Զմայլե

Զմայլե, գյուղ Արևմտյան Հայաստանում, Խարբերդի վիլայեթի Չարսանջակի գավառակում։ Գտնվում էր Բերրի գյուղաքաղաքից արևմուտք, Մնձուր գետի ձախ կողմում, գետաբերանի մոտակաքյում։

Գյուղ
Զմայլե
Վարչական տարածք	Արևմտյան Հայաստան
Վիլայեթ	Խարբերդի վիլայեթԽարբերդի վիլայեթ
Գավառակ	Չարսանջակի գավառակ
Այլ անվանումներ	Զմայիլ, Իզմաիլի, Իսմաիլցիք, Իսմայել
Պաշտոնական լեզու	Հայերեն
Ազգային կազմ	Հայեր (մինչև Մեծ եղեռնը)
Կրոնական կազմ	Քրիստոնյա (մինչև Մեծ եղեռնը)
Ժամային գոտի	UTC+3
Փոստային ինդեքսներ	62800
Զմայլե (Աշխարհ)

Անվանումներ

Գյուղն ունեցել է հետևյալ անվանումները. Զմայիլ, Զմայլելի, Զմայլեցի, Իզմաիլի, Իսմաիլ, Իսմաիլցիք, Իսմայել, Իսմայելցիք, Իսմայիլ, Իսմայիլբեգ, Իսմայիլջիք, Իսմայիլցիք։

Պատմություն

Ըստ հիշատակությունների XVII դարում եղել է գյուղաքաղաք։ Հայ բնակիչները կոտորվել կամ տեղահանվել են 1915 թվականի Մեծ եղեռնի ժամանակ։

Բնակչություն

XX դարի սկզբին ուներ 40 տուն հայ և 8 տուն թուրք բնակիչ։

Պատմամշակութային կառույցներ

Զմայլեն ուներ Ս. Աստվածամայր անունով հին եկեղեցի։ Գյուղի մոտերքում գտնվում է Ս. Լույս (կամ Ս. Լուսավորիչ) վանքի ավերակները։

Կրթություն

Եկեղեցուն կից գործում էր վարժարան։

Տես նաև

• Խարբերդի նահանգի հայաբնակ բնակավայրեր

Աղբյուրներ

• «Հայաստանի և հարակից շրջանների տեղանունների բառարան» (5 հատորով), 1986-2001 թթ., Երևանի Համալսարանի հրատարակչություն
• Արեւմտահայաստանի եւ Արեւմտահայութեան Հարցերու Ուսումնասիրութեան Կեդրոն

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 4, էջ 399)։