Կապույտ ծովում, սպիտակ փրփուրի մեջ...

Կապույտ ծովում, սպիտակ փրփուրի մեջ...
Տեսակ	մուլտֆիլմ
Ժանր	ֆիլմ-հեքիաթ
Ռեժիսոր	Ռոբերտ Սահակյանց
Պրոդյուսեր	նկարիչ` Ռոբերտ Սահակյանց
Երաժշտություն	Ռոբերտ Ամիրխանյան
Օպերատոր	Ալիսա Քյուրդիան
Հնչյունային օպերատոր	Կարեն Կուրդիյան
Երկիր	ԽՍՀՄ
Լեզու	ռուսերեն
Ընկերություն	Հայֆիլմ
Տևողություն	7,46 րոպե
Պրիկվել	Խոսող ձուկը
Սիկվել	Բարեկենդանը
Թվական	1984

«Կապույտ ծովում, սպիտակ փրփուրի մեջ...» (ռուս.՝ «В синем море, в белой пене…»), 1984 թվականին «Հայֆիլմ» կինոստուդիայի կողմից նկարահանված հայկական մուլտֆիլմ^[1]։

Սյուժե Խմբագրել

Երաժշտական ֆիլմ՝ հայկական ժողովրդական հեքիաթների թեմաներով։ Մուլտֆիլմում հնչում է «Քամին ծովում» երգը^[2]՝ Անահիտ Կանաչյանի կատարմամբ։

Տղան իր պապիկի հետ ծովում ձուկ է բռնում, և հանկարծ նրանց ձկնորսական ցանցում հայտնվում է մի կուժ։ Տղան բացում է կուժի բերանը, և այնտեղից դուրս է գալիս ծովերի տիրակալը։ Նա ստիպողաբար տղային տանում է իր ստորջրյա թագավորությունը, որպեսզի նրան իր աշակերտը և ժառանգորդը դարձնի՝ ամուսնացնելով իր միակ դստեր հետ։ Բայց տղան չի ուզում, որ իր ամբողջ կյանքում խորտակի նավեր մարդկանց հետ, նույնիսկ հարստություն ձեռք բերելու համար, սակայն ձևացնում է, որ ինքը համաձայն է ծովի տիրակալի առաջարկին, և խորամանկությամբ նրան ստիպում է ետ մտնել կուժի մեջ, որից հետո ինքն անմիջապես հայտնվում է իրենց նավակի մեջ՝ պապիկի կողքին, իսկ կուժը նետում է ծով։