Լոռու մարզի ընդհանուր իրավասության դատարան
Լոռու մարզի ընդհանուր իրավասության դատարան, Հայաստանի Հանրապետության դատական համակարգի մաս կազմող ընդհանուր իրավասության դատարան, որին ընդդատյա են քրեական և քաղաքացիական բոլոր գործերը, ինչպես նաև ընտրացուցակների ճշգրտման վերաբերյալ գործերը։ Դատարանի իրավասության ներքո է Հայաստանի Լոռու մարզը[1]։
Լոռու մարզի ընդհանուր իրավասության դատարան | |
---|---|
Երկիր | Հայաստան |
Տեղագրություն | ք. Վանաձոր, Մխիթար Գոշի, 6, ք. Ալավերդի, Թումանյան, 8, |
Կոորդինատներ | 40°48′37″ հս․. լ. 44°29′25″ ավ. ե.HGЯO |
Իրավազորության աղբյուր | Հայաստանի Սահմանադրություն |
Կայք | Պաշտոնական էջ |
Դատարանի նախագահ | |
Ընթացիկ | Մուշեղ Պապիկի Հարությունյան[1] |
Սկսած | 2014 թվականի հոկտեմբերի 25-ից[1] |
Իրավասություն
խմբագրելԴատարանին ընդդատյա են քրեական և քաղաքացիական բոլոր գործերը, ինչպես նաև ընտրացուցակների ճշգրտման վերաբերյալ գործերը։ Լոռու մարզի ընդհանուր իրավասության դատարանը վերահսկողություն է իրականացնում մինչդատական վարույթի նկատմամբ (այդ թվում՝ լուծում է կալանքը՝ որպես խափանման միջոց ընտրելու, բնակարանում խուզարկությունը թույլատրելու հետ կապված հարցերը), ինչպես նաև ըստ էության քննում է քրեական դատավարության օրենսդրությամբ նախատեսված այլ գործեր[1]։
Դատավորներ
խմբագրելԼոռու մարզի ընդհանուր իրավասության դատարանը կազմված է դատարանի նախագահից և ինը դատավորից[2].
- Մուշեղ Պապիկի Հարությունյան, դատարանի նախագահ,
- Վարդուհի Սուրիկի Հովնանյան, դատավոր,
- Բորիկ Մկրտչի Գրիգորյան, դատավոր,
- Սուրեն Ժորայի Բաղդասարյան, դատավոր,
- Գուրգեն Սողոմոնի Գագիկյան, դատավոր,
- Աղասի Արշակի Մկոյան, դատավոր,
- Արթուր Լյուդվիգի Աթաբեկյան, դատավոր,
- Գնել Ժորայի Զաքարյան, դատավոր,
- Լուսինե Լևոնի Աբգարյան, դատավոր,
- Սուսաննա Վասիլի Գզոգյան, դատավոր։
Կաշառակերության դեպքեր
խմբագրել2014 թվականի դեկտեմբերի 26-ին ժամը 02.35-ին Լոռու մարզի ընդհանուր իրավասության դատարան դատավոր Խաչատուր Խաչատրյանն իր իսկ աշխատասենյակում ձերբակալվել է ՀՀ ԱԱԾ աշխատակիցների կողմից՝ «Զոսեկար» ՍՊԸ տնօրեն Սեյրան Կարապետյանից 20000 ԱՄՆ դոլարի չափով կաշառք ստանալու պահին։ Կաշառքը պահանջվել է ընկերությունը սնանկ ճանաչելուց հետո գրավադրված գույքի աճուրդով վաճառքի ժամկետը երկարաձգելու և իր համար շահեկան տարբերակով դրանք ձեռք բերելու հնարավորություն ստանալու համար։ Դեկտեմբերի 26-ին ՀՀ գլխավոր դատախազ Գևորգ Կոստանյանի միջնորդության հիման վրա ՀՀ Արդարադատության խորհուրդը որոշեց առաջարկել Հանրապետության Նախագահին համաձայնություն տալ Հայաստանի Լոռու մարզի ընդհանուր իրավասության առաջին ատյանի դատարանի դատավոր Խաչատուր Խաչատրյանին որպես մեղադրյալ ներգրավելու և կալանավորելու մասին։
2014 թվականի դեկտեմբերի 27-ին ՀՀ Նախագահ Սերժ Սարգսյանը մերժեց Արդարադատության խորհրդի առաջարկությունը։ Նույն օրը Հայաստանի գլխավոր դատախազը նոր միջնորդություն ներկայացրեց Արդարադատության խորհուրդ՝ նշելով նոր հանգամանքներ։ Արդարադատության խորհուրդը միջնորդությունը բավարարեց, իսկ դեկտեմբերի 28-ին Հայաստանի Նախագահը ընդունեց առաջարկությունը դատավորին կալանավորելու վերաբերյալ։
Նստավայրեր
խմբագրելԼոռու մարզի ընդհանուր իրավասության դատարանը ունի հինգ նստավայր հետևյալ հասցեներով[1].
- Հայաստան, Լոռու մարզ, ք. Վանաձոր, Մխիթար Գոշի, 6,
- Հայաստան, Լոռու մարզ, ք. Ալավերդի, Թումանյան, 8,
- Հայաստան, Լոռու մարզ, ք. Տաշիր, Ջահուկյան, 19,
- Հայաստան, Լոռու մարզ, ք. Սպիտակ, Ալեք Մանուկյան 2 նրբ., 10,
- Հայաստան, Լոռու մարզ, ք. Ստեփանավան, Սուրբ Վարդանի, 53։
Ծանոթագրություններ
խմբագրել- ↑ 1,0 1,1 1,2 1,3 1,4 1,5 «Լոռու մարզի ընդհանուր իրավասության դատարան». Արխիվացված է օրիգինալից 2017 թ․ ապրիլի 22-ին. Վերցված է 2017 թ․ ապրիլի 22-ին.
- ↑ «Լոռու մարզի ընդհանուր իրավասության դատարանի դատավորները». Արխիվացված է օրիգինալից 2017 թ․ ապրիլի 22-ին. Վերցված է 2017 թ․ ապրիլի 22-ին.