Լիլիթ Մանարյան
Լիլիթ Քրիստի Մանարյան (օգոստոսի 23, 1992), հայ ֆլեյտահար, նկարիչ[1], երգահան, դրամատուրգ, սցենարիստ Քրիստ Մանարյանի դուստրը[2]։
| Լիլիթ Մանարյան | |
|---|---|
| Ծնվել է | օգոստոսի 23, 1992 (31 տարեկան) |
| Քաղաքացիություն |  Հայաստան |
| Կրթություն | Խաչիկ Դաշտենցի անվան թիվ 114 ավագ դպրոց և Երևանի Կոմիտասի անվան պետական կոնսերվատորիա |
| Մասնագիտություն | նկարչուհի և ֆլեյտահար |
| Ծնողներ | հայր՝ Քրիստ Մանարյան |
Կենսագրություն խմբագրել
Լիլիթ Մանարյանը ծնվել է 1992 թվականի օգոստոսի 23-ին, Երևան քաղաքում[3]։ Միջնակարգ կրթությունը ստացել է Երևանի Խաչիկ Դաշտենցի անվան թիվ 114 դպրոցում, որն ավարտել է 2009 թվականին։ 2003-2008 թվականներին ֆլեյտայի դասընթացներ է անցել Երևանի Ալեքսանդր Սպենդիարյանի անվան երաժշտական մասնագիտական դպրոցում։ Մոսկվայի «Սովրեմեննիկ» թատրոնի բեմում «ClassAct» ծրագրի շրջանակներում և Ռուսաստանի Դաշնության ժողովրդական արտիստ Գալինա Ոլչեկի ղեկավարությամբ 2007 թվականին Լիլիթի առաջին «Ռեստարտ» պիեսը։
Որպես մանկավարժ, տիկնիկավար, հաղորդավար և ռեժիսոր 2008 թվականից աշխատանքի է անցել «Ագուլիս» տիկնիկային թատրոն-ստուդիայում։
2009-2015 թվականներին սովորել և ավարտել է Երևանի Կոմիտասի անվան պետական կոնսերվատորիայի մագիստրատուրան։ 2009 թվականից նվագել է Կոստանտին Սարաջևի անվան երաժշտական դպրոցի ուսանողական նվագախմբում։ 2010 թվականին արժանացել է «Վերածնունդ» միջազգային մրցույթի դափնեկրի։ 2011 թվականին Գերմանիայում մասնակցել է երաժշտական «Aeolus Bläserwettbewerb» միջազգային մրցույթին։ Նույն թվականից հանդիսանում է Հայաստանում Պատկերապատման զարգացման միության (APBDA) անդամ, ֆրանսիացի նկարիչների ղեկավարությամբ անցել է մասնագիտական վերապատրաստում, «Լավագույն պատկերապատում» անվանակարգում արժանացել է Հայաստանում Պատկերապատման միջազգային փառատոնի 1-ին մրցանակին։
Ներկայացրել է Հայաստանը 2012 թվականին Ֆրանսիայի Անգուլեմ քազաքում կայացած Պատկերապատման ամենամյա համաեվրոպական փառատոնի ցուցահանդեսին։ Առաջին հեղինակային «Սոլո» կարճամետրաժ կինոնկարը նկարահանել է իր առաջին հեղինակային «Սոլո» կարճամետրաժ կինոնկարը, որտեղ հանդես է եկել որպես սցենարիստ, ռեժիսոր և գլխավոր դերակատար։ Կինոնկարը մասնակցել է «Հայակ», «Կին» և «ՆՕՖԻ» փառատոներին։
2012 թվականից հաճախել է «Ոսկե ծիրան» կինոփառատոնի կինոդպրոց։ Եղել է Քրիստ Մանարյանի հեղինակային «Մուլտի-պուլտի այբուբեն» մանկական երաժշտական 39 մուլտֆիլմերի և հեղինակային «Ինչ դառնամ, երբ մեծանամ» երաժշտական անիմացիոն շարքի 10 մուլտֆիլմերի նկարիչը։ 2014 թվականին համերգներով ելույթ է ունեցել Գրիգոր Առաքելյանի անսամբլի կազմում։
«Այբ» ավագ դպրոցում աշխատել է տիկնիկային թատրոն հեղինակային առարկայի ուսուցչուհի և աշակերտների հետ պատրաստել է մի քանի բեմադրություն։ 2015 թվականին Հայաստանի նկարիչների միությունում տեղի է ունեցել իր առաջին ցուցահանդեսը՝ «Լիլիթը և երազները» խորագրով։ Նույն թվականի դեկտեմբերին կայացել է ստեղծվել է նրա և Միքայել Սաղաթելյան-Հերունու «The Quest» ռոք-խումբը, որի առաջին համերգը։
2015 թվականից աշխատանքի է անցել Հայաստանի զինված ուժերի գլխավոր շտաբի նվագախմբում՝ որպես ավագ երաժիշտ։ Մասնակցել է հայաստանյան փառատոներին և համերգներին, կատարել ժամանակակից հայ կոմպոզիտորներ Ռուբեն Սարգսյանի, Գեղունի Չթչյանի, Արամ Հովհաննիսյանի, Տիգրան Բաբայանի, Աննա Հակոբջանյանի, Տիգրան Ասլանյանի, Լիա Ղազարյանի, Արշակ Անդրիասովի երաժշտությունները։
Ծանոթագրություններ խմբագրել
- ↑ «AV Production - Lilit Manaryan». avproduction.am. Արխիվացված է օրիգինալից 2021 թ․ օգոստոսի 23-ին. Վերցված է 2021 թ․ օգոստոսի 23-ին.
- ↑ Առավոտ լուսո հարցազրույց. Քրիստ Մանարյան, Լիլիթ Մանարյան, Վերցված է 2021-08-23-ին
- ↑ «AV Production - Լիլիթ Մանարյան». avproduction.am. Արխիվացված է օրիգինալից 2021 թ․ օգոստոսի 23-ին. Վերցված է 2021 թ․ օգոստոսի 23-ին.