Կարապետ Տողանյան
- Վիքիպեդիայում կան հոդվածներ Տողանյան ազգանունով այլ մարդկանց մասին։
Կարապետ Գևորգի Տողանյան (1922), հայ մանկավարժ։ Հայկական ԽՍՀ վաստակավոր ուսուցիչ (1960): Հայրենական մեծ պատերազմի մասնակից։
| Կարապետ Տողանյան | |
|---|---|
| Ծնվել է | 1922 |
| Քաղաքացիություն |  ԽՍՀՄ |
| Մասնագիտություն | մանկավարժ |
| Պարգևներ և մրցանակներ | |
Կենսագրություն
խմբագրելԿարապետ Տողանյանը ծնվել է 1922 թվականին, Արևմտյան Հայաստանում։ 1926 թվականին ընտանիքով տեղափոխվել են Խորհրդային Հայաստան։ 1941 թվականին ավարտել է Ամասիայի շրջկենտրոնի միջնակարգ դպրոցը և նշանակվել նույն դպրոցի ուսուցիչ[1]։
1942 թվականին զորակոչվել է բանակ։ Ավարտել է գնդի սերժանտական դպրոցը և որպես գնդացրային դասակի հրամանատարի օգնական 409-րդ հայկական հրաձգային դիվիզիայի 677-րդ գնդի կազմում մասնակցել է Հյուսիսային Կովկասի ազատագրմանը։ Մարտերում ցուցաբերած խիզախության համար Տողանյանը պարգևատրվել է Կարմիր աստղի շքանշանով և մեդալներով։ Ռազմաճակատում ծանր վիրավորվել է, ապաքինվելուց հետո 1943 թվականին զորացրվել է բանակից[1]։
Զորացրվելուց հետո Տողանյանն անցել է աշխատանքի Ամասիայի շրջկենտրոնի միջնակարգ դպրոցում որպես զինղեկ։ 1946-1961 թվականներին եղել է նույն դպրոցի տնօրենը։ 1961 թվականից եղել է մայրաքաղաքի № 22 հատուկ գիշերօթիկ դպրոցի ուսմասվարը։ Տողանյանը ավարտել է Երևանի պետական մանկավարժական ինստիտուտի պատմության ֆակուլտետը։ 1960 թվականին արժանացել է հանրապետության վաստակավոր ուսուցչի պատվավոր կոչման։ Անբասիր աշխատանքի համար պարգևատրվել է Լենինի շքանշանով, արժանացել է «Ժողովրդական կրթության գերազանցիկ» կրծքանշանի[1]։
Պարգևներ
խմբագրել- Հայկական ԽՍՀ վաստակավոր ուսուցիչ (1960)
- Կարմիր աստղի շքանշան
- Լենինի շքանշան
- «Ժողովրդական կրթության գերազանցիկ» կրծքանշան