Խաչատուր Բեզիրջյան
հայ քաղաքական գործիչ
Խաչատուր Օնիկի Բեզիրջյան (դեկտեմբերի 6, 1950, Երևան, Հայկական ԽՍՀ, ԽՍՀՄ), հայ ֆիզիկոս, քաղաքական, պետական գործիչ, կենսաբանական գիտությունների թեկնածու։
| Խաչատուր Բեզիրջյան | |
|---|---|
 | |
| Ծնվել է | դեկտեմբերի 6, 1950 (73 տարեկան) |
| Ծննդավայր | Երևան, Հայկական ԽՍՀ, ԽՍՀՄ |
| Քաղաքացիություն |  Հայաստան |
| Ազգություն | հայ |
| Կրթություն | Երևանի պետական համալսարան |
| Գիտական աստիճան | Կենսաբանական գիտությունների թեկնածու |
| Մասնագիտություն | քաղաքական գործիչ և ֆիզիկոս |
| Աշխատավայր | ՊԿԱ, Հայաստանի Կենտրոնական ընտրական հանձնաժողով, Հայաստանի Ազգային ժողովի պատգամավոր, Հայաստանի պետական տնտեսագիտական համալսարան և Հայաստանի քաղաքացիական ծառայության խորհուրդ |
| Զբաղեցրած պաշտոններ | Հայաստանի Ազգային ժողովի պատգամավոր |
| Երեխաներ | Սիրվարդ Բեզիրջյան Գուրգեն Բեզիրջյան |
Կենսագրություն
խմբագրելԽաչատուր Բեզիրջյանը ծնվել է 1950 թվականին Երևանում։ 1958-1968 թվականներին սովորել է Երևանի Վ. Բելինսկու անվան № 38 հանրակրթական դպրոցում, 1968-1974 թվականներին՝ Երևանի պետական համալսարանի ֆիզիկայի ֆակուլտետում, ստացել է ֆիզիկոսի որակավորում, 1978-1980 թվականներին՝ ՀԽՍՀ Գիտությունների ակադեմիայի Փորձառական կենսաբանության ինստիտուտի ասպիրանտուրայում «Մոլեկուլային կենսաբանության» մասնագիտության գծով, ստացել է կենսաբանական գիտությունների թեկնածուի գիտական աստիճան[1]։
- 1974-1976 թվականներին ծառայել է խորհրդային բանակում (կապավոր սպա)
- 1977-1987 թվականներին ԳԱԱ փորձարարական կենսաբանության ինստիտուտում եղել է ավագ լաբորանտ, ասպիրանտ, կրտսեր գիտաշխատող
- 1987-1991 թվականներին` ամինաթթուների գիտահետազոտական ինստիտուտում լաբորատորիայի վարիչ
- 1994-2002 թվականներին` Կառավարման դպրոցի տնօրեն
- 1995-1999 թվականներին՝ Եվրոպայում անվտանգության և համագործակցության կազմակերպության Պառլամենտական վեհաժողովի (ԵԱՀԿ ՊՎ) Ժողովրդավարության, մարդու իրավունքների և հումանիտար հարցերի ընդհանուր հանձնաժողովի անդամ, Հայ-բրիտանական խորհրդարանական խմբի նախագահ
- 1996-1999 թվականներին՝ ՀՀ Կենտրոնական ընտրական հանձնաժողովի նախագահ
- 1996-1999 ՀՀ Ազգային ժողովի 1-ին գումարման պատգամավոր, ՀՀ Ազգային ժողովի Արտաքին հարաբերությունների մշտական հանձնաժողովի անդամ
- 1999-2002 թվականներին՝ ՀՀ հանրային ծառայությունների բարեփոխումների հանձնաժողովի անդամ
- 2002-2005 թվականներին՝ Երևանի պետական տնտեսագիտական ինստիտուտի դոցենտ
- 2003-2006 թվականներին՝ ՀՀ քաղաքացիական ծառայության խորհրդի նախագահի խորհրդական
- 2006-2016 թվականներին՝ ՀՀ պետական կառավարման ակադեմիայի ուսումնական աշխատանքների գծով պրոռեկտոր
- 2016 թվականից՝ ՀՀ պետական կառավարման ակադեմիայի Լրացուցիչ և շարունակական կրթության գծով պրոռեկտոր
Ծանոթագրություններ
խմբագրելԱրտաքին հղումներ
խմբագրել- Խաչատուր Բեզիրջյան Արխիվացված 2017-05-29 Wayback Machine