Բացել գլխավոր ցանկը

Իզմայիլ (քաղաք, Ուկրաինա)

Իզմայիլ[4] (ուկր.՝ Ізмаїл, հայկական աղբյուրներում՝ Իսմայիլ[5]), քաղաք Ուկրաինայի Օդեսայի մարզի Իզմաիլի շրջանում, մարզային նշանակության քաղաք, շրջկենտրոն։ Բնակավայրը նախկինում նաև անվանվել է Տուչկով։

Քաղաք
Իզմայիլ
ուկր.՝ Ізмаїл
Դրոշ Զինանշան
Izmail flag.svg Izmayil COA 1996.png

PokrovCathedralIzmail.jpg
Կոորդինատներ: 45°21′0″ հս․ լ. 28°50′0″ ավ. ե. / 45.35000° հս․. լ. 28.83333° ավ. ե. / 45.35000; 28.83333
ԵրկիրՈւկրաինա Ուկրաինա
Ենթարկումմարզային նշանակության քաղաք, շրջկենտրոն
ՄարզՕդեսայի մարզ
ՇրջանԻզմաիլի շրջան
Առաջին հիշատակում1542
Այլ անվանումներՏուչկով
Մակերես53[1] կմ²
ԲԾՄ31 մետր
Խոսվող լեզուներՈւկրաիներեն, Ռուսերեն[2]
Բնակչություն73 336[3] մարդ (2012)
Ժամային գոտիUTC+2, ամառը UTC+3
Հեռախոսային կոդ4841
Փոստային ինդեքսներ68600
Ավտոմոբիլային կոդBH / 16
Պաշտոնական կայքizmail.odessa.gov.ua
##Իզմայիլ (քաղաք, Ուկրաինա) (Ուկրաինա)
Red pog.png
##Իզմայիլ (քաղաք, Ուկրաինա) (Օդեսայի մարզ)
Red pog.png

2012 թվականի տվյալներով Իզմայիլ քաղաքում բնակվում էր 73 336 մարդ։ Բնակավայրը զբաղեցնում է 53 կմ²։

Հայերը ԻզմայիլումԽմբագրել

Հայերը Իզմայելում միջին դարերում բնակություն են հաստատել Ամասիայից, Եվդոկիայից և Արևմտյան Հայաստանի զանազան բնակավայրերից: Ունեցել են եկեղեցի (1669-ից):

1750-ին Իզմայիլում գործել է հայ դերձակների եղբայրություն (համքարություն): 1787-1791 թվականների ռուս-թուրքական պատերազմի ժամանակ հայերը մեծ օգնություն են ցույց տվել ռուսական զորքերին: Քաղաքի ազատագրումից հետո ռուս զորավար Ա. Վ. Սուվորովն ու Ռուսահայոց թեմի առաջնորդ Հովսեփ արքեպիսկոպոս Արղությանը շատ հայերի ազատել են թուրքական գերությունից: Հովսեփ արքեպիսկոպոս Արղությանը 320 ընտանիք (1658 բնակիչ) գաղթեցրել է նախ Դուբոսար, ապա՝ նորաստեղծ Գրիգորիուպոլիս: 19-րդ դարի սկզբին Իզմայիլում կար ընդամենը 60 տուն հայ: Տեղի հայկական ավանը մտնում էր Բեսարաբիայի և Նոր Նախիջևանի հայոց թեմի մեջ: 1828-ին Խ. Լազարյանի դրամական օգնությամբ նորոգվել է Իզմայիլի հայոց եկեղեցին և բացվել հայկական տարրական դպրոց: Սակայն հետզհետե նվազել է հայերի թիվը, և արդեն 1905-թվականին Իզմայիլում կար ընդամենը 25-30 տուն հայ բնակիչ[5]:

ԾանոթագրություններԽմբագրել

Արտաքին հղումներԽմբագրել