Իշխանաց կղզիների թանգարան

Իշխանաց կղզիների թանգարան (թուրք.՝ Adalar Müzesi), թանգարան Բյույուքադայում, Իշխանաց կղզիներում (թուրք.՝ Adalar), Թուրքիայի Ստամբուլի նահանգում: Նվիրված է Իշխանաց կղզիների պատմությանը:

Իշխանաց կղզիների թանգարան
Museum of the princes islands logo.png
Adalar muzesi hangar binasi.jpg
Տեսակթանգարան
ԵրկիրFlag of Turkey.svg Թուրքիա
ՏեղագրությունՓրինս կղզիներ և Ստամբուլի մարզ
ՎայրԲյույուքադա
Հիմնադրված է2010
Կայքadalarmuzesi.org/cms/adalarmuzesi/adalar-muzesi/muze-hakkinda

Դիրք և պատմությունԽմբագրել

Թանգարանը գտնվում է Բյույուքադայի արևելյան կողմում, արշիպելագի ամենամեծ կղզում, Ստամբուլի փոքրասիական հատվածում, Մարմարա ծովում, 40°51′22″ հս․ լ. 29°07′29″ ավ. ե.HGЯO կոորդինատներով:

Թանգարանը հիմնադրվել է տեղական իշխանությունների կողմից[1] և բացվել է 2010 թվականի սեպտեմբերի 10-ին[2]: Թանգարանն ունի 800 քմ ներքին և 1300 քմ արտաքին տարածք[3]:

ՑուցադրություններԽմբագրել

Նախասրահում ցուցադրված են Իշխանաց կղզիներից օդային լուսանկարներ և հիմնական տեղեկատվություն: Հաջորդ սրահներում ցուցադրված են կղզիների կենսաբանական կյանքը ներկայացնող ցուցանմուշներ: 400 միլիոն տարի առաջ գոյություն ունեցած ձկնատեսակների բրածո մնացորդները, որ հայտնաբերել է անգլիացի երկրաբան Ու. Ս. Սվանը 1860-ական թվականներին Բյույուքադայի հարավ-արևմտյան մասում գտնվող ավազային գոյացություններում[2], հավաքածուի կարևոր նմուշներից են: Առկա են երկրաբանական հավաքածուներ, թռչնատեսակների նմուշներ, նշումներ կղզիների մասին` հնագույն հեղինակների կողմից, հիշատակություններ կղզիներում գոյություն ունեցած առաջին կենսաբանական ձևերի, կղզիների առաջին բնակիչների մասին: Հաջորդ սրահներում ներկայացված են «Կղզիները որպես Ստամբուլի արվարձան», «Իշխանաց կղզիների ճարտարապետությունը», «Ժողովրդագրություն և միգրացիա», «Թիավարում և ջրային սպորտաձևեր», «Իշխանաց կղզիների սնվելու մշակույթը», «Կղզիների երաժիշտները» և այլ ցուցադրություններ[1]:

Այլ բաժիններԽմբագրել

 
Լեֆտեր Կյուչյուկանդոնյանդիսի մոմե արձանը թանգարանում

Թանգարանն ունի գրադարան, որտեղ պահվում են Իշխանաց կղզիների մասին պատմող գրքեր, քարտեզներ, Օսմանյան արխիվներ, տեղեկություններ կղզիներում ծնված հայտնի մարդկանց մասին: Կան նաև սեմինարներ անցկացնելու և երեխաների համար նախատեսված առանձին բաժիններ[1]: Ըստ թանգարանի էջի, պահվող փաստաթղթերի թիվը հասնում է 20.000-ի, լուսանկարներինը` 6.000-ի[4]: Թանգարանում Բյույուքադայից հայտնի ֆուտբոլիստ Լեֆտեր Կյուչյուկանդոնյանդիսին (1924-2012) նվիրված առանձին բաժին է ավելացվել` նրա մահից մի քանի ամիս անց[5]:

ԾանոթագրություններԽմբագրել