Իդա Ֆալբե-Հանսեն
Իդա Ֆալբե-Հանսեն (դան․՝ Ida Mariette Helene Falbe-Hansen, փետրվարի 19, 1849[1], Օդենսե, Դանիա - սեպտեմբերի 23, 1922[1], Ֆրեդերիկսբերգ, Դանիա), դանիացի մանկավարժ, բանասեր և կանանց շարժման ակտիվիստ։
| Իդա Ֆալբե-Հանսեն | |
|---|---|
 | |
| Ծնվել է | փետրվարի 19, 1849[1] |
| Ծննդավայր | Օդենսե, Դանիա |
| Մահացել է | սեպտեմբերի 23, 1922[1] (73 տարեկան) |
| Մահվան վայր | Ֆրեդերիկսբերգ, Դանիա |
| Քաղաքացիություն | Դանիա |
| Կրթություն | Ն.Զահլեի դպրոց |
| Մասնագիտություն | բանասեր, գրող և խմբագիր |
 Ida Falbe-Hansen Վիքիպահեստում | |
Կենսագրություն
խմբագրելԻդա Ֆալբե-Հանսենը ծնվել է 1849 թվականին, Օդենսեում, Յոհան Յորգեն Հանսենի և Մարիետա Կարոլինա Էռնեստինա Բասենի ընտանիքում։ 1877 թվականին ընդունվել է Կոպենհագենի Նատալի Սալեի դպրոց (N. Zahles Skole), որտեղ վերապատրաստման դասընթացներն ավարտելուց հետո մնացել է նույն դպրոցում մինչև 1884 թվականը և աշխատել որպես ուսուցիչ։ Մեկնել է Լոնդոն և սովորել Բրիտանական թանգարանում։ 1889 թվականին Իդան վերադարձել է Դանիա և մինչև 1899 թվականը Նատալի Սալեի դպրոցում ուսուցանել է շվեդերեն և դանիերեն։ 1890 թվականին Կոպենհագենի համալսարանում սովորել է սկանդինավյան բանասիրություն։
Իդան ունեցել է մանկավարժական լավ հմտություններ և 1892-1911 թվականներին եղել է հանրակրթական դպրոցներում ուսուցիչների քննությունների տեսուչ, իսկ 1910-1919 թվականներին` Den Danske Pigeskole-ում («Դանիայի աղջիկների դպրոց») տնօրեն։ Միաժամանակ եղել է կիրառական գիտությունների քննական հանձնաժողովի անդամ, ինչպես նաև կրթության նախարարության ներկայացուցիչ, եղել է նաև շվեդերենի լավ ուսուցիչ է, նպաստել է Դանիայոմ շվեդական գրականության առաջխաղացմանը և ինքն էլ հրատարակել է դասագրքեր։ Էլիզաբեթ Գրունդտվիգի հետ դանիերեն է թարգմանել շվեդ գրող և Նոբելյան դափնեկիր Սելմա Լագերլյոֆի գրքերից։
Բացի դասախոսական գործունեությունից, Իդան ակտիվորեն մասնակցել է կանանց իրավունքների շարժմանը՝ 1883-1886 թվականներին ընտրվելով «Դանիայի կանանց համայնքի» և 1889-1896 թվականներին՝ «Կանանց ընթերցանության միության» կազմում։ 1899 թվականին ղեկավարել է «Կանանց ընթերցանության միությունը»։ Որպես գրականության պատմաբան` նա հրատարակել է ոլորտի մի շարք աշխատանքներ, այդ թվում՝ Den ny Eventyrbog («Պատմվածքների նոր ժողովածու», 1873) և («Դանիական ժողովրդական հին երգեր», 1917)։
Իդայի արժանիքները բարձր են գնահատվել, 1914 թվականին նրան շնորհվել է Դանիայի «Ծառայությունների համար» ոսկե մեդալ, իսկ 1915 թվականին՝ գրականության և արվեստի շվեդական ոսկե մեդալ։
Իդան մահացել է 1922 թվականին, Կոպենհագենում։ Թաղված է Frederiksberg Ældre Kirkegård գերեզմանատանը։
Ծանոթագրություններ
խմբագրելԱրտաքին հղումներ
խմբագրել- Ida Falbe-Hansen
- Ida Falbe-Hansen (1849 - 1922) Falbe-Hansen, Ida Mariette Helene
- «Ida Falbe-Hansen». www.gravsted.dk. Վերցված է 2020 թ․ դեկտեմբերի 14-ին.
 | Վիքիպահեստն ունի նյութեր, որոնք վերաբերում են «Իդա Ֆալբե-Հանսեն» հոդվածին։ |