Վիքիպեդիա

Լիլիթ Արզումանյան

հայ գրականագետ, արձակագիր, գրող
Վիքիպեդիայում կան հոդվածներ Արզումանյան ազգանունով այլ մարդկանց մասին։

Լիլիթ Սևակի Արզումանյան (մարտի 5, 1957(1957-03-05), Երևան, Հայկական ԽՍՀ, ԽՍՀՄ), հայ գրականագետ, արձակագիր, բանասիրական գիտությունների դոկտոր, Հայաստանի գրողների միության (2001) և Հայաստանի թատերական գործիչների միության (2005) անդամ։

Լիլիթ Արզումանյան
Ծնվել էմարտի 5, 1957(1957-03-05) (67 տարեկան)
ԾննդավայրԵրևան, Հայկական ԽՍՀ, ԽՍՀՄ
Մասնագիտությունգրականագետ և արձակագիր
Քաղաքացիություն ԽՍՀՄ և  Հայաստան
ԿրթությունԵՊՀ հայ բանասիրության ֆակուլտետ
Գիտական աստիճանբանասիրական գիտությունների դոկտոր (2001)
ԱնդամակցությունՀԳՄ և Հայաստանի թատերական գործիչների միություն
ԱշխատավայրԵրևանի պետական համալսարան, Հայկական սովետական հանրագիտարան, Հայաստանի Հանրային Հեռուստաընկերություն և Երևանի թատրոնի և կինոյի պետական ինստիտուտ
Պարգևներ
Երախտագիտության մեդալ
Լիլիթ Արզումանյան Վիքիդարանում

Կենսագրություն խմբագրել

Ծնվել է 1957 թվականի մարտի 5-ին, Երևանում։ Ավարտել է ԵՊՀ բանասիրական ֆակուլտետը։ 1979-1990 թվականներին աշխատել է ԵՊՀ հրատարակչությունում, 1991-1993 թվականներին՝ Հայաստանի հանրագիտարանում։ 1990-1992 թվականներին, աշխատանքին զուգահեռ, եղել է հեռուստատեսության Առաջին ալիքի «Թատերական հյուրասենյակ» հաղորդաշարի հեղինակ և վարող, 2002-2009 թվականներին՝ «ԱրմենԱկոբ» հեռուստատեսության «Մեր թատրոնը», ապա՝ «Մշակույթ» հաղորդաշարերի հեղինակ և վարող։ 1988 թվականին պաշտպանել է թեկնածուական ատենախոսություն «Արևելքը հայ արձակում» թեմայով և ստացել գիտությունների թեկնածուի գիտական աստիճան, 2001 թվականին պաշտպանել է դոկտորական` «Պարույր Սևակի պոեմները» թեմայով և ստացել գիտությունների դոկտորի գիտական աստիճան։ 1993 թվականից եղել է Հայաստանի Հանրապետության բարձրագույն որակավորման հանձնաժողովի նախագահի տեղակալ, 2013-2018 թվականներին` Հանձնաժողովի նախագահ[1]։ 2018 թվականին նշանակվել է Երևանի թատրոնի և կինոյի պետական ինստիտուտի ռեկտորի պաշտոնակատար[2][3]։

Ստեղծագործություններ խմբագրել

Հեղինակ է 80-ից ավելի գրականագիտական և հրապարակախոսական հոդվածների և 3 ոչ խաղարկային ֆիլմի («Ճանապարհորդություն Արաքսից այն կողմ», «Կիլիկիա», «Ազատ, անկախ…»)։ Հեղինակ է 6 գրքի[4]։

Երկեր խմբագրել

  • Գրառումներ աբսուրդի երկրից, Երևան, 2012:
  • Բարև, փոքրիկ, Երևան, 2006:
  • Իմ աշունը, Երևան, 2004[5]:
  • Պարույր Սևակի պոեմները, Երևան, 2001[6]:
  • Կանթեղ։ Գիտական հոդվածների ժողովածու։ Ասողիկ, 2001[7]։
  • Արևելքը հայ արձակում, Երևան, 1998[8]:

Պարգևներ խմբագրել

Ծանոթագրություններ խմբագրել

  1. ↑ «Լիլիթ Արզումանյան. «e-gov.am-ից եմ տեղեկացել իմ ազատման մասին»».
  2. ↑ «Երեվանի Թատրոնի եվ Կինոյի Պետական Ինստիտուտ». www.ysitc.am. Արխիվացված է օրիգինալից 2018 թ․ դեկտեմբերի 11-ին. Վերցված է 2019 թ․ մարտի 5-ին.
  3. ↑ LLC, Helix Consulting. «Լիլիթ Արզումանյանը նշանակվել է Երևանի թատրոնի և կինոյի պետական ինստիտուտի ռեկտորի ժամանակավոր պաշտոնակատար - Այսօր` թարմ լուրեր Հայաստանից». www.aysor.am (անգլերեն). Վերցված է 2019 թ․ մարտի 5-ին.
  4. ↑ «AV Production - Լիլիթ Արզումանյան». avproduction.am. Արխիվացված է օրիգինալից 2016 թ․ ապրիլի 26-ին. Վերցված է 2019 թ․ մարտի 5-ին.
  5. ↑ Արզումանյան, Լիլիթ (2002). Իմ աշունը։ Թող հնդիկներն ինձ ներեն. Ասողիկ. ISBN 9789993074656.
  6. ↑ Արզումանյան, Լիլիթ Սեւակի (2001). Պարույր Սեւակի պոեմները. Նաիրի.
  7. ↑ Արզումանյան, Լիլիթ Սեւակի (2001). Կանթեղ: Գիտական հոդվածների ժողովածու. Ասողիկ. ISBN 9789994143986.
  8. ↑ Արզումանյան, Լիլիթ Սեւակի (1998). Արեւելքը հայ արձակում։ (40-60-ական թվականներ). Ա. հ.
  9. ↑ «ՀՀ Նախագահի հրամանագրերը - Փաստաթղթեր - Հայաստանի Հանրապետության Նախագահ». նախագահ.հայ. Վերցված է 2017 թ․ դեկտեմբերի 31-ին.

Աղբյուրներ խմբագրել

  • Հայկ Խաչատրյան (1986). Գրական տեղեկատու. Երևան: «Սովետական գրող».
 Վիքիդարանն ունի նյութեր, որոնք վերաբերում են «Լիլիթ Արզումանյան» հոդվածին։
Ստացված է «https://hy.wikipedia.org/w/index.php?title=Լիլիթ_Արզումանյան&oldid=9421699» էջից