Լայլա Լալամի
Լայլա Լալամի (արաբ․՝ ليلى العلمي, անգլ.՝ Laila Lalami; փետրվարի 24, 1968[1], Ռաբաթ, Մարոկկո[2]), մարոկկոյան ծագմամբ ամերիկացի գրող և լրագրող։
Լայլա Լալամի արաբ․՝ ليلى العلمي | |
|---|---|
 | |
| Ծնվել է | փետրվարի 24, 1968[1] (56 տարեկան) |
| Ծննդավայր | Ռաբաթ, Մարոկկո[2] |
| Մասնագիտություն | վիպասան, գրող, լրագրող, ակնարկագիր, համալսարանի դասախոս և լեզվաբան |
| Քաղաքացիություն |  Մարոկկո և  ԱՄՆ |
| Կրթություն | Լոնդոնի համալսարանի քոլեջ, Հարավային Կալիֆոռնիայի համալսարան և Մուհամեդ V-ի անվան համալսարան |
| Ուշագրավ աշխատանքներ | The Moor's Account? |
| Աշխատավայր | Ռիվերսայդի Կալիֆորնիայի համալսարան |
| Պարգևներ | |
| Կայք | lailalalami.com/about/ |
 Laila Lalami Վիքիպահեստում | |
Կենսագրություն
խմբագրելՄեծացել է Մարոկկոյում։ Խոսել է արաբերեն և ֆրանսերեն լեզուներով, անգլերեն սկսել է սովորել 15 տարեկանում։ Ստացել է բակալավրի աստիճան Մուհամմեդ 5-րդի համալսարանի անգլիական գրականություն բաժնում։ 1991 թվականին Բրիտանական խորհրդի կրթաթոշակով տեղափոխվել է Մեծ Բրիտանիա, Լոնդոնի համալսարանական քոլեջում ավարտել է լեզվաբանության մագիստրատուրան։ Վերադարձել է Մարոկկո և զբաղվել լրագրությամբ։ 1992 թվականին տեղափոխվել է ԱՄՆ, պաշտպանել է դիսերտացիա Հարավային Կալիֆոռնիայի համալսարանում։ 1996 թվականին սկսել է գրել անգլերեն լեզվով։ Հրապարակվել է որպես քաղաքական տեսաբան և գրական քննադատ The Boston Globe-ում, Los Angeles Times-ում, The New York Times-ում, The Washington Post-ում և այլն։ Առաջնաելույթ է կատարել 2005 թվականին պատմվածքների գրքով։ 2009 թվականին Համաշխարհային տնտեսական ֆորումը նրան շնորհեց «Երիտասարդ համաշխարհային առաջնորդ» պատվավոր կոչումը։ Դասավանդում է գրական հմտություններ Ռիվերսայդի Կալիֆոռնիայի համալսարանում։
Հրապարակումներ
խմբագրել- «Հույս և այլ վտանգավոր զբաղմունքներ» / Hope and Other Dangerous Pursuits, նորավեպեր (2005; իսպ. и հոլանդ. թարգ. 2006, ֆրանս. թարգ. 2007, թարգ. ուրդու 2010)
- «Խորհրդավոր որդին» / Secret Son, վեպ (2009, Օրանժ մրցանակի երկար շարք; հոլանդ․ թարգ․ 2009, թարգ․ չին․ և բոսնի․ 2011)
- «Մավրի հաշիվը» / The Moor’s Account (2014, Ամերիկայի գաղութայնացման ժամանակաշրջանի պատմական վեպ)