկարամյա գործունեության համար պարգևատրվել է Հայաստանի վարչապետի հուշամեդալով։
• «Հայրենիքին մատուցած ծառայությունների համար» 1-ին աստիճանի մեդալ, 2017

Արտաքին հղումներ

• Կարեն Աղամյան Արխիվացված 2021-12-30 Wayback Machine