Էլիս Ռիվլին
Էլիս Միտչել Ռիվլին (անգլ.՝ Alice Rivlin, մարտի 4, 1931[1][2], Ֆիլադելֆիա, Փենսիլվանիա, ԱՄՆ[3] - մայիսի 14, 2019[4], Վաշինգտոն, Կոլումբիայի շրջան, ԱՄՆ), ամերիկացի տնտեսագետ և մանկավարժ։ Ֆիզիկոս Ալան Միտչելի դուստրը և աստղագետ Սամուել Ալֆրեդ Միտչելի թոռնուհին։
| Էլիս Ռիվլին անգլ.՝ Alice Rivlin | |
|---|---|
 | |
| Ծնվել է | մարտի 4, 1931[1][2] |
| Ծննդավայր | Ֆիլադելֆիա, Փենսիլվանիա, ԱՄՆ[3] |
| Մահացել է | մայիսի 14, 2019[4] (88 տարեկան) |
| Մահվան վայր | Վաշինգտոն, Կոլումբիայի շրջան, ԱՄՆ |
| Քաղաքացիություն |  ԱՄՆ |
| Կրթություն | Ռեդկլիֆ քոլեջ, Հարվարդի համալսարան և Բրին Մոր քոլեջ |
| Մասնագիտություն | տնտեսագետ և համալսարանի դասախոս |
| Աշխատավայր | Ջորջթաունի համալսարան |
| Զբաղեցրած պաշտոններ | Director of the Office of Management and Budget? |
| Կուսակցություն | Դեմոկրատական կուսակցություն |
| Պարգևներ և մրցանակներ | |
| Անդամություն | Արվեստների և գիտությունների ամերիկյան ակադեմիա և Ամերիկական փիլիսոփայական ընկերություն[7] |
Կենսագրություն խմբագրել
Էլիս Միտչել Ռիվլինը ծնվել է Ֆիլադելֆիայում։ Նա հրեա էր։ Մեծացել է Բլումինգթոնում, Ինդիանա, որտեղ նրա հայրը աշխատում էր Ինդիանայի համալսարանի ֆակուլտետում։ Սկզբում նա ցանկանում էր մասնագիտանալ պատմության մեջ, սակայն Ինդիանայի համալսարանում տնտեսագիտության դասընթաց անցնելուց հետո նա որոշեց փոխել մասնագիտությունը տնտեսագիտության մեջ։ Ռիվլինը ստացել է արվեստի բակալավրի կոչում 1952 թվականին՝ գրելով իր թեզը Արևմտյան Եվրոպայի տնտեսական ինտեգրման վերաբերյալ, իսկ ավարտելուց հետո տեղափոխվել է Եվրոպա, որտեղ աշխատել է Մարշալի պլանի վրա։ Ի սկզբանե Ռիվլինը ցանկանում էր սովորել պետական կառավարման ասպիրանտուրայում, սակայն նրան մերժեցին՝ պատճառաբանելով, որ նա ամուսնության տարիքի կին է[8]։
Գործունեություն խմբագրել
Էլիս Միտչել Ռիվլինը 1968 - 1969 թվականներին Նախագահ Լինդոն Ջոնսոնի կողմից նշանակվել է ԱՄՆ Առողջապահության, կրթության և բարեկեցության դեպարտամենտի Պլանավորման և գնահատման գծով քարտուղարի օգնական։ 1973 թվականին ընտրվել է Արվեստների և գիտությունների ամերիկյան ակադեմիայի անդամ[9]։ Փիլիսոփայության դոկտորական աստիճան ստացել է Ռեդքլիֆ քոլեջում 1958 թվականին։ Դասավանդել է Ջորջ Մեյսոնի և Նյու Յորքի համալսարաններում։ 1986 թվականին եղել է Ամերիկյան տնտեսական ասոցիացիայի նախագահ։ 1994 թվականի հոկտեմբերի 17-ից մինչև 1996 թվականի ապրիլի 26-ը եղել է Կառավարման և բյուջեի գրասենյակի տնօրեն։ 1996 թվականի հունիսի 25-ից մինչև 1999 թվականի հուլիսի 16-ը աշխատել է որպես Դաշնային պահուստային համակարգի նախագահի տեղակալ։ Տնտեսական մասնագիտության մեջ կանանց կարգավիճակի կոմիտեի կողմից Քերոլին Շոու Բելլի մրցանակի դափնեկիր (1998 թվական)։ 1989 թվականից ամուսնացած է (երկրորդ ամուսնություն) հայտնի տնտեսագետ Վինթերի հետ[10]։
Անձնական կյանք խմբագրել
Ռիվլինը կորնիշական (էթնիկ խումբ) ծագում ուներ։ 1955 թվականին նա ամուսնացել է Արդարադատության դեպարտամենտի նախկին փաստաբան Լյուիս Ալեն Ռիվլինի հետ։ Նրանք երեք երեխա են ունեցել։ 1977 թվականին Ամուսնալուծվել են։ 1989 թվականին Ռիվլինը ամուսնացել է տնտեսագետ Սիդնի Ուինթերի հետ[11]։
Մահ խմբագրել
Ռիվլինը մահացել է Վաշինգտոնում, 2019 թվականի մայիսի 14-ին, 88 տարեկան հասակում։
Հիմնական աշխատանքներ խմբագրել
Ծանոթագրություններ խմբագրել
- ↑ 1,0 1,1 Deutsche Nationalbibliothek Record #123890470 // Gemeinsame Normdatei (գերմ.) — 2012—2016.
- ↑ 2,0 2,1 SNAC — 2010.
- ↑ 3,0 3,1 3,2 The International Who's Who of Women 2006 — Routledge, 2005. — ISBN 978-1-85743-325-8
- ↑ 4,0 4,1 4,2 https://authors.repec.org/pro/pri423
- ↑ https://www.aeaweb.org/about-aea/committees/cswep/awards/bell
- ↑ https://commencement.miami.edu/about-us/archives/honorary-degree-recipients/index.html
- ↑ Notable Names Database — 2002.
- ↑ «American Economic Association». www.aeaweb.org. Վերցված է 2022 թ․ մայիսի 4-ին.
- ↑ Maisel, Louis Sandy; Forman, Ira N.; Altschiller, Donald; Bassett, Charles Walker (2001). «Jews in American Politics» (անգլերեն). Rowman & Littlefield. Վերցված է 2022 թ․ մայիսի 4-ին.
- ↑ «Getting to the Root Causes of Our Fiscal Challenges». whitehouse.gov (անգլերեն). 2010 թ․ ապրիլի 27. Վերցված է 2022 թ․ մայիսի 4-ին.
- ↑ «Medicare Reimbursment Rates and Deficit Spending». Diane Rehm (ամերիկյան անգլերեն). Վերցված է 2022 թ․ մայիսի 4-ին.