Ծառա նապաստակ
«Ծառա նապաստակ», ռուսական տիկնիկային մուլտֆիլմ, ստեղծված 2007 թվականին՝ «Պիլոտ» ստուդիայում։
 | |
|---|---|
| Տեսակ | մուլտֆիլմ |
| Ժանր | ֆիլմ-հեքիաթ և հեքիաթ |
| Ռեժիսոր | Ելենա Չեռնովա |
| Սցենարիստ | Ալեքսանդր Տատարսկի և Էդուարդ Նազարով |
| Երկիր |  Ռուսաստան |
| Ընկերություն | Պիլոտ |
| Տևողություն | 800 վայրկյան |
| Թվական | 2007 |
Ռեժիսոր Ելենա Չերնովան այն ստեղծել է թաթարական ժողովրդական հեքիաթի հիման վրա։ Նմանատիպ սյուժե է հայտնաբերվել հույների, ղազախների, ղրիմի թաթարների և թուրքմենների բանահյուսության մեջ (թուրքմենների և ղազախների մոտ այն ընդգրկված է Ալդարկոսի մասին անեկդոտների և հեքիաթների շարքի մեջ, իսկ Ղրիմի թաթարների մոտ հեքիաթի Միխայիլ Բուլատովի վերապատմումի գլխավոր հերոսը Խոջա Նասրեդինն է)։
Մուլտֆիլմը «Ակնեղենի լեռ» ցիկլի մի մասն է։ Մուլտֆիլմի սկզբում «Մենք ապրում ենք Ռուսաստանում, քաղաք Կազանում» պլաստիլինային գլխազարդն է։ Պրեմիերան կայացել է 2007 թվականի հունիսի 20-ին, «Самоцветы ЖЖгут» երեկոյի ընթացքում[1]։
Սյուժե խմբագրել
Մի գյուղում, կամ գուցե քաղաքի ծայրամասում, Հաքիմն ապրում էր իր կնոջ՝ Ֆաթիմայի հետ։ Մի դժբախտ օր նրանց տունն այրվեց։ Հաքիմին միայն հաջողվեց փրկել ակորդեոնը։ Հաքիմը օգնության համար դիմեց իր հարուստ հարևաններին, բայց նրանք միայն ծիծաղեցին նրա վրա։ Այնուհետև Հաքիմը մտածեց այդ մասին և հրամայեց կնոջը իր համար նապաստակի զգեստ կարել։ Կինը շատ զարմացավ, բայց կարեց այն։ Հաքիմը հագնվեց, մտավ անտառ և երկու նապաստակ բռնեց։ Նրանց տուն բերեց և կնոջը պատվիրեց ճաշ պատրաստե ու, նաև հյուրերի մոտ ասել. «Ինչո՞ւ դուք այդքան ուշացաք, մեր ծառան վաղուց արդեն վազել է ու հրամանը փոխանցել» Հաքիմը մեկ նապաստակը դրեց այրված տան մեջ, իսկ մյուսը վերցրեց իր հետ և գնաց իր հարուստ հարևանների մոտ։ Հաքիմը նրանց հրավիրեց ճաշելու, և հարուստները ծիծաղեցին նայելով նրա նապաստակի զգեստներին։ Եվ նա ասաց․ «Սա իմաստուն կոստյում է ծառայող նապաստակ ունենալու համար։ Ուրեմն, իմ հավատարիմ ծառա, շտապեք և ասեք իմ կնոջը` ճաշի համար պատրաստել փլավ, բելյաշ և մեղրով թեյ»։ Եվ նա արձակեց նապաստակին, իսկ նա փախավ։ Հարևանները զարմացան և գնացին այցելելու Հաքիմին։ Նրանք եկան, և Ֆաթիման ասաց. «Ինչո՞ւ այդքան ուշացաք, սիրելի հյուրեր, ես երկար ժամանակ սպասում էի ձեզ։ Մեր ծառան եկավ վազելով և հրամանը փոխանցեց»։ Հաքիմը կնոջը ձեռքով արեց, նա գնաց սրահ ու սկսեց ակորդեոն նվագել։ Հյուրերը դիմեցին Հաքիմին՝ ծառա նապաստակին ցույց տալու համար։ Հաքիմը բացեց դուռը, և նապաստակը նստած էր ակորդեոնի մոտ, իսկ Ֆաթիման արդեն զբաղված էր սպասքով։ Հարուստ հյուրերը ուզում են ծառա նապաստակին և նապաստակի զգեստներ։ Ամենահարուստը մի պարկ ոսկի էլ չէր խնայում։ Հաքիմը համաձայնվեց։ Մեծահարուստը հագավ նապաստակի կոստյումը, ականջներից բռնեց նապաստակին և բղավեց. «Էյ, նապաստակ, հիմա դու իմ ծառան ես։ Ես ձեզ հրավիրում եմ խնջույքի։ Հե՜յ, նապաստակ, վազիր իմ տուն և կնոջս ասա, որ ճաշ պատրաստի»։ Նա նապաստակին բաց թողեց, և նա գնաց։ Նա ամենահարուստ հյուրերին բերեց իր տուն, բայց դրա մասին կինը ոչինչ չգիտեր։ Մեծահարուստը բղավում է Հաքիմին. «Դու ինձ խաբեցիր»։ Եվ Հաքիմն ասում է. «Դու խաբեցիր ինքդ քեզ։ Հիշե՛ք, դու հրաման տվեցիր նապաստակին, բայց չասացեիր, թե որտեղ ես ապրում։ Նապաստակը շատ նուրբ կենդանի է և դու սկսեցիր թափահարել նրան և բղավել»։ Բայը չգտավ, թե ինչպես վիճի Հաքիմի հետ և լռեց։ Եվ Հաքիմը գնաց տուն, գազարները վերցրեց և տարավ անտառ, հյուրասիրեց նապաստակներին։
Դերերը հնչյունավորել են խմբագրել
- Նայիլ Դունաև
- Էլմիրա Գալեևա
- Իլթազար Մուհամատգալիև
- Ռամիլ Վազիև
- Իրեկ Բագմանով
- Զելֆիրա Զարիպովա
- Ալեքսանդր Պոժարով
Մրցանակներ խմբագրել
- 2008 թվական՝ «Ոսկե արծիվ» մրցանակ՝ լավագույն անիմացիոն կինոնկարի համար, «Ակնեղենի լեռ»։ Մրցանակի դափնեկիրներն էին «Պիլոտ» ստուդիայի մի խումբ ռեժիսորներ՝ Ինգա Կորժնևա («Կրոշեչկա-Խավրոշեչկա»), Սերգեյ Մերինով («Կույգորոժ»), Ելենա Չերնովա («Ծառա նապաստակ»), Մարինա Կարպովա («Արջի պատմություններ»), Լեոն Էստրին ( «Չեպոգի»)[2].
Ծանոթագրություններ խմբագրել
Արտաքին հղումներ խմբագրել
- «Заяц-слуга» մուլտֆիլմը «Անիմատոր.ռու» կայքում
- «Заяц-слуга»(անգլ.) ֆիլմը Internet Movie Database կայքում
- Սերգեյ Կապկով «Драгоценные сказки» (Утро.ру)