Էրիկ Գրիգորյան

Էրիկ Գրիգորյան (հոկտեմբերի 17, 1979, Կապան, Սյունիք), Հայաստանի բնապահպանության նախարար։

Էրիկ Գրիգորյան
Հայաստանի Հանրապետության բնապահպանության նախարար
Կրթություն՝	Հայաստանի պետական տնտեսագիտական համալսարան, Էգեյան համալսարան և Սալոնիկի Արիստոտելի համալսարան
Մասնագիտություն՝	պետական գործիչ
Ազգություն	հայ
Ծննդյան օր	հոկտեմբերի 17, 1979թ․
Ծննդավայր	Կապան, Սյունիք
Քաղաքացիություն	Հայաստան

Կենսագրություն

Էրիկ Գրիգորյանը ծնվել է 1979 թվականի հոկտեմբերի 17-ին Կապան քաղաքում։ 1995-2000 թվականներին սովորել է Երևանի պետական տնտեսագիտական ինստիտուտի ընդհանուր տնտեսագիտական ֆակուլտետի՝ բնօգտագործման տնտեսագիտություն մասնագիտության բաժնում։ 2004-2005 թվականներին սովորել է Էգեյան համալսարանի, բնապահպանական գիտությունների ֆակուլտետում, ուսումնասիրել է շրջակա միջավայրի կառավարման և քաղաքականության միջազգային անսպիրանտական ծրագիրը։ 2007 թվականին սովորել է Դրեզդենի տեխնոլոգիական համալսարանում, ուսումնասիրել է շրջակա միջավայրի կառավարման միջազգային հետբուհական դիպլոմավորված ծրագիրը։ 2008-2009 թվականներին սովորել է Սալոնիկի Արիստոտելի համալսարանում, ստացել է դոկտորական ուսում, ուսումնասիրել է շրջակա միջավայրի տնտեսագիտությունը։

Աշխատել է էկոհամակարգերի տարբեր ծրագրերում։ 2017 թվականի փետրվարի 22-ից աշխատել է Հայաստանի Հանրապետության վարչապետի օգնական։

Հայաստանում, Ռուսաստանում, Հունաստանում և Գերմանիայում տպագրված մի շարք հրատարակությունների, գիտական հոդվածների հեղինակ է։

Ընտանիք

Ամուսնացած է ունի երկու որդի՝ Վահագն և Նարեկը։ Կինը՝ Նանե Շահնազարյան, աշխատում է ֆինանսների նախարարությունում։

Արտաքին հղումներ

• Հայաստանի Հանրապետության բնապահպանության նախարարության պաշտոնական կայք