Վիքիպեդիա

Էրիկս Էշենվալդս

Էրիկս Էշենվալդս (լատիշ․՝ Ēriks Ešenvalds, հունվարի 26, 1977(1977-01-26)[1], Պրիեկուլե, Liepāja District, Լատվիական ԽՍՀ, ԽՍՀՄ), ժամանակակից լատիշ կոմպոզիտոր[2][3], Լատվիայի երաժշտական ակադեմիայի դասախոս։ Լատվիայի Երաժշտական մեծ մրցանակի եռակի դափնեկիր[4], երեք աստղի շքանշանի սպա։

Էրիկս Էշենվալդս
Բնօրինակ անունլատիշ․՝ Ēriks Ešenvalds
Ծնվել էհունվարի 26, 1977(1977-01-26)[1] (47 տարեկան)
Պրիեկուլե, Liepāja District, Լատվիական ԽՍՀ, ԽՍՀՄ
Երկիր Լատվիա
Ժանրերդասական երաժշտություն
Մասնագիտությունկոմպոզիտոր
ԿրթությունՅազեպ Վիտոլի անվան Լատվիայի երաժշտական ակադեմիա
Պարգևներ
Կայքeriksesenvalds.com

Կենսագրություն խմբագրել

Էրիկս Էշենվալդսը ծնվել է Պրիեկուլում։ 1995-1997 թվականներին սովորել է Լատվիայի բապտիստական հոգևոր ճեմարանում, 2004 թվականին ավարտել է Լատվիայի Յազեպ Վիտոլի անվան երաժշտական ակադեմիան (կոմպոզիցիայի մագիստրոս, ղեկավար՝ Սելգա Մենցե)։ Նա վարպետության դասեր է ունեցել կոմպոզիտորներ Մայքլ Ֆիննիսիի, Կլաուս Հուբերի, Ֆիլիպ Մանուրիի և Ջոնաթան Հարվիի մոտ։ 2002-2011 թվականներին մասնակցել է «Լատվիա» երգչախմբին[2][3], 2011-2013 թվականներին նա Քեմբրիջի համալսարանի Տրինիտի քոլեջի ստեղծագործական արվեստների արտոնյալ ուսանող էր[5]։ Լատվիայի Երաժշտական մեծ մրցանակի եռակի դափնեկիր[4], Կոմպոզիտորների միջազգային տրիբունայի մրցանակի դափնեկիր «Լեգենդ բանտարկված կնոջ մասին» ստեղծագործության համար[6]։ 2014 թվականին Համաշխարհային երգչախմբի խաղերի օրհներգի հեղինակն է Ռիգայում, որն այդ տարի ճանաչվել էր Եվրոպական մշակույթի մայրաքաղաք[7]։

Ներկայումս Լատվիայի երաժշտական ակադեմիայում կոմպոզիցիա է դասավանդում։ Ամուսնացած է, ունի չորս երեխա[8]։

Ձայնագրություններ խմբագրել

Էշենվալդսի ձայնագրությունները թողարկվում են Hyperion Records, Decca Classics, Deutsche Grammophon, Delphian Records, Pentatone և Ondine ստուդիաների կողմից[2]։ Հետևյալ ձայնագրությունները նվիրված են բացառապես նրա աշխատանքներին.

  • «Սուրբ Ղուկասի սերը, սուրբ աշխատություններ» (St Luke Passion Sacred Works) — Լատվիայի ռադիոյի երգչախումբ, Ռիգայի և Սիգվարդս Կլյավի սիմֆոնիկ նվագախումբ (Ondine, 2016)
  • «Հյուսիսային լույսեր և այլ երգչախմբային աշխատություններ» (Northern Lights & other choral works) — Քեմբրիջի Տրինիտի քոլեջի երգչախումբ և Ստիվեն Լեյտոն (Hyperion Records, 2015)
  • «Երկնքի հիմքում» (At the Foot of the Sky) — «Լատվիա» պետական երգչախումբ և Մարիս Սիրմաիս (2013)
  • «Կիրք և Հարություն և այլ երգչախմբային աշխատություններ» (Passion & Resurrection & other choral works) — Britten Sinfonia, Polyphony երգչախումբ և Ստիվեն Լեյտոն (Hyperion Records, 2011)
  • «O Salutaris» — կամերային երաժշտական երգչախումբ և Մարիս Սիրմաիս (2011)

«Հյուսիսային լույսեր և այլ երգչախմբային աշխատությունները» (Northern Lights & other choral works) մտել է Gramophone Classical Music Awards-ի 2015 թվականի անվանակարգի կարճ ցուցակի մեջ[9], մրցանակ է ստացել 2015 թվականի Gramophone անգլիական ամսագրի քննադատների կողմից[10] և մտել է 2015 թվականի լավագույն ալբոմների ցանկի մեջ Ici Radio-Canada Première վարկածով[11]։ At the Foot of the Sky (2013) և O Salutaris (2011) ալբոմները ճանաչվել են համապատասխան տարիների Լատվիայի լավագույն դասական ալբոմներ[12][13]։ 2016 թվականին Պորտլենդ նահանգի համալսարանի կամերային երգչախումբը վերաձայնագրել է ալբոմները Էշենվալդսի երաժշտությամբ[14]։

Ծանոթագրություններ խմբագրել

  1. ↑ 1,0 1,1 Deutsche Nationalbibliothek Record #1037377974 // Gemeinsame Normdatei (գերմ.) — 2012—2016.
  2. ↑ 2,0 2,1 2,2 «Ēriks Ešenvalds». Edition Peters Artist Management. Արխիվացված է օրիգինալից 2017 թ․ ապրիլի 25-ին. Վերցված է 2015 թ․ հունիսի 4-ին.
  3. ↑ 3,0 3,1 «Ešenvalds, Ēriks (1977)». Musica Baltica. Վերցված է 2015 թ․ հունիսի 4-ին.
  4. ↑ 4,0 4,1 «LMB laureāti». Lielā mūzikas balva (լատվիերեն). Վերցված է 2015 թ․ հունիսի 4-ին.
  5. ↑ «Latvian Composer Eriks Esenvalds appointed Fellow Commoner in Creative Arts». Trinity College Cambridge. University of Cambridge. Արխիվացված է օրիգինալից 2016 թ․ օգոստոսի 6-ին. Վերցված է 2015 թ․ հունիսի 4-ին.
  6. ↑ «2006 IRC (53rd session)». International Rostrum of Composers. International Music Council. Վերցված է 2015 թ․ հունիսի 4-ին.
  7. ↑ «Ē.Ešenvalds has composed an official song». Riga European Capital of Culture 2014. 2012 թ․ հուլիսի 4. Արխիվացված է օրիգինալից 2018 թ․ փետրվարի 21-ին. Վերցված է 2015 թ․ հունիսի 4-ին.
  8. ↑ Концерты с музыкой Эшенвалдса в Москве(ռուս.)
  9. ↑ «Gramophone Awards Shortlist 2015 digital magazine». Gramophone Magazine. 2015 թ․ օգոստոսի 1. Վերցված է 2015 թ․ հունիսի 4-ին.
  10. ↑ Coghlan, Alexandra (December 2015). «Northern Lights». Gramophone Magazine (Vol. 93, No. 1130): 19.
  11. ↑ «Les 12 meilleurs albums de 2015» (French). ICI Radio-Canada. 2015 թ․ դեկտեմբերի 23. Արխիվացված է օրիգինալից 2019 թ․ ապրիլի 18-ին. Վերցված է 2015 թ․ հունիսի 4-ին.{{cite web}}: CS1 սպաս․ չճանաչված լեզու (link)
  12. ↑ «Gada Balva 2013 rezultāti». Mūzikas ierakstu gada balva Zelta Mikrofons (լատվիերեն). Արխիվացված է օրիգինալից 2016 թ․ մարտի 21-ին. Վերցված է 2015 թ․ հունիսի 4-ին.
  13. ↑ «Gada Balva 2011 rezultāti». Mūzikas ierakstu gada balva Zelta Mikrofons (լատվիերեն). Արխիվացված է օրիգինալից 2018 թ․ օգոստոսի 23-ին. Վերցված է 2015 թ․ հունիսի 4-ին.
  14. ↑ Scott, Aaron (2016 թ․ մայիսի 19). «OPB: PSU Chamber Choir Meets Eriks Esenvalds' Haunting Music». Portland State University. Արխիվացված է օրիգինալից 2019 թ․ ապրիլի 18-ին. Վերցված է 2015 թ․ հունիսի 4-ին.

Արտաքին հղումներ խմբագրել

Ստացված է «https://hy.wikipedia.org/w/index.php?title=Էրիկս_Էշենվալդս&oldid=9468415» էջից