Խոզաղբյուր (Էրզրում)

Անվան այլ կիրառումների համար տե՛ս՝ Խոզաղբյուր (այլ կիրառումներ)

Խոզաղբյուր, գյուղ Արևմտյան Հայաստանում, Էրզրումի վիլայեթի Սպեր գավառում։ Գտնվում էր Սպեր քաղաքից 42 կմ հարավ-արևմուտք, Ճորոխի աջակողմյան Խոզաղբյուր վտակի ափին։

Գյուղ
Խոզաղբյուր
Վարչական տարածք	Արևմտյան Հայաստան
Վիլայեթ	Էրզրումի վիլայեթԷրզրումի վիլայեթ
Գավառակ	Սպերի գավառակ
Այլ անվանումներ	Խոզախպուր, Պազ-Ակ-Պուն
Պաշտոնական լեզու	Հայերեն
Ազգային կազմ	Հայեր (մինչև Մեծ եղեռնը)
Կրոնական կազմ	Քրիստոնյա (մինչև Մեծ եղեռնը)
Ժամային գոտի	UTC+3
Խոզաղբյուր (Էրզրում) (Աշխարհ)

Անվան ստուգաբանություն

Անվանումը ստուգաբանվում է որպես խոզ և աղբյուր։

Պատմություն

1915 թվականի Մեծ եղեռնի ժամանակ հայերը տեղահանվել են և Բաբերդի մոտերքում գրեթե ամբողջովին ոչնչացվել։ Սակավաթիվ փրկվածները բնակություն են հաստատել Ուկրաինայում։

Բնակչություն

1873 թվականին ուներ 16 տուն հայ և 14 տուն թուրք, 1909 թվականին՝ 30 տուն հայ և 16 տուն թուրք բնակիչ։

Տնտեսություն

Զբաղվում էին երկրագործությամբ, անասնապահությամբ և մեղվաբուծությամբ։

Պատմամշակութային կառույցներ

Խոզաղբյուրն ուներ Ս. Աստվածածին անունով եկեղեցի և մի մատուռ։

Կրթություն

Գյուղում գործում էր ծխական դպրոց։

Աղբյուրներ

• «Հայաստանի և հարակից շրջանների տեղանունների բառարան» (5 հատորով), 1986-2001 թթ., Երևանի Համալսարանի հրատարակչություն
• Արեւմտահայաստանի եւ Արեւմտահայութեան Հարցերու Ուսումնասիրութեան Կեդրոն

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 5, էջ 66)։