Խոսող ձուկը (մուլտֆիլմ)
Խոսող ձուկը, 1983 թվականին «Հայֆիլմ» կինոստուդիայի կողմից նկարահանված հայկական մուլտֆիլմ՝ Հովհաննես Թումանյանի համանուն հեքիաթի հիման վրա[1]։
 ռուս.՝ Ух ты, говорящая рыба! | |
|---|---|
.jpg) | |
| Տեսակ | մուլտֆիլմ |
| Ժանր | ֆիլմ-հեքիաթ և հեքիաթ |
| Ռեժիսոր | Ռոբերտ Սահակյանց |
| Հնչյունավորում | Valery Plotnikov?, Լեոնիդ Բելոզորովիչ, Արտյոմ Կարապետյան, Իրինա Կարտաշյովա և Բորիս Պլոտնիկով |
| Պրոդյուսեր | նկարիչ` Ռոբերտ Սահակյանց |
| Երաժշտություն | Ռոբերտ Ամիրխանյան |
| Օպերատոր | Ալիսա Քյուրդիան |
| Հնչյունային օպերատոր | Կարեն Կուրդիյան |
| Երկիր |  ԽՍՀՄ |
| Լեզու | ռուսերեն |
| Ընկերություն | Հայֆիլմ |
| Տևողություն | 7,31 րոպե |
| Սիկվել | Կապույտ ծովում, սպիտակ փրփուրի մեջ... |
| Թվական | 1983 |
Սյուժե խմբագրել
Ծերունին որսում է խոսող ձուկ, որը խնդրում է բաց թողնել իրեն՝ դա պատճառաբանելով իր պապի խոսքերով՝ «Լավություն արա ու ջուրը գցիր։ Այն չի կորչի և բարությամբ կվերադառնա քեզ»։ Ծերունին հասկանում է, որ ձուկը դժվար թե իրեն երբևէ կարողանա օգնել, բայց այնուամենայնիվ ազատ է արձակում նրան։
Ծերունին նստում է ափին ու մտածում, որ ուտելու ոչինչ չկա։ Հուսահատությունից նա բացականչում է՝ «Է-էհ»։
Հանկարծ գետնի տակից հայտնվում է հրեշը, որը մշտապես փոխում է իր տեսքը, ու բացականչում. «Ես այստեղ եմ։ Ինչո՞ւ կանչեցիր»։ Ծերունին զարմանում է, քանի որ ինքը ոչ ոքի չէր կանչել։ Հրեշը բացատրում է, որ իր ինքը Էեհն է՝ մեծ, ամենակարող, բարի հրաշագործը։ Նա ծերունուն առաջարկում է ուզել՝ ինչ ցանկանում է, ինքն ամեն ինչ կարող է։ Քանի որ ծերունին ու նրա կինը սոված էին, Էեհը նրան նվիրում է կախարդական սեղան և սովորեցնում օգտվել դրանից։ Ծերունին շնորհակալություն է հայտնում հրեշին ու շտապում տուն։
Նա տանն օգտագործում է սեղանը, սակայն հայտնվում է հրեշն ու ասում, որ ինքը մի փոքր պայման ունի. ուղիղ կեսգիշերին ինքը հյուր կգա ու մինչև արևածագ հարցեր կտա։ Եթե կարողանան պատասխանել, սեղանը կմնա նրանց, եթե չկարողանան, թող իրենց մեղադրեն։
Երեկոյան ծեր ամուսինների տուն է գալիս մի պատանի և խնդրում գիշերելու տեղ տալ իրեն։ Չնայած զգուշացումներին, որ կեսգիշերին հրեշը կգա ու կսպանի բոլոր երեքին, նա մնում է։
Կեսգիշերին հայտնվում է «բարի» Էեհը, և պատանին գնում է նրան ընդառաջ։ Հրեշն սկսում է հարցեր տալ, իսկ պատանին պատասխանում է, ընդ որում՝ նրա պատասխանները շուտասելուկային բնույթի էին ու շփոթեցնող, և Էեհը չի հասցնում հասկանալ դրանք ու նոր հարցեր է տալիս։ Ի վերջո Էեհը հասկանում է, որ սկսում է խելագարվել։ Չդիմանալով՝ հրեշը սլանում է վերև՝ դեպի աստղերը, որտեղ նրան հարվածում է ասուպը։
Ծերունիները հարցնում են, թե ով է պատանին։ Վերջինս հիշեցնում է իր պապի խոսքը՝ «Լավություն արա ու ջուրը գցիր»։ Այդպես խոսող ձուկը, որը հայտնվել էր պատանու կերպարանքով, օգնում է ծերունուն։ Դրանից հետո նա կրկին վերածվում է ձկան ու սուզվում ծովում։
Դերեր խմբագրել
- Ա. Բելոզորովիչ (ձայն)
- Վ. Պլոտնիկով (ձայն)
- Արտյոմ Կարապետյան - ծերունի (ձայն)
- Իրինա Կարտաշյովա - ծեր կին (ձայն)
Նկարահանող խումբ խմբագրել
- Սցենարի հեղինակ/ռեժիսոր/նկարիչ/մոնտաժող – Ռոբերտ Սահակյանց
- Օպերատոր – Ալիսա Քյուրդիան
- Կոմպոզիտոր – Ռոբերտ Ամիրխանյան
- Հնչյունային օպերատոր – Կարեն Կուրդիյան
- Խմբագիր – Հ. Բեյլերյան
- Տնօրեն – Ք. Ղուկասյան
Տես նաև խմբագրել
Աղբյուրներ խմբագրել
Հայկական կինո, լիակատար կատալոգ, 1924-1999, Հայաստանի կինոգետների և կինոլրագրողների ասոցիացիա, 2000։
Ծանոթագրություններ խմբագրել
- ↑ «Խոսող ձուկը»։ Արխիվացված է օրիգինալից 2016-05-28-ին։ Վերցված է 2015-10-22