Խնձորյանի ոսկեբզեզ
Խնձորյանի ոսկեբզեզ | ||||||||
---|---|---|---|---|---|---|---|---|
Գիտական դասակարգում | ||||||||
|
||||||||
Լատիներեն անվանում | ||||||||
Sphenoptera khnzoriani
|
Խնձորյանի ոսկեբզեզ (լատին․՝ Sphenoptera khnzoriani), ոսկեբզեզների ընտանիքին պատկանող միջատ, որը գրանցված է Հայաստանի Հանրապետության Կարմիր գրքում։
Նկարագրություն
խմբագրելՈւռուցիկ, լայն ձվաձև, դեպի հետ կտրուկ նեղացող մարմնով և 17 մմ երկարությամբ միջին մեծության բզեզ է։ Թույլ պղնձակարմրավուն շողշողյունով ծածկույթները փայլուն են և բրոնզագույն[1]։
Տարածվածություն
խմբագրելՀայաստանի էնդեմիկ է։ Հայտնի է միայն Վեդի քաղաքի շրջակայքից (Գոռավանի ավազուտներ)[1]։
Էկոլոգիա
խմբագրելՀավաքվել է ավազոտ անապատի, աղուտաբույսերի և օշինդրի գերակայությամբ հարակից քարքարոտ կիսաանապատի սահմանաեզրին։
Կենսաբանական առանձնահատկությունները հայտնի չեն։ Տիպային նմուշը հայտնաբերվել է հուլիսի վերջին[1]։
Պահպանություն
խմբագրելԽիստ սահմանափակ արեալով հազվագյուտ տեսակ է։ Բնության պահպանության միջազգային միության Կարմիր ցուցակում գրանցված է որպես վտանգված տեսակ։
Թվաքանակը և դրա փոփոխության միտումները պարզված չեն։ Հայտնի է մեկ նմուշ։
Վտանգ է հանդիսանում անասունների արածեցմամբ և մարդու տնտեսական գործունեությամբ պայմանավորված էկոհամակարգերի դեգրադացումը։
Պահպանվում է «Գոռավանի ավազուտներ» պետական արգելավայրում[1]։
Ծանոթագրություններ
խմբագրել- ↑ 1,0 1,1 1,2 1,3 Հայաստանի Կարմիր գիրք. Երևան: Հայաստանի բնապահպանության նախարարություն. 2010. ISBN 978-99941-2-420-6.