Լորետա Հայրապետյան

իրանահայ դերասանուհի

Լորետա Հայրապետյան (1911, Թեհրան, Իրան - մարտի 29, 1998(1998-03-29), Վիեննա, Ավստրիա), թատրոնի իրանահայ դերասանուհի[1]։

Լորետա Հայրապետյան
պարս.՝ لرتا هايراپتيان تبريزى
Ծնվել է1911
ԾննդավայրԹեհրան, Իրան
Մահացել էմարտի 29, 1998(1998-03-29)
Մահվան վայրՎիեննա, Ավստրիա
ԿրթությունՄԳԱԹ-ի դպրոց-ստուդիա
Քաղաքացիություն Իրան
Մասնագիտությունդերասանուհի
Ամուսին(ներ)Աբդոլհոսեյն Նուշին

Աբդոլհոսեյն Նուշինի կինը։

Կենսագրություն խմբագրել

Լորետա Հայրապետյանը ծնվել է 1911 թվականին Թեհրանում։ Ավարտել է Մոսկվայի պետական համալսարանի թատերական ֆակուլտետը։ Թատրոնում հանդես է եկել 1935 թվականին «Օթելլո» ներկայացմամբ։ 15 տարեկան հասակում խաղացել է Սաթենիկ Աղաբաբյանի բեմադրած ներկայացման մեջ։ Պրոֆեսիոնալ դերասանական գործունեությունը սկսել է Հայկ Գարագաշի օգնությամբ։ Մահմուդ Զահերեդդինի թատերախմբում խաղացել է մի շարք ներկայացումներում[2]։

1952 թվականին Հայրապետյանը մեկնել է Ֆրանսիա, ապա` Մոսկվա, 1962 թվականին վերադարձել է Իրան, «Քյասրաի» թատրոնում բեմադրել է և հանդես է եկել «Անմեղ մեղավորներ», «Գիշերային արկած», «Կատուն շիկացած տանիքում» պիեսներում[2]։

Լորետա Հայրապետյանի թատերական գործունեության 50-ամյա տարելիցին Թեհրանում բացվել է «Խաչմերուկ» թատերասրահը։

1983 թվականին Հայրապետյանը մեկնել է Վիեննա, որտեղ էլ մահացել է 1998 թվականին[2]։

Ներկայացումներ խմբագրել

  • «Ամուսնություն իտալական ձևով»
  • «Էդիպ արքան»
  • «Էժենի Գրանդե»
  • «Տիկին Վայնդերմիրի հովհարը»
  • «Կապույտ թռչուն»
  • «Մետաքսյա շապիկ»
  • «Վենետիկցի վաճառականը»
  • «Տոպազ»
  • «Գազի ճրագ»
  • «Երկու դահլիճ»
  • «Վոշմգիրի ճակատագիրը»
  • «Կարմիր շինելով»
  • «Անմեղ մեղավորներ»
  • «Վելպեն»
  • «Սերն ու պատահականությունը»
  • «Հարցաքննող մարդիկ»

Ֆիլմեր խմբագրել

  • «Մահապատժի գիշեր»
  • «Այրող զգացում»
  • «Ժխոր»
  • «Երջանկաբեր բազեն»
  • «Դիվային ձորի գաղտնիքները»
  • «Ազնվականների հետ»

Հեռուստասերիալ խմբագրել

  • «Խոսրով Միրզա 2-րդ», 1977

Ծանոթագրություններ խմբագրել

  1. «Իրանում 100 առաջատար կանանցից 12-ը ազգությամբ հայ են. BBC». www.civilnet.am. Վերցված է 2017 թ․ հունիսի 17-ին.
  2. 2,0 2,1 2,2 Իրանահայոց հանրագիտարան։ Կազմող` Ժանետ Տ. Լազարյան։ Երևան, «ՎՄՎ-Պրինտ, 2012