Իրբիդի մարզ

Իրբիդի մարզ (արաբ․՝ محافظة إربد‎‎), մարզ Հորդանանի Թագավորության հյուսիսարևմտյան հատվածում։ Վարչական կենտրոնը համարվում է Հորդանանի նշանավոր քաղաքներից Իրբիդը:

Իրբիդի մարզ محافظة إربد
Երկիր	Հորդանան
Կարգավիճակ	մարզ
Մտնում է	Հորդանան
Ներառում է	9 շրջան
Վարչկենտրոն	Իրբիդ
Հիմնական լեզու	արաբերեն
Բնակչություն (2012)	1 112 300 (2-րդ տեղ)
Խտություն	707,57 ( 1-ին տեղ)
Կրոնական կազմ	իսլամ
Տարածք	1 572  (1,77 %, 8-րդ տեղ)
Սահմանակցում է	Դառաայի մարզ և Հյուսիսային մարզ
ISO 3166-2 կոդ	JO-IR
moi.gov.jo/Pages/viewpage.aspx?pageID=431

Ըստ 2012 թվականի մարդահամարի տվյալների, մարզի բնակչությունը կազմում է 1 112 300 մարդ և Իրբիդի մարզը համարվում է երկրի 2-րդ ամենաշատ բնակչություն ունեցող վարչական միավորը։

Բնակչության խտության ցուցանիշով առաջատարն է՝ 707,57 մարդ/կմ²:

Աշխարհագրություն

Հարավ-արևելքում Իբրիդի մարզը սահմանակցում է Ալ-Մաֆրակի և Ջարաշի մարզերին, հարավում սահման ունի Աջլունի և Ալ-Բալկայի մարզերի հետ։ Հարավ-արևմտյան մասը Հորդանանի սահմանն է Պաղեստինի Ինքնահռչակ Հանրապետության հետ։

Արևմտյան հատվածում գտնվում է Հորդանանի և Իսրայելի սահմանը, որը անցնում է Հորդանան գետով։ Հյուսիսում սահմանակցում է Սիրիայի Արաբական Հանրապետության Դառաայի մարզին:

Սիրիայի և Հորդանանի սահմանը անցնում է նաև Յարմաք գետով:

Վարչական բաժանում

Իրբիդի մարզը գտնվում է Հորդանանի Թագավորության հյուսիսարևմտյան հատվածում։ Վարչականորեն բաժանված է 9 շրջանների։ Շրջանի կարգավիճակ ունի նաև վարչկենտրոն Իրբիդ քաղաքը։

• Ալ-Կասաբայի շրջան (արաբ․՝ القصبة‎‎)
• Բենի Ուբեյդի շրջան (արաբ․՝ بني عبيد‎‎)
• Ալ-Մազար ալ-Շամալիի շրջան (արաբ․՝ المزار الشمالي‎‎)
• Ալ-Ռամսայի շրջան (արաբ․՝ الرمثاء‎‎)
• Բենի Քինանայի շրջան (արաբ․՝ بني كنانة‎‎)
• Ալ-Քուրայի շրջան (արաբ․՝ الكورة‎‎)
• Ալ-Աղվար ալ-Շիմալիայի շրջան (արաբ․՝ الأغوار الشمالية‎‎)
• Ալ-Տայբայի շրջան (արաբ․՝ الطيبة‎‎)
• Ալ-Վասատիայի շրջան (արաբ․՝ الوسطية‎‎)