Էլնա Բորկ
Էլնա Ինգեր Կատրինա Բորկ (դան․՝ Elna Inger Cathrine Borch, դեկտեմբերի 6, 1869[1][2], Ռոսկիլե, Դանիա - հոկտեմբերի 3, 1950[2][3]), դանիացի քանդակագործ[4]։
| Էլնա Բորկ | |
|---|---|
 | |
| Ծնվել է | դեկտեմբերի 6, 1869[1][2] |
| Ծննդավայր | Ռոսկիլե, Դանիա |
| Մահացել է | հոկտեմբերի 3, 1950[2][3] (80 տարեկան) |
| Քաղաքացիություն | Դանիա |
| Մասնագիտություն | քանդակագործ |
 Elna Borch Վիքիպահեստում | |
Կենսագրություն
խմբագրելԷլնա Բորկը ծնվել է Դանիայի Ռոսկիլ քաղաքում, Անդերս Յակոբ Բորկի (1834–1904) և Մարտա Պետրինա Վիլումսենի (1845–1922) ընտանիքում։ Նրա ընտանիքում շատ արվեստագետներ են եղել, այդ թվում՝ հորեղբայրը՝ Յակոբ Կորներուպը (1825-1913), որը նրան սովորեցրել է նկարել։ Ավելի ուշ Բորկը Կոպենհագենում քանդակագործություն է սովորել քանդակագործ Ավգուստ Սոբյուեի մոտ, ով հետագայում դարձել է նրա ուսուցիչը, երբ նա սովորում էր Կանանց արվեստի ակադեմիայում[5]։
Բորկը հնարավորություն է ստացել սովորելու արտասահմանում և 1900 թվականին տեղափոխվել Փարիզ, այնուհետև՝ Իտալիա։ Քանդակագործության մեջ նրա գեղարվեստական ոճը զարգացել է նատուրալիզմի և սիմվոլիզմի ազդեցության ներքո[6]։ 1901 թվականին Փարիզում քանդակել է «Ծիծաղող ֆավնա» կիսանդրին, իսկ 1902 թվականին այցելել է Իտալիայի հյուսիս, որտեղ ստեղծել է սգացող տղայի քանդակը, որը հետագայում ստացել է Նոյհաուզենի մրցանակ։ Էլնա Բորկը հետաքրքրվում էր սիմվոլիզմով և դարձել է այն դանիացի քանդակագործներից մեկը, որն օգտագործել է արտահայտման այս ձևը իր աշխատանքում։
1905 թվականին Բորկը ստեղծել է իր լավագույն աշխատանքներից մեկը՝ «Մահը և կույսը» քանդակը, որն ուներ հստակ ոճաբանական հղումներ համաշխարհային սիմվոլիզմին։ Նա առաջին կին քանդակագործն էր, որը ներկայացվեց Կարլսբերգի կոպենհագենյան Նոր քանդակագործական հավաքածուում, որտեղ ներկայումս գտնվում է նրա ամենահայտնի քանդակը՝ «Մահը և կույսը»[5]։
Արտերկրում Բորկի աշխատանքները ցուցադրվել են 1927 թվականին՝ Նյու Յորք նահանգի Բրուքլին քաղաքում, Դանիական ազգային ցուցահանդեսում։ Բորկը ներգրավված էր նաև կենդանիների իրավունքների պաշտպանության պայքարում։ 1936 թվականին նա պարգևատրվել է Tagea Brandts Rejselegat-ի՝ դանիական մրցանակով, որը շնորհվում է այն կանանց, ովքեր նշանակալի ներդրումներ են ունեցել գիտության, գրականության կամ արվեստի բնագավառներում։ Չնայած նրան, որ նրա հայտնի գործերը բարձր են գնահատվում արվեստի դիլերների կողմից, Բորկն այժմ հիմնականում մոռացված է և քիչ է հայտնի լայն հասարակության համար։
Ծանոթագրություններ
խմբագրել- ↑ 1,0 1,1 Benezit Dictionary of Artists — OUP, 2006. — ISBN 978-0-19-977378-7
- ↑ 2,0 2,1 2,2 2,3 2,4 Kunstindeks Danmark (դան.)
- ↑ 3,0 3,1 3,2 FemBio տվյալների շտեմարան (գերմ.)
- ↑ Anette Sørensen. «Elna Borch». Kunstindeks Danmark & Weilbach Kunstnerleksikon. Վերցված է 2020 թ․ ապրիլի 21-ին.
- ↑ 5,0 5,1 Elisabeth Fabritius. «Elna Borch». Dansk Kvindebiografisk Leksikon. Վերցված է 2020 թ․ ապրիլի 21-ին.
- ↑ «Elna Borch - Artist Biography for Elna Borch». Askart.com. Վերցված է 2020 թ․ ապրիլի 21-ին.
Գրականություն
խմբագրել- Svensk uppslagsbok, encyclopédie en langue suédoise, publiée entre 1929 et 1955, en deux éditions. Elna Borch y est présentée dans celle de 1939.
- Borch, Elna dans le Registre en ligne, Kraks Blå Bog, 1910—1988. Elle y est présentée dans celle de 1989.
- [Oxfordindex.oup.com BORCH, Elna Inger Cathrine (born 1869), Sculptor : Benezit Dictionary of Artists - oi](անգլ.) : journal.
 | Վիքիպահեստն ունի նյութեր, որոնք վերաբերում են «Էլնա Բորկ» հոդվածին։ |