Իջմե

Իջմե, գյուղ Արևմտյան Հայաստանում, Խարբերդի վիլայեթի Խարբերդի գավառում։ Գտնվում էր Խարբերդ քաղաքից 8 կմ հարավ-արևելք, Եփրատ գետի ձախափնյա մասում, Մաստար լեռան արևմտյան փեշին։

Գյուղ
Իջմե
Վարչական տարածք	Արևմտյան Հայաստան
Վիլայեթ	Խարբերդի վիլայեթԽարբերդի վիլայեթ
Գավառ	Խարբերդի գավառ
Այլ անվանումներ	Իչմա, Իչման, Իչմե, Իջմա
Պաշտոնական լեզու	Հայերեն
Ազգային կազմ	Հայեր (մինչև Մեծ եղեռնը)
Կրոնական կազմ	Քրիստոնյա (մինչև Մեծ եղեռնը)
Ժամային գոտի	UTC+3
Իջմե (Աշխարհ)

Պատմություն

1895 թվականին թուրքերը տանջամահ են արել գյուղի 40 երևելի հայերի։ Գյուղն ավերվել, կողոպտվել, իսկ բնակիչները կոտորվել կամ բռնությամբ տեղահանվել են 1915 թվականի Մեծ եղեռնի ժամանակ։

Բնակչություն

XIX դարի վերջին ուներ 200 տուն հայ բնակիչ։

Տնտեսություն

Բնակչության հիմնական զբաղմունքը անասնապահությւոն, հողագործությունն ու արհեստներն էր՝ հիմնականում կոշկակարությունը։

Պատմամշակութային կառույցներ

Իջմեն ուներ Ս. Նիկողոս անունով եկեղեցի։ 1915 թվականին թուրքերը եկեղեցին դարձրել են մզկիթ։ Գյուղի մոտակայքում, Զարդարիչ գյուղի մոտ գտնվում էր Աբդլմսեհ վանքը։

Կրթություն

Գյուղն ուներ վարժարան, որտեղ սովորում էին 50 սաներ։

Վարչական բաժանում

Իջմեն բաժանված էր Իջմե Ներքին և Իջմե Վերին թաղերի։

Տես նաև

• Խարբերդի նահանգի հայաբնակ բնակավայրեր

Աղբյուրներ

• «Հայաստանի և հարակից շրջանների տեղանունների բառարան» (5 հատորով), 1986-2001 թթ., Երևանի Համալսարանի հրատարակչություն
• Արեւմտահայաստանի եւ Արեւմտահայութեան Հարցերու Ուսումնասիրութեան Կեդրոն

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 4, էջ 381)։