Լուիզա Բուրգուեն
Լուիզա Բուրգուեն (ֆր.՝ Louise Bourgoin, իրական անունը Արիան Բուրգուեն (Ariane Bourgoin), ծնվել է 1981 թվականի նոյեմբերի 28-ին Վան քաղաքում` Ֆրանսիա) ֆրանսիացի դերասանուհի, մոդել և հեռուստահաղորդավարուհի ֆրանսիական հեռուստատեսությունում։
 | |
|---|---|
 | |
| Ծնվել է | նոյեմբերի 28, 1981[1][2] (42 տարեկան) |
| Ծննդավայր | Վան[3] |
| Կրթություն | Փարիզի Գեղեցիկ արվեստների ազգային բարձրագույն դպրոց |
| Քաղաքացիություն | .svg){kind=small} Ֆրանսիա |
| Մասնագիտություն | դերասանուհի, մոդել, հեռուստահաղորդավարուհի և կինոդերասանուհի |
| Ամուսին(ներ) | Tepr?[4] և Julien Doré?[5][6][7] |
| Պարգևներ և մրցանակներ |  |
Մանկություն և պատանեկություն խմբագրել
Արիան Բուրգուենը ծնվել է 1981 թվականի նոյեմբերի 28-ին Ֆրանսիայի Վան քաղաքում։ Նրա հայրը եղել է փիլիսոփայության դասախոս Վան քաղաքում, իսկ մայրը` հոգեբույժ։ Ծնողները բաժանվել են, երբ նա փոքր էր։ Նրա ծնողները ցանկանում էին, որ իրենց աղջիկն ունենա հիմնական մասնագիտություն։ Դրա համար նրանք աջակցեցին Լուիզային ընդունվելու Գեղարվեստի դպրոց Ռենեում և ստանալ կիրառական արվեստի դասավանդողի մասնագիտություն, քանի որ Լուիզան մանկուց հետաքրքրվում էր նկարչությամբ։ Այդ ընթացքում նա սկսում է աշխատել որպես մոդել և համագործակցում է հայտնի լուսանկարիչ Յանա Սանդերսոնի (Ian Sanderson) հետ։
Հաղորդավարի կարիերան խմբագրել
2004 թվականին Լուիզա Բուրգուենը դառնում է «Kawaï!» հաղորդման հաղորդավարներից մեկը «Girls TV» հեռուստաալիքով, որտեղ նա գրում ու ներկայացնում էր իր տեսակետները։ Երկու տարի անց նա տեղափոխվում է «Direct 8» հեռուստաալիք։ Միաժամանակ հաղորդավար Մարկ Լակոմբոմի հետ նա պատրաստում էր փորձնական հաղորդագրություններ` «PLAYSTATION TV» հեռուստաալիքի համար։
2006-2008 թթ. հունիսին Լուիզան «Canal+» հեռուստաալիքով վարում է «Le Grand Journal» եղանակի տեսությունը, որի գլխավոր հաղորդավարը ղեկավար, լրագրող և պրոդյուսեր Միշել Դենիսոտն է (Michel Denisot): Արիան Մասսենետի հետ նույնացվելուց խուսափելու համար իր անունը դարձնում է Սալոմե, իսկ հետո վերցնում է Լուիզա Բուրգուեն կեղծանունը։ Իր ընտրությունը նա մեկնաբանում է որպես համակրանք նկարչուհի Լուիզա Բուրժուայի գործերի նկատմամբ։ 2008 թվականի սեպտեմբերից նա յուրաքանչյուր ուրբաթ վարում էր «Le Grand Journal» հաղորդումը «Lu à la télé» խորագրով, որտեղ նա ներկայացնում էր շատ ընթերցված գրքեր։
Արտիստի կարիերան խմբագրել
2008 թվականին Լուիզա Բուրգուենը խաղաց իր առաջին դերը <<Աղջիկը Մոնակոյից>> ֆիլմում[8], որի ռեժիսորը Աննա Ֆոնտեն(Ann Fonten) է, որը ցուցադրվել է 2008 թվականի օգոստոսի 20-ին։ Ռեժիսորը փնտրում էր <<դեռատի մի աղջկա` ազատ և անկաշկանդ>>։ Այդ ֆիլմում Լուիզան կատարում էր եղանակի տեսության հաղորդավարի դեր` Ֆաբրիս Լուկինիի հետ միասին։ 2010 թվականին նա գլխավոր դերում խաղում է Ադել Բլան-Սեկ-ի կերպարը` «Ադելի անօրինակ արկածները» ֆիլմում` ռեժիսոր և սցենարի հեղինակ Լյուկ Բեսոն։ 2013 թվականին Լուիզան նկարահանվում է Գիոմա Նիկլուի <<Միանձնուհի>> ֆիլմում, որը ընդգրկվեց Բեռլինյան 63-րդ միջազգային կինոփառատոնի հիմնական ծրագրում։
Անձնական կյանք խմբագրել
Լուիզան հանդիպում է երաժիշտ Թերփի հետ։ Նրանք ունեն մեկ որդի` Էթենը (ծնվ. 07.04.2016)
Ծանոթագրություններ խմբագրել
- ↑ filmportal.de — 2005.
- ↑ Discogs — 2000.
- ↑ Deutsche Nationalbibliothek Record #142361003 // Gemeinsame Normdatei (գերմ.) — 2012—2016.
- ↑ Louise Bourgoin enceinte et rayonnante sur tapis rouge ! (9 PHOTOS) — 2016.
- ↑ Louise Bourgoin and Julien Doré
- ↑ Louise Bourgoin : pourquoi son couple avec Julien Doré n’a pas fonctionné ?
- ↑ Julien Doré : sa relation avec Louise Bourgoin lui laisse un gros regret - Voici
- ↑ «Արխիվացված պատճենը». Արխիվացված է օրիգինալից 2020 թ․ օգոստոսի 15-ին. Վերցված է 2021 թ․ օգոստոսի 11-ին.
 | Վիքիպահեստն ունի նյութեր, որոնք վերաբերում են «Լուիզա Բուրգուեն» հոդվածին։ |