Կանո Մասանոբու
Կանո Մասանոբու (ճապ. 狩野 正信, 1434[1][2][3][…], Izu Province, Տոկայդո, Ճապոնիա - օգոստոսի 2, 1530, Կիոտո, Ճապոնիա), ճապոնացի նկարիչ, համարվում է Կանոյի նկարչական դպրոցի հիմնադիրը։ Ասիկագա սյոգունատի առաջին գլխավոր նկարիչն է եղել (1333-1572), ով չէր հանդիսանում ձեն-բուդդիստ, բայց պատկանում էր ձենիական դպրոցին[5]։
Կանո Մասանոբու ճապ.՝ 狩野 正信 | |
---|---|
Ծնվել է | 1434[1][2][3][…] |
Ծննդավայր | Izu Province, Տոկայդո, Ճապոնիա |
Վախճանվել է | օգոստոսի 2, 1530 |
Մահվան վայր | Կիոտո, Ճապոնիա |
Քաղաքացիություն | Ճապոնիա |
Մասնագիտություն | նկարիչ |
Ոճ | Կանո դպրոց |
Ուսուցիչ | Ten-Ō Sōtan? և Tenshō Shūbun? |
Զավակներ | Kanō Motonobu?[4] և Kanō Utanosuke? |
Kanō Masanobu Վիքիպահեստում |
Կենսագրություն խմբագրել
Գոյություն ունի Կանո Մասանոբուի ծննդավայրի վերաբերյալ երկու տեսակետ՝ կամ Իձուում, կամ Կանտոյում[6]։ Նրա հայրը՝ Կանո Կագենոբուն սամուրայ էր և սիրողական նկարիչ[7]։ Մասանոբուն է հիմք դրել իր ընտանիքի պրոֆեսիոնալ նկարիչների սկիզբը։ Նրա վրա զգալի ազդեցություն է ունեցել Սյուբուն Թենշոյի աշխատանքը, քանի որ նա սովորում էր Օգուրի Սոտանի մոտ, ով համարվում է Սյուբունի աշակերտը և իրավահաջորդը։ Մասանոբուն աշխատել է սույբոկուգա ոճով՝ թղթի կամ մետաքսի վրա թանաքով նկարել, որը ստեղծվել է չինական ավանդական միագույն նկարչության հիման վրա, առանձնանում է գծանկարչությամբ և վրձնի բարձր արտահայտչությամբ։
Նա ստացել է նկարչի մասնագիտակա կրթություն բուդդայական ավանդական նկարչության բնագավառում, որը բնութագրվում է վառ գույներով։ Այնուամենայնիվ, չնայած այն բանին, որ Մասանոբուն ձեն- բուդդիստ վանական չէր, նրա աշխատանքը կապված է այն ժամանակվա ազդեցիկ բուդդայական Ձեն արվեստի հետ, քանի որ նրանք օգտագործում էին նույն՝ սույբոկուգա տեխնիկա։
Մասանոբուն մայրաքաղաք է ժամանել XV դարի կեսերին, նա առաջինն է, ով եկել է զինվորական դասից, որը դարձել է արհեստավարժ նկարիչ՝ առանց ձեն-բուդդիստական վանական դառնալու։ Սկզբում, թերևս նա աշխատել է որպես Տոսա Միցունոբուի օգնական, ով ղեկավարում էր Նկարչական ակադեմիան[8]։ Սյոգուն Ասիկագա Յոսիմասան նրան՝ որպես պալատական նկարչի ընդունելով հովանավորչության փոփոխությունների մասին վկայության հիմք է տվել։ Այդ հովանավորչությամբ անկախ պրոֆեսիոնալ արվեստագետներին հնարավորություն էր ընձեռնվում աշխատել բարձր պետական պաշտոններում[9]։
Մասանոբուի աշխատանքի մասին առաջին հիշատակումները սկսվել են 1463 թվականից, երբ նկարիչը դեռ 29 տարեկան էր, երբ նա Կիոտոյի ամենամեծ Սյոկոկուձի բուդդայական տաճարում աշխատելու պատվեր է ստացել։ Ավելի ուշ գրավոր աղբյուրները ցույց են տալիս, որ բուդդայական պատկերները շարունակում էին Մասանոբուի ստեղծագործության մի մասը կազմել նրա ստեղծագործական գործունեության ընթացքում։ Հետևաբար, նրան կարելի էր համարել «էբուսի» (絵 仏 - ebusshi)՝ բուդդայական նկարչության մեջ մասնագիտացած նկարիչ։
Ժառանգություն խմբագրել
Կանո Մասանոբուն համարվում է ճապոնական Կանո նկարչական դպրոցի հիմնադիրը, որը Էդոյի շրջանում (1603-1868 թվականներին՝ սկսած Իեյասու Տոկուգավայից) ամենաազդեցիկներից մեկն էր մինչև Մեյձիի հեղափոխությունը (1868) Կանո Մասանոբուի աշխատանքներից առավել հայտնիները, որոնք պահպանվել են մինչ մեր օրերը և վերագրվել Չժոու Մաոշուին (ճապ.՝ Սյու Մասյուկու), Հոտեյի պատկերն է՝ լոտոսի ծաղիկներով հիացող և թղթագլան մագաղաթը[10]։ Առաջին թղթագլանում պատկերված է հսկայական ափով լանդշաֆտ, որի երկայնքով՝ լոտոսների արանքով երկու մարդ նավակով լողում են։ Այս աշխատանքներն ամենահայտնիներն են և 15-րդ դարի Ճապոնիայում բնապատկերային և այլաբանական նկարչության համադրության օրինակներ են, որոնց ստեղծումը կապված է ձեն-բուդդիզմի հետ։
Մասանոբուի նկարչական պատվերների մեկ այլ տեսակ` բուդդայական մագաղաթներն են։ Նրանցից երկուսը պահպանվել են՝ Տրիադա Շակյամունին Կիոտոյի Դայտոկուձի տաճարում և բոդհիսատվա Մանջուշրիի կերպարը Գումայի Ժամանակակից արվեստի թանգարանում։ Մեկ այլ ժանր, որում աշխատում էր Մասանոբուն, դիմանկարն է։
Պահպանվել է Ասիկագա Յոսիհիսիի դիմանկարը։
Բուդդայական մագաղաթները, ինչպես նաև Կանո Մասանոբուի պահպանված դիմանկարը ապացուցում են, որ նկարիչը աշխատել է ոչ միայն միագույն թանաքով (կանգա), այլ նաև օգտագործել է գունավոր ներկեր և ոսկի (Յամատո-է)։ Նրա ոճի տարբերակիչ առանձնահատկությունն է դարձել սուիբոկուգի կենդանի, շարժական տեխնիկայով լեցուն մոնոքրոմ նկարչության և գունավոր ներկերի օգտագործման համադրությունը, որոնք օգտագործվել են բուդդայական մագաղաթների ստեղծման ժամանակ։
Ծանոթագրություններ խմբագրել
- ↑ 1,0 1,1 http://www.britannica.com/EBchecked/topic/311237/Kano-Masanobu
- ↑ 2,0 2,1 Union List of Artist Names
- ↑ 3,0 3,1 British Museum person-institution thesaurus
- ↑ Union List of Artist Names — 2018.
- ↑ Bridge of Dreams: the Mary Griggs Burke Collection of Japanese Art. a catalog from The Metropolitan Museum of Art Libraries. P. 148
- ↑ Quitman.E. Phillips. Kano Motonobu abd early Kano narrative painting. PhD diss., University of California. 1992. P.63.
- ↑ Quitman E. Phillips. The Practices of Painting in Japan, 1475—1500. 60 с.
- ↑ Quitman E. Phillips. Kano Motonobu … P.3
- ↑ Quitman E. Phillips. Kano Motonobu … P.40
- ↑ «e国宝 - 国立文化財機構所蔵 国宝・重要文化財». emuseum.nich.go.jp. Վերցված է 2020 թ․ դեկտեմբերի 7-ին.
Գրականության ցանկ խմբագրել
- Bridge of Dreams: the Mary Griggs Burke Collection of Japanese Art. a catalog from The Metropolitan Museum of Art Libraries.
- Quitman E. Philipps. Kano Motonobu and Early Kano Narrative Painting. PhD dissertation in History of Art, Berkeley: University of California, 1992.
- Quitman E. Philipps. The Practices of Painting in Japan, 1475-1500. California: Stanford University Press, 2000.
- Tanaka Ichimatsu. Japanese Ink Painting: Shobun to Sesshu. Weatherhill, 1980.
- Matsushita Takaaki. Ink Painting. Arts of Japan 7. (English and Japanese Edition). Tuttle Pub, 1974.
Արտաքին հղումներ խմբագրել
- «Front Cover». libmma.contentdm.oclc.org (անգլերեն). Վերցված է 2020 թ․ դեկտեմբերի 8-ին.
Վիքիպահեստն ունի նյութեր, որոնք վերաբերում են «Կանո Մասանոբու» հոդվածին։ |