Իգոր Մուրադյան

Իգոր Մարատի Մուրադյան (ապրիլի 29, 1957(1957-04-29), Օդեսա, Օդեսայի մարզ, Ուկրաինական ԽՍՀ, ԽՍՀՄ - հունիսի 17, 2018(2018-06-17), Երևան, Հայաստան), հայ քաղաքագետ, տնտեսական գիտությունների թեկնածու։

Իգոր Մարատի Մուրադյան
Ծնվել է	ապրիլի 29, 1957(1957-04-29)
Ծննդավայր	Օդեսա, Ուկրաինական ԽՍՀ
Մահացել է	հունիսի 17, 2018(2018-06-17) (61 տարեկան)
Մահվան վայր	Երևան, Հայաստան
Գերեզման	Եռաբլուր
Քաղաքացիություն	Հայաստան
Ազգություն	հայ
Կրթություն	Մոսկվայի Պլեխանովի անվան գյուղատնտեսական ինստիտուտ
Մասնագիտություն	քաղաքագետ
Պարգևներ և մրցանակներ
Igor Muradyan Վիքիպահեստում

Կենսագրություն

Ծնվել է 1957 թվականի ապրիլի 29-ին Օդեսա քաղաքում, Ուկրաինական ԽՍՀ։ Մեծացել է Բաքվում։

Ավարտել է Մոսկվայի Պլեխանովի անվան գյուղատնտեսական ինստիտուտի արդյունաբերական ֆակուլտետը։ Իգոր Մուրադյանը նախաձեռնել է «Ղարաբաղ» կոմիտեի ստեղծումը։

1988 թվականի մայիսին թողել է Կոմիտեի կառավարման գործը։

1990-1995 թթ.՝ ԳԽ պատգամավոր (թիվ 081 ընտրատարածք), ԳԽ Պաշտպանության և ներքին գործերի հարցերի մշտական հանձնաժողովի անդամ։

Հետազոտությունների գլխավոր ուղղությունն է Սևծովյան-կովկասյան տարածաշրջանի անվտանգության պայմանների, ռիսկերի և վտանգների վերլուծաբանությունը։

2009-2013 թվականներին եղել է «Իրատես դե ֆակտո» թերթի քաղաքական վերլուծաբանը։

Իգոր Մուրադյանը մահացել է 2018 թվականի հունիսի 17-ին Երևանում, երկարատև հիվանդությունից։

Պարգևներ

• Մեսրոպ Մաշտոցի շքանշան (Արցախ), Իգոր Մուրադյանը 2015 թվականի փետրվարի 2-ին հետ է վերադարձրել Լեռնային Ղարաբաղի Ազգային Ժողովի շնորհած Մեսրոպ Մաշտոցի շքանշանը։

Հրապարակումներ

Աշխարհաքաղաքականության և աշխարհատնտեսության վերաբերյալ հոդվածների հեղինակ է։ Գրել է 1200 հոդված և 16 գիրք, այդ թվում.

• Игорь Мурадян։ Ракеты - последний аргумент США в Кавказско-Каспийском регионе. 11 июля 2007
• Мадридские принципы – национальная катастрофа для армян։ Игорь Мурадян. 1 июля 2010
• Таты – базовая составляющая азербайджанской государственности. Январь 4, 2010
• Проблемы безопасности в ближневосточной политике США. Ер., “Антарес”, 2003