Լենա (գետ)
Անվան այլ կիրառումների համար տե՛ս՝ Լենա (այլ կիրառումներ)
Լենա (յակուտ.՝ Өлүөнэ), գետ Ռուսաստանում (Յակուտիա, Իրկուտսկի մարզ)։
Անվանում Խմբագրել
Տեղացիներին հայտնի է այլ անվանումներով․ էվենկներն այն անվանում են Ելյույոնե, յակուտները՝ Օրյուս, բուրյաթները՝ Զուլհե։
Լենա անվանումն առաջացել է Ելյույոնեից, որն ուղղակի նշանակում է «մեծ գետ»[1]։
Աշխարհագրություն Խմբագրել
Լենա գետը սկիզբ է առնում Բայկալի լեռնաշղթայից և թափվում է Լապտևների ծով։ Գետը պատկանում է Լապտևների ծովի ավազանին։ Ակունքը ծովի մակարդակից գտնվում է 1650 մ բարձրության վրա։ Գետի ափին են գտնվում Ուստ-Կուտ, Կիրենսկ, Լենսկ, Օլյոկմինսկ, Պոկրովսկ, Յակուտսկ քաղաքները և Սոտինցի, Ժիգանսկ բնակավայրերը։
Հիդրոգրաֆիա Խմբագրել
Լենա գետի երկարությունը կազմում է 4480 կմ, ավազանի մակերեսը՝ 2490000 կմ2 է։ Գետի ջրի ծախսը միջինում կազմում է 16 350 մ3։
Վտակներ Խմբագրել
Լենա գետի վտակներն են Չայա, Վիտիմ, Ալդան, Կուտա, Օլյոմկա, Վիլյույ, Կիրենգա, Չույա, Մոլոդո գետերը։
Տես նաև Խմբագրել
Ծանոթագրություններ Խմբագրել
- ↑ Հ. Ղ. Գրգեարյան, Ն. Մ. Հարությունյան (1987)։ Աշխարհագրական անունների բառարան։ Երևան: «Լույս»
Պատկերասրահ Խմբագրել
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 4, էջ 537)։ |